Fili, eleemosynam pauperis ne

defraudes, et oculos tuos ne transvertas à paupere.

: 9. Animam esurientem ne despexeris, et non exasperes pauperem in inopià suá.

3. Cor inopis ne afflixeris, et non protrahas datum angustianti.

4. Rogationem contribulati ne abjicias, et non avertas faciem tuam ab egeno.

5. Ab inope ne avertas oculos tuos propter iram : et non relinquas quærentibus tibi retro maledicere.

6. Maledicentjs enim tibi in amaritudine anime exaudietur deprecatio illius : exaudiet autem eum qui fecit illum. .

7. Congregationi pauperum affabilem te facito : et presbytero humilia animam tuam, et magnato humilia caput tuum.

8. Declina pauperi sine tristitià aurem tuam, et redde debitum tuum, et responde illi pacifica in mansuetudine.

9. Libera eum qui injuriam patitur, de manu superbi : et non acide feras in animá tuà.

10. In judieando esto pupillis misericors ut pater, et pro viro matri illorum :

11. Et eris tu velut filius Altissimi obediens , et miserebitur tui magis quàm mater.

12. Sapientia filiis suis vitam inspirat : et suscipit inquirentes se, et præibit in vià justitiæ.