M. DE PIERREPONT

Il avoit un parent ou voysin , très bon capitaine, qui fut M. de PierreponU II ne le faut point louer autrement, sinon qu'il fut lieutenant de M. de Bayard , qui sçavoit bien choisir ses membres, et les sçavoit bien faire combattre et commander à ses gens. Il fit très bien à la bataille de Ravenne , comme fit aussy son guidon , nommé le Bastard du Fay, qui menoit les guidons ; il estoit de ceste maison du Fay de Dauphiné, comme ou m'a dict, dont j'en ay cogneu de la race les deux Sainct-Jeban, vaillants frères, l'un qu'on appelloit le Borgne Sainct- Jehan , qui avoit esté fort favory du petit roy François, et eut l'œil crevé aux nopees du roy Dauphin, en un tournoy, et feu Gergcay qui luy creva.