LXXXIX, 867 — XCII
Et ung enfer ou dampnez sont boullus :
L’ung me fait paour, l’autre joye et liesse.
La joye avoir me fay, haulte Deesse, À qui pecheurs doivent tous recourir, Comblez de foy, sans fainte ne paresse :
En ceste foy je vueil vivre et mourir.
Vous portastes, digne Vierge, princesse, lesus regnant qui n'a ne fin ne cesse.
Le Tout Puissant, prenant nostre foiblesse, Laissa les cieulx et nous vint secourir, Offrit à mort sa tres chiere jeunesse ; Nostre Seigneur tel est, tel le confesse :
En ceste foy je vueil vivre et mourir.
Item, m'amour, ma chiere Rose, Ne luy laisse ne cuer ne foye;
Elle ameroit mieulx autre chose, Combien qu’elle ait assez monnoye.
Quoy? une grant bource de soye, Plaine d’escuz, parfonde et large ; .
Mais pendu soit il, que je soye, Qui luy laira escu ne targe.
Car elle en‘ a, sans moy, assez.
Mais de cela il ne m'en chault;
Mes plus grans dueilz en sont passez, Plus n’en ay le croppion chault.
Si m'en desmetz aux hoirs Michault, Qui fut nommé le Bon Fouterre; Priez pour luy, faictes ung sault :
À Saint Satur gist, soubz Sancerre.
Ce non obstant, pour m'acquitter Envers Amours, plus qu’envers elle,
AT
42 LE TESTAMENT
Car onques n’y peuz acquester D'espoir une seule estincelle (Je ne sçay s’a tous si rebelle À esté, ce m'est grant esmoy ; Mais, par sainte Marie la belle!
Je n’y voy que rire pour moy),
xCi1. Ceste ballade luy envoye Qui se termine tout par K.
Qui luy portera ? Que je voye.
Ce sera Pernet de la Barre, Pourveu, s'il rencontre en son erre Ma damoiselle au nez tortu, Il luy dira, sans plus enquerre :
« Orde paillarde, dont viens tu ?
BALLADE {B. a s’amÿye.]
Faulse beauté qui tant me couste chier, Rude en effect, ypocrite doulceur, Amour dure plus que fer a maschier, Nommer que puis, de ma desfaçon seur,
Cherme felon, la mort d’ung povre cuer,
Orgueil mussié qui gens met au mourir,
Yeulx sans pitié, ne veult Droit de Rigueur,
Sans empirer, ung povre secourir ?
Mieulx m'eust valu avoir esté serchier
Ailleurs secours : c’eust esté mon onneur; Riens ne m'’eust sceu lors de ce fait hachier. Trotter m'en fauit en fuyte et deshonneur.
Haro, haro, le grant et le mineur !
Et qu'est ce cy: ? Mourray sans coup ferir ?
Ou Pitié veult, selon ceste teneur, Sans empirer, ung povre secourir ?
