I. Memnon

z48 Monsieur db Dbla

Monsieur de Delà.

Nostre nom Par tout est congnu.

Monsieur de Deçà.

Noz largesses Nous font souffrir ennuyctz, tristesses^ Qui est ung courroux inhumain.

Monsieur de Delà.

Et de noz parens les richesses Qui en auroit eu les adresses I

Monsieur de Deçà.

Ilz en donnoient à plaine main.

Monsieur de Delà.

Noz cousins, monsieur de Demain Et monsieur d'Aujourd'huy, trop plus.

Monsieur de Deçà.

Leur cueur estoit si treshumain Que maint Lombart et maint Romain Les ont fort prisez.

Monsieur de Delà.

Au surplus, Que demandions nous?

Monsieur de Deçà.

Je conclus Qu*il faut ayanturer noz corps Sur ces meschans mahommetz Turcs,

ET Monsieur du Deçà. 149

Et sur ces Luthériens durs A la^Foy.

Monsieur de Delà.

Ce sont bons accords ; Mais premier, fault que les discords De nos princes soient aboliz.

Monsieur de Deçà.

En ce faisant, misericors Dieu nous sera, j'en suis recors.

Monsieur de Delà.

Ces voulloirs là treuve joliz.

Monsieur de Deçà.

Riches hamoys et bien poliz Fait bon voir, et courir la lance.

Monsieur de Delà.

Trop mieulx beaucoup que ces couliz Pour les malades en leurs lictz, Qu'on faict pour amolir leur pence.

Monsieur de Deçà.

Le treschretien roy de France, Aoompaigné de ses vassaulx Et bons gendarmes, en substance Leur donnera, comme je pense, Dei>ien brief merveilleux assaulx.

Monsieur de Delà.

J'ay vouloir de faire mes saulx

i5o MoNSiEun DE Delà

De cueur gay, avant que je meure.

Monsieur de Deçà.

Nous n'avons mulectz ne chevaulx.

Monsieur de Delà.

Endurer je veulx les travaulx De la guerre.

Monsieur DE Deçà.

Je vous asseure, Monsieur de Delà, chose est seure Que je désire batailler Ces infidelles.

• Monsieur de Delà.

D'heure en heure Je y ay le vouloir.

Monsieur de Deçà.

Mon demeure Y voy ', se jY suis chevalier.

Monsieur de Delà.

Pour vivre, pour avitailler Les gendarmes et piétons, Il y fauldra.

Monsieur de Deçà.

Or, sans railler Turcs nous y verrons détailler Par Françoys, Picards, et Bretons.