DOM PEDRO DE PAX

Dom Pedro de Pax fut tenu aussy des Espaignols brave et très vaillant capitaine, encor qu'il fust de fort petite stature, et telle que, quand il estoil à cheval, enfoncé dans ces grandes selles d'armes du temps passé, il estoit si caché, qu'on ne le voyoit que fort malaisément : et disoit-on de luy par risée, quand il estoit ainsy à cheval qu'on estoil en queste de luy, on disoit : qu'on avoit bien veu un cheval bien bridé et sellé, mais non d'homme dessus. Gela luy pouvoit beaucoup ayder à sa vaillance, pour estre si petit et de si petite prise , autant pour les arquebusades que de la lance et de la pique. Il emmena d'Espaigne quatre cents hommes d*armes, que le roy luy donna à mener pour ceste bataille, où il fît très bien, et fut despuis fort estimé des Espaignols , et a vescu long temps fort heureusement, et tousjours en bonne estime.

DOM CARÂYÀJAL.

nom Garavajal y mena aussy six cents genetaires, montés à la genete et la zagaye en la main, qui servoicnt de chevau-legers. Aucuns disent qu'il mena aussy des hommes d*armcs; mais les plus véritables asseurent que ce fot dom Pedro de Pax , et que pour le seur il y commandoit.

Ledict Garavajal fut blasmé aussy des siens un peu de n'y avoir trop bien faict en ce combat de battaillc: aussy dlscnt-ilsque volontiers sont fort subjects de n'opiniaslrer guieres un grand combat, et n'estre trop bons pour une solemnelle et grande battaillc comme celle-là, et fort prompts, après avoir faict leurs premiers coups de lance, gai(jncr au pied, à mode des

Mores et genetaires. < Et voyli pourquoy ils excusent dom Garavajal ; car il estoit un très bon, brave et vaillant capitaine, comme Ta esté en son temps aussy le seigneur Alarcon, lequel fut en ceste battaillc maislre de camp de Tiofanterie espaignolie avec dom Gornejo.