DOM PEDRO DE PAX

Dom Pedro de Pax fut tenu aussy des Espaignols brave et très vaillant capitaine , encor qu'il fust de fort petite stature , et telle que, quand il estoil a cheval, enfoncé dans ces grandes selles d'armes du temps passé, il estoil si caché , qu'on ne le voyoit que fort malaisément : et disoil-on de luy par risée, quand il estoil ainsy à cheval qu'on estoil en queste de luy, on disoit : qu'on avoit bien veu un cheval bien bridé cl sellé, mais non d'homme dessus. Cela luy pou voit beaucoup ayder à sa vaillance, pour estre si petit et de si petite prise , autant pour les arquebusades que de la lance et de la pique. Il emmena d'Espaigne quatre cents hommes d'armes, que le roy luy donna à mener pour ceste bataille, où il fit 1res bien, et fut despuis fort estimé des Espaignols , et a vescu long temps fort heureusement, et tousjours en bonne estime.

DOM CARAYAJAL.

Dom Caravajal y mena aussy six cents genetaires, montés à la genetc et la zagaye en la main, qui servoient de chevau-legers. Aucuns disent qu'il mena aussy des hommes d'armes; mais les plus véritables asseurent que ce fut dom Pedro de Pax , et que pour le scur il y commandoit.

Ledict Caravajal fut blasmé aussy des siens un peu de n'y avoir trop bien faict en ce combal de battaillc: aussy discnl-ilsque volontiers sont fort subjccls de n'opiniasirer guicres un grand combat, et n'est rc trop bons pour une solemnelle et grande battaillc comme celle-là, cl fort prompts, après avoir faict leurs premiers coups de lance, gaigner au pied, à mode des

Mores et genetaires. 1 El voylâ pourquoy ils excusent dom Caravajal; car il estait un très bon , brave et vaillatit capitaine , comme Ta esté en son temps aussy le seigneur Alarcon, lequel fut en ceste battaillc maistre de camp de l'iofanlerie espaignolle avec dom Coroejo.