ALFONSO CORSO

Il vint à la bonne heure en France, car il la servit très-vaillammant et fidellement en tous les endroicts de guerre où il s'est trouvé, comme en Dauplnué, en Languedoc, en Provence et autres provinces, et mesmes dernièrement à la desfaicte des Suisses , qui venoient pour ceux de la religion, car il fit la première et principale charge, et M. de La Villette après, puis en la recouvrance de ceste belle et bonne ville de Lyon et réduction en l'obeyssance du roy. 11 est très-brave et vaillant, et n'en doit rien au pere; très-loyal de mesmes que le pere, et fort affectionné au service du roy. Il est très-sage, bien advisé et grand politic, et rigoureux à chastier ses gens quand ils raillent. Aussy à telles gens faut-il un tel censeur, car ils sont forts scalabreux. Il est couronnel et en porte le nom et le titre. Despuis a esté faict marescbal de France par bon mérite, et l'appelle-on le mareschal d'Ornano et lieutenant du roy en Guyenne, fort desterminé et résolu en un faict ; et pour ce le feu roy dernier l'aymoit fort, et dit-on qu'après la mort de M. de Guyse, il avoit entrepris de tuer M. du May ne pour servir son roy; je ne sçay ce que c'en est. Le roy d'aujourd'hui 2 a occasion grande do l'aymer aussy, car il le sert tous les jours très-bien. Sa troupe de Corses est petite, mais il racritoit d'en estre couronnel

* Alphonse d'Ornano , éleré à la cour de Henri 11 comme enfant d'honneur des princes ses ^enfants ; il mourut le 21 janvier 1610.

•Henri IV.