X. — EPISTRE

Aiez pitié, aiez pitié de moy,

À tout le moins, si vous plaist, mes amis!

En fosse gis, non pas soubz houx ne may, En cest exil ouquel je suis transmis

Par Fortune, comme Dieu l’a permis.

Filles, amans, jeunes gens et nouveaulx,

Danceurs, saulteurs, faisans les piez de veaux,

Vifz comme daïs, agus comme aguillon, Gousiers tintans cler comme cascaveaux, Le lesserez la, le povre Villon ?

Chantres chantans a plaisance, sans loy, Galans, rians, plaisans en fais et dis,