LII

Assises bas, a crouppetons, Tout en ung tas comme pelotes, À petit feu de chenevotes

Tost allumees, tost estaintes ;

Et jadis fusmes si mignotes!….

Ainsi en prent a mains et maintes. ».

BALLADE

« Or y pensez, belle Gantiere Qui m'escoliere souliez estre, Et vous, Blanche la Savetiere, Or ést il temps de vous congnoistre.

Prenez a destre et a senestre ;

N’espargnez homme, je vous prie :

Car vielles n’ont ne cours ne estre, Ne que monnoye qu'on descrie.

« Et vous, la gente Saulciciere

‘ Qui de dancier estes adestre, Guillemeté la Tapiciere,

Ne mesprenez- vers vostre maistre :

Tost vous fauldra clorre fenestre ; Quant deviendrez vielle, flésties 2 Plus ne servirez qu'ung viel prestre, Ne que monnoye qu'on descrie.

« Jeanneton la Chapperonniere, Gardez qu'amy ne vous empestre ; Et Katherine la Bourciere, | N’envoyez plus les hommes paistre :

Car qui belle n’est, ne perpetre Leur male grace, mais leur rie.

Laide viellesse amour n’empestre, Ne que moñnoye qu’on descrie.

LE TESTAMENT

« Filles, vueillez vous entremettre D'escouter pourquoy pleure et crie :

Pour ce que je ne. me puis mettre, Ne que monnoye qu'on descrie. »

Ceste leçon icy leur baille

La belle et bonne de jadis;

Bien dit ou mal, vaille que vaille, Enregistrer j’ay faict ces dis Par mon clerc Fremin l’estourdis, Aussi rassis que je puis estre.

S'il me desment, je le mauldis :

Selon le clerc est deu le maistre.

Si aperçoy le grant dangier

Ouquel homme amoureux se boute… Et qui me vouldroit laidangier

De ce mot, en disant : « Escoute !

Se d'amer t’estrange et reboute

Le barat de celles nommees,

Tu fais une bien folle doubte,

Car ce sont femmes diffamees.

« S'ilz n’ayment fors que pour l'argent, On ne les ayme que pour l’eure; Rondeïment ayment toute gent,

Et rient lors que bource pleure.

De celles cy n’est qui ne queure;

Mais en femmes d’onneur et nom Franc homme, si Dieu me sequeure, Se doit emploier ; ailleurs, non. »

Je prens qu'aucun dye cecy, Si ne me contente il en rien.

En effect il conclut ainsy,