I . Var. : voyant que le roy s'y addonnoit
Nouvelle CXXIV. 375
il choisit le logis d'une bonne femme vefve , et là se logea pour quelque temps. Un jour, se sentant mal de sa personne et n'ayant la langue si à délivre pour se faire entendre à autruy (comme il faisoit à son hostesse , à laquelle il demandoit conseil sur son mal), il luy dit : u Ma dam', moy ha grand mal à mon boudin. » Son hostesse, qui entendoit assez bien qu'il disoit le ventre luy faire mal , et que , pour recouvrer prompt allégement, il luy demandoit son advis, elle luy dit qu'il falloit qu'il feit ses prières et oraisons à monsieur S. Eutrope , lequel on dit guarir de tel mal. L'Escossois, ayant entendu cela, et sentant son ventre aller de pis en pis, ne voulut mettre en mespris le conseil de son hostesse , ains, suyvant iceluy, s'en alla à l'église la plus prochaine qu'il rencontra , et se meit en prières et oraisons telles qu'il sembloit à ceux qui l'oyoient que le saint deust promptement venir à luy. D'adventure , pendant qu'il estoit en telle méditation , il se trouva un bon frippon , lequel estoit caché derrière l'image de sainct Eutrope' et contemploit les allans et venans avec leurs contenances ; et, ayant remarqué les mines que faisoit cest Ecossois , il commença à crier : « Tru , tru pour Jehan d'Escosse et son bagaige ! » L'Escossois , qui entendit ces paroles , jettées assez rudement , pensa que ce fût quelque malin qui le voulsist empescher^ en ses dévotions; à raison de quoy, après qu'il eust remarqué le lieu d'où pouvoit estre
1. Var. : estoit pendu au derrière de saint Eutrope. Les prières à saint Eutrope sont supposées un bon remède contre l'hydropisie.