DE MELIN DE SAINCT-GELAY8. I

Apprenez-nous qui est ce rançonneur Qui vous tient prise et se faict 4irc Honneur ; On sent l'amour^ on sent le deuil ou joye ; Honneur n'est rien qu'on sente ne qu'on voye.

Ceste mer où vostre cueur flotte N'est jamais calme et sans tourmente ; Mais en fort temps s'expérimente L'art et le scavoir d'un pilote.

Au premier qui belle vous dict> Donnons foy entière et crédit ; £t vous, du soucy qui nous poinct^ A nous mesmes ne croyez point !

Amour ne veult ne lustre ne splendeur *\ Ne majesté compaigne à sa grandeur ; Mesme au grand dieu de Crète aymant en terre^ Il fist laisser sa fouldre et son tonnerre.

S'il y a rien en vous de malplaisant.

C'est que sur tous à un seul voulez plaire^

Pensez qu'un port est bien riche et duisant Où l'on ne vcoit jamais qu'une galère.

Ne laissez perdre un bon butin, Pour peur qu'amour en soit, mutin ; Il oyt clair et nos vœux escoute ; Mais qui les rompt il n'y voit goutte.

Vostre amour rend un mary triste et morne; Sçavous" pourquoy ? Tare d'Amour est de corne.

P'amour ne pourrez amender, Si vous craignez tant à mesprendre ; Trop avez demandé^ sans prendre ; Il faut prendre sans demander.

Tenez couvert l'aiguillon qui vous point.

Car c'est raison que raison les sens lie ; Mais si force est de faire une folie, Faictes la bonne^ ou ne commencez point.

Du bien où avez prétendu Vous avez eu petite part ;

DE MELIN DE 8A1NCT-GBLAY8. I49

Mais en jeu si plein de hazard, C'est gaing de n'avoir rien perdu.

Qu'attendez-vous? vostre bled n'est plus herbe ; Prenez mary, et croyez le proverbe , [somme, Qu'homme vault mieux qui d'argent n'a grand Qu'un grand thresor qui a affaire d'homme.

Selon l'amour que l'on vous porte, La vostre devient foible ou forte.

Ainsy faict voile ou se retire La Nau ", selon que le vent tire.

Des l'enfance en vostre visage, D'amour on veid signe et présage.

Vous reiglez trop vostre desîr; Venus ces respects ne demande.

Elle reçoit plus de plaisir D'un larrecin qued'une offrande.

Craignant un mal, vous mettez comme au vent Le bien qui jà vous est presque advenu ;

Geste peur là nous faict pis bien souvent Que le mal mesme alors qu'il est venu .

Pour tenir foy et vostre affection.

Mille plaisirs laissez perdre et deffaîre ; C'est quelquefois malfaict de trop bien faire, Et n*est plus foy; c'est superstition.

Lorsque d'aymer requeste vous faisons, Dieu alléguez pour vous en excuser.

Oncques marchand qui voulut refuser, Ne feit plaisir par faulte de raisons.

Vouldriez-vous bien, au gré d'une maistrcsse. Laisser languir une autre qu'Amour presse ?

Pardonne Amour ** ; car si c'est offenser.

Il feit la loy et en peust dispenser.

Vostre entretien aux cloches semblable est^ Où un chacun entend ce qui luy plaist.

Les mariniers au vent leurs voiles tendent; La guerre font les soldats qui l'entendent ;