COMPLAINCTE DE LA PARTYE

que faict ung amy de son amye.

n pleurs et plainctz, faisant mille regretz, Je me complainctz de ma treschère amye Qui jour et nuyct me tient termes esgretz.

Je Tayme bien, mais el ne m'ayme mye,

En dictz et faictzje la trouve endormye;

Puis certain temps eir est toute changée,

Pour ung villain où elle s'est rengée.

Long temps y a que d'elle fuz surpris

En vraye amour, loyalle de ma part,

Mais j'apparçoy que j'ay perdu le pris

Puisque de moy veult faire le départ.

Je m'atendois, ainsi comme il appert,

Que nostre amour dureroit à jamais.

Certes non faict. Hellas, je n*en puis mais.

D'elle je suis si trèsprins et ravy,.

Que quant ce vient que je la baise ou taste

i^^^amafwm^mt^m^

i62 COMPLAINCTES.

Pour en jouyr, ce que jamais ne vy Mon instrument devient mol comme paste.

Lors de grant dueil je me trouve tant masie Que je vouldrois estre en terre perdu.

J*ay veu le temps que j'estois son souhait, Son seul plaisir, sans autre aymer ne querre. Le jeu d'amours elle £aisoit dehect * Autant et myeulx que femme sur la terre.

En y pensant le povre cueur me serre Voyant qu'il fault d'elle me départir, Prandre congé, dire adieu et partir.

En ung pays où ne croissent nulz vins, Je m'en yray faire griefve complaincte ; Huyt ou neuf moys il y a que j'en vins Et ay depuis enduré douleur maincte, Ma pensée est de couleur noire taincte, Et mes espritz environnez de deuil, Gecter m'en fault mille larmes de l'oeil.

Or adieu donc celle qu'ay tant aymée Qui m'a laissé pour ung autre choisir.

Des vrays amans vous en serez blasmée Lesquelz ont prins à aymer grant plaisir.

Vous seuUe estiez ma joye et mon désir, Vous seulle estiez mon amoureux soûlas ; Pour reconfort me convient dire, helas.

Adieu, Paris, cité de grant renom.

Adieu vous dis, mon hoste et mon hostesse, Doibs-je partir sans vous dire adieu? Non,