XI, 3$ — XIII

Et Hannibal demoura il derriere ? | En Cartaige par Mort le feis attaindre ; 18 Et Scypion lAffriquan feis estaindre ;

Julles Cesar au Senat je vendis;

En Egipte Pompee je perdis;

En mer noyé Jason en ung bouillon ;

Et une fois Romme et Rommaïins ardis.

Par mon conseil prens tout en gré, Villon! 24

ÂAlixandre, qui tant feist de hemee,

Qui voulut veoir l’estoille pouciniere,

Sa personne par moy fut envlimee;

Alphasar roy, en champ, sur sa baniere

Rué jus mort. Cela est ma maniere,

Aïnsi l'ay fait, ainsi le maintendray : 30 Autre cause ne raison n’en rendray.

Holofernes lydolastre mauldis,

Qu'occist Judith (et dormoit entandis!)

De son poignart, dedens son pavillon ;

Absalon, quoy ? en fuyant le pendis.

Par mon conseil prens tout en gré, Villon! 36

Pour ce, Françoys, escoute que te dis:

Se riens peusse sans Dieu de Paradis,

À toy n’autre ne demourroit haillon,

Car, pour ung mal, lors j’en feroye dix.

Par mon conseil prens tout en gré, Villon! 4: