DES GALLANTS SANS SOULCY
Une assemblée de compaignons, Nommez les Gallans sans soucy^ Se trouvèrent entre deux pontz, Près le Palays, il est ainsi; D'aultres y en avoit aussi, Qui aymoient bien besoigne faîcte, Et estoient, de franc cueur transi, A Tabbé de Saincte SoufFrette.
Ces compaings ainsi assemblez Ne demandèrent que repas ; D'argent ilz n'cstoycnt pas comblez, Non pourtant ne fa llirent pas.
Hz se boutèrent, c'est le cas, A renseigne du Plat d'estaing, Où ilz repeurent par compas, Car ilz en avoient grant besoing.
Quant ce vînt à Tescot compter.
Je crois que nuUy ne s'en cource; Mais le beau jeu est au payer.
Quant il n'y a denier en bourse.
Nul d'eulx n'avoit chère rebourse :
« Pour de l'escot venir au bout, Dist ung gallant, de plaine source.
Il n'en faut qu*ung pour payer tout. »
Hz appointèrent tous ensemble, Que l'ung d'iceulx on banderoit : Par ainsi, selon qui me semble, Le premier qu'il empoigneroit, Estoit dit que Tescol payeroit.
Mais ilz en eurent grand discord :
Chascun bandé estre vouloit, Dont ne peurent estre d'accord.
Le varlet, voyant ces desbas.
Leur dit : « Nul de vous ne s'esmoye; Je suis content que, par compas, Tout maintenant bandé je soye. »
Les gallans en eurent grand joye, Et le bandèrent en ce lieu.
Puis chascun d'eux si print la voye Pour s'en aller sans dire adieu.
Le varlet, qui estoit bandé, Tournoyoit parmy la maison.
Il fut de Tescot prébende
Par ceste subtile achoison.
Affin d'avoir provision
De l'escot, Thoste monte en hauit :
Quand il vit ceste invention,
A peu que le cueur ne liii fault.
En montant, l'hoste fut happé Par 5on varlet, sans dire ipot , Disant : «Je vous ay attrapé, Il faut que vous payez l'escot, Ou vous laisserez Je surcot, ^ De quoy il ne fut pas joyeux ,
Cuydant qu'il fust mathelineu^.
Quand le varlet se desbanda , La tromperie peut bien congnpistre :
Fut estonné quand regarda, Et vit bien que c'estoit son maistre.
Pensez qu'il en eut belle lettre, Car il parla Jors à bas ton, Et, pour sa peine, sans rien mettre Il eut quatre coup? de baston.
Ainsi furent, sans rien payer.
Les povres gallans délivrez Delà maison du tavernier, Où ilz s'estoyent presque enyvrez Des vins qu'on leur avoit livrez Pour boire à pi ai n gobelet, Que paya je povre varlet.
Ejt que ce soit vray ou certain»
Ainsi que m'ont dit cinq ou six, Le cas advint au Plat d'estain Près Sainct-Pierre-des-Arsis.
Bien eschéoit ung grant mercis, A tout le moins, pour ce repas , Et si ne le payèrent pas.
Anissi fut si bien aveuglé , Le povre varlet malheureux, Qui fut de tout l'escot sanglé, Et fallust qu'il payast pour eulx ; Et s'en allèrent tous joyeux Les mignons, torchant leur visaige , Qui avoyent disné d'advantaige.
