CH, 1049 -— CX, III
« Et chante bien Ma doulce amour! »
Je lui donne avec le bonjour;
Brief, mais qu'il fust ung peu en point,
Il est ung droit sot de sejour, Et est plaisant ou il n’est point.
Item, aux Unze Vingtz Sergens Donne, car leur fait est honneste Et sont bonnes et doulces gens, Denis Richier et Jehan Vallette, À chascun une grant cornete
Pour pendre a leurs chappeaulx de faultres;
J'entens a ceulx a pié, hohete!
Car je n'ay que faire des autres.
De rechief donne a Perréenet, J'entens le Bastart de la Barre,
Pour ce qu’il est beau filz et net, En son escu, en lieu de barre, Trois dez plombez, de bonne carre, Et ung beau joly jeu de cartes.
Mais quoy ? s’on l’oyt vecir ne poirre, En oultre aura les fievres quartes.
Item, ne vueil plus que Cholet Dollé, trenche, douve ne boise, Relie broc ne tonnelet,
Mais tous ses houstilz changier voise À une espee lyonnoise,
Et retiengne le hutinet ;
Combien qu'il n’ayme bruyt ne noise, Si luy plaist il ung tantinet.
Item, je donne a Jehan le Lou, Homme de bien et bon marchant, Pour ce qu'il est linget et flou,
TIOL
LE TESTAMENT
Et que Cholet est mal serchant, Ung beau petit chiennet couchant Qui ne laira poullaille en voye, Ung long tabart et bien cachant Pour les mussier, qu’on ne les voye.
Jtem, a l’Orfevre de Bois,
Donne cent clouz, queues et testes, De gingembre sarrazinois,
Non pas pour acouppler ses .
Mais pour conjoindre culz et coetes, Et couldre jambons et andoulles, Tant que le lait en monte aux tetes Et le sang en devalle aux coulles.
Au cappitaine Jehan Riou,
Tant pour luy que pour ses archiers, Je donne six hures de lou,
Qui n’est pas viande 2 porchiers, Prins a gros mastins de bouchiers, Et cuites en vin de buffet.
Pour mengier de ces morceaulx chiers,
On en feroit bien ung malfait.
C'est viande ung peu plus pesante Que duvet n'est, plume, ne liege.
Elle est bonne a porter en tente,
Ou pour user en quelque siege.
S’ilz estoient prins a un piege,
Que ces mastins ne sceussent courre, J'ordonne, moy qui suis son miege, Que des peaulx, sur l’iver, se fourre.
Item, a Robinet Trascaille, Qui en service (c'est bien fait) À pié ne va comme une caille,
