HISTOIRE MEMORABLE DE IEAN WIER , DE LA MEMBRANE APPELLEE HYMEN

Iean Wier , médecin du duc de Cleues, en son liure De l'imposture et tromperie des Diables , des enchante' mens et sorcelleries i , recite qu'il y avoit vne fille en Chambourg, laquelle auoit vne taye f rte et dure nommée Hymen, qui probiboit que lorsque ses menstrues lui suruindrent, ne peurent estre vacuées, à raison de lempescheinent de ceste membrane :

et pour la régurgitation du sang qui remontoit en haut , auoit le ventre fort enûé et tendu , et auoit de grandes et extrêmes douleurs , comme si elle eust deu enfanter. Alors les matrones furent mandées , lesquelles la veirent auoir le ventre ainsi dur et tendu, et les douleurs si extrêmes, que d'vn commun accord disoient qu'elle esloit grosse d'enfant, encores que la pauure fille leur conlredist auecques grands sermens, et affermast n'auoir iamais eu connoissance d'hommes : et dit qu'il fut appelle, lors que les femmes ne luy pouuoient plus rien faire, et qu'elles en desesperoient , à raison des dou-

> Chap. 38. — A. P. — Ce livre, comme il a été dit dans mon Introduction , avait été traduit en français par Grévin vers 1568.

leurs insupportables , lesquelles au oient desia duré trois sepmaines sans luy donner repos ne iour ne nuit, auec quelque suppression d'vrine, veilles perpétuelles, et perte d'appétit. Promptement qu'il fut arriué, il reconnut la partie malade, où il trouua l'orifice du col de la matrice clos et estoupé par vne taye, tellement qu'il n'en pouuoit rien ou peu sortir : et s'enquit de son aage, qui estoit de vingt et vu ans, et que iamais n'auoit eu ses fleurs : lors connut ceste tumeur ne procéder sinon d'vne subite descharge et fluxion de sang vers la région de l'vlerus et vaisseaux d'iceluy : parquoy appella vn chirurgien, et luy commanda faire vne ouuerture à ladite taye, et peu à peu en sortit bien huit liures de sang coagulé, noir et ja commencé à se pourrir : et l'euacualion du sang fuite, trois iours après fut du tout guarie.

Pour ceste cause ie conseilleray touiours aux pères et mères, qui auront la connoissance que leurs filles ayent ladite hymen, qu'ils la facent couper, s'il n'y auoit suffisante ouuerture à expurger leurs fleurs , pource que quelques-vnes pour semblable cause sont mortes, par faute que le sang menstruel n'auoit yssue.