Voy. une note de la Nouvelle I

Nouvelle XCIX. 523

sit un advocat , lequel il pria vouloir prendre sa cause en main , ce qu'il accepta. Au bout de deux heures après vient la partie adverse, qui estoit un homme riche, et le prie semblablement d'estre son advocat en ceste mesme cause, ce qu'il accepta aussi. Le jour approchant que la cause se devoit plaider, le paisan s'en vint à son advocat (duquel il se pensoit asseuré qu'il ne fauldroit à ce qu'il luy avoit promis), et ce pour l'advertir de se tenir prest à plaider le lendemain, dont il fut aucunement honteux, attendu la charge qu'il avoit prise pour sa partie adverse. Toutesfois , pour contenter le paisan , il luy remonstra et feit accroire qu'il ne luy avoit promis s'employer pour luy, et, pour mieux se descharger, luy disoit : u Mon amy, l'autre fois que vous vîntes , je ne vous dis rien pour raison des empeschemens que j'avois; maintenant, je vous advertis que je ne puis estre vostre advocat , estant celuy de vostre partie adverse ; mais je vous bailleray lettres addressantes à un homme de bien qui deffendra vostre cause. Alors , mettant la main à la plume, escripvit à l'autre advocat ce qui s'ensuit : <( Deux chappons gras sont venuz entre mes mains, desquels, ayant choisy le meilleur et le plus gras, je vous envoyé l'autre. )> Puis sous secret estoit escript : (( Plumez de vostre costé, et je plumeray du mien. » Ceste lettre, ainsi expédiée, fut baillée par le susdit advocat à ce paisan, lequel (ne sasseurant mieux de celuy à qui il devoit porter les recommandations que à l'advocat qui les envoyoit) s'enhardit de les ouvrir; et icelles leues , après avoir longtemps playdé sans avoir rien avancé, et se voyant

324 Nouvelle C.

deceu par les trop grandes faveurs et authoritez de sa partie, délibéra d'appoincter avec luy, ayant esté par plusieurs fois solicité de ce faire par ses amys propres.

Nouvelle C.

Des joyeux propos que tenoit celuy qu^on menoit pendre au gibbet de Montfaucon.

n bon vault-rien , ayant par ses mérites esté monté de reculon jusques au bout d'une eschelle pour descendre par une corde (disent les bons compaignons), faisoit là merveilles de prescher, durant lequel sermon le maistre des hautes œuvres , affûtant son cas ' , passoit souvent la main soubs et autour la gorge dudit prescheur, tant qu'à la fm il le vous regarde. » Hé! maistre, mon amy, ditil, ne me passe plus là la main : je suis plus chatouilleux de la gorge que tu ne penses. Tu me feras rire, et puis que diront les gens î Que je suis mauvais chrestien et que je me mocque de justice. î> Puis, sentant l'heure approcher qu'il debvoit faire le guet à Mont-faulcon , et que pource il passoit par la porte de la ville, il se print à hucher à pleine teste le portier par plusieurs fois, lequel l'entendit bien dez la première; mais, à cause qu'il se sentoit autant ou plus chatouilleux