CHAPITRE I
De la genealogie et an tic qui té de Gargantua.
J E vous remeetz à la grande clironicque Pantagrueline , à congnoistre la genealogie et anticqüité d’ond nous est venu Gargantua. En icelle vous entendrez plus au long comment les Geans nasquirent en ce monde: et comment d’iceulx par lignes directes yssit Gargantua Pere de Pantagruel: et ne vous faschera, si pour le présent je m’en déporté. Combien que la chose soit telle, que tant plus serait remembrée, tant plus elle
plairoit à voz Seigneuries : comme vous avez Fauthorité de Platon in Philebo et Gorgias , et de Flacce , qui diète estre aulcuns propos , telz que ceulx c y sans doubte, qui plus sont délectables , quand plus souvent sont redietz.
Pleust à Dieu qu’ung chascun sceust aussi certainement sa genealogie , depuis l’arche de Noë jusques à cest eage. Je pense que plusieurs sont aujourd’huy Empereurs, Rois, Ducz, Princes , et Papes en la terre , lesqu'elz sont descenduz de quelques porteurs de rogatons , et de coustretz. Comme au rebours plusieurs sont gueux de l’hostiere , souffreteux et misérables : lesquelz sont descenduz de sang et ligne de grandz Roy s et Empereurs -, attendu l’admirable transport des Régnés et Empires :
Dés' Assyriens ’ • ès Medes : '
Des Medes, ès Perses:.
Des Perses , ès Macedones :
Des Macedones , ès Romains :
Des Ptomains , ès Gréez :
Des Gréez, ès Françoyz :
Et pour vous donner à entendre de moi qui parle, je cuyde que soys descendu de quelcque riche Roi, ou Prince, au temps jadis: Car oncques ne veistes homme qui eust plus grande
DE RABELAIS n
affection d’estre Roy et rielie , qwe moy: affin de faire grand’chiere , pas ne travailler , poinct ne me soucier, et bien enrichir unes amys , et touts gens de bien, et de seavoir. Mais en ce je me reconforte , qu’en l’aultre monde je le se ray ; voyre plus grand que de présent ne loseroys soubhaitter. Vous en telle ou meilleure pensée reconfortez vostre malheur , et beuyez fraiz si faire se peult.
Retournant à noz moutons, je dy que par don souverain des Cieulx nous lia este réservée l’anticquité et' genealogie de Gargantua, plus entière que nulle aultre: exceptee celle ciu Messias , dont je ne parie, car il ne m’appartient: aussi les diables (ce sont les calumniateurs et capharts) s’y opposent. Et feut trouvée par Jean Audeau , en un g pré qu’il avoit près l’Arceau Gualeau , au dessoubz de l’Olive , tirant à Narsay. Duquel faisant lever les fossez, touchaient les piocheurs de leurs marres, mu g grand tombeau de bronze , long sans mesure : car oneques n’en trouvarent le bout , parce qu’il entroit trop avant les excluses de Vienne. Ioelluy ouvrants en certain lieu , signé au dessus d’ung goubelet , à l’entour duquel estoit escMpt en lettres Etrusques, hic bibitur, trouvaient neuf flaccons en tel ordre qu’on assied lés quilles en
Gascongne. Desquelz celluy qui au itiyîlieu estoit , couvrait u.ng gros , gras , grand , gris , joly , petit , moisy livret , plus , mais non mieux sentant que roses.
En icelluy feut ladicte genealogie trouvée escripte au long , de lettres cancellaresques , non en papier , non en parchemin , non en cere ; mais en escorce d’ulmeau , tant toutesfoys usées par vétusté , qu’à peine en povoit on troys recongnoistre de ranc.
Je ( combien que indigne ) y feus appellé : et à grand renfort de bezicles practiquant fart dont onpeult lire lettres non apparentes, comme enseigne Aristotelès , la translatay , ainsi que veoir pourrez, ez Pantagruelisants, c’est à dire, beuvants à gré , et lisants les gestes horrificques de Pantagruel. A la fin du Livre , es toit ung petit Traicté intitulé , Les Fanfreluches antidotées. Les ratz et blattes , ou ( affin que je ne mente ) aultres malignes bestes avoyent brousté le commencement: le reste jay cy dessoubz adjousté, par reverence de lantiquaille.
