On a dit depuis « comme le loup blanc

2. On verra dans le glossaire le sens exact de ce mot. Qu'il suffise de savoir qu'à cette époque les habitants de chaque ville se trouvoient désignés par un sobriquet. Ainsi l'on disoit : les Auteurs et joueurs de paume de Poitiers, les danseurs d'Orléans , les braguars d'Angiers , les crottés de Paris , etc. ; mais ces surnoms trouvoient le plus généralement leur application dans les universités. (Chasseneux, Catalogus glorice mundi, part. X; Crapelet, Proverbes et dictons populaires .)

3. Cette expression est comique. Sur ce, La Monnoye raconte une anecdote qui ne l'est pas moins. Un Allemand , monté sur un cheval entier, crioit de très loin à un François qu'il voyoit venir à lui : « Monsieur, Monsieur, si votre cheval est une jument, approchez-vous bien loin de moi. »

Nouvelle XXIII. 105

qui luy avoyent ainsi fait la bien venue. Si luy souvint d'un bon moyen que le temps et la nécessité luy presentoyent pour se venger des cordouanniers , en attendant que Dieu luy donnast son recours contre les aultres. Ce fut qu'ayant faute de botes c'e cuir, il imagina une invention de se faire boter par les cordouanniers à leurs despens. Il demanda à l'hoste (comme s'il n'eust guères bien congneu la ville) s'il n'y avoit cordouanniers là auprès, faisant semblant d'estre party d'Angiers en diligence pour quelque affaire qu'il luy dit , et qu'il n'avoit eu loisir de se houser ny esperonner. L'hoste luy respondit qu'il y avoit des cordouanniers à choisir. Pour Dieu , ce dit maistre Pierre , envoyez-moy quérir un , mon hoste. Ce qu'il fit. Il en vient un, lequel, de bonne aventure, estoit l'un de ceux qui l'avoyent ainsi bien lardé à sa venue. Mon amy, dit maistre Pierre , ne me feras-tu pas bien une paire de botes pour demain le matin.? — Ouy dea, Monsieur, dit le cordouannier. — Mais je les voudrois avoir une heure devant jour. — Monsieur, vous les aurez à telle heure et si bon matin que vous voudrez. — Eh ! mon amy, je t'en prie, despesche-les-moy; je tepayeray à tes motz. Le cordouannier luy prend sa mesure et s'en va. Incontinent qu'il fut departy , maistre Pierre envoyé par un autre valet quérir un aultre cordouannier, faisant semblant qu'il n'avoit pas peu accorder avec celuy qui estoit venu. Le cordouannier vint , auquel il dit tout ainsi qu'à l'autre qu'il luy fist une paire de botes pour le lendemain une heure devant le jour, et qu'il ne luy challoit qu'elles coustassent, pourveu qu'il ne luy faillist

io6 Nouvelle XXIII.

point et qu'elles fussent de bonne vache de cuir , et luy dit la même façon dont il les vouloit qu"il avoit dict à l'autre. Après luy avoir pris la mesure, le cordouannier s'en va. Et mes deux cordouanniers travaillèrent toute la nuict environ ces botes , ne sçachant rien l'un de l'autre. Le lendemain matin , à l'heure dicte , il envoya quérir le premier cordouannier, qui aporta ses botes. Maistre Pierre se fait chausser celle de la jambe droite, qui lui estoit faicte comme un gant ou comme de cire', ou comme vous voudrez, car les boîtes ne seroyent pas bonnes de cire. Contentez-vous qu'elle luy estoit moult bien faicte ; mais, quand ce vint à chausser celle de la jambe gauche , il fait semblant d'avoir mal en la jambe. — Oh! mon amy, tu me blesses! J'ay ceste jambe un petit enflée d'une humeur qui m'est descendue dessus; j'avois oublié à te le dire. La bote est trop estroite, mais il y a bon remède. Mon amy, va la remettre à l'embouchoir ; je l'attenderay plustosî une heure. Quand le cordouannier fut sorty, maistre Pierre se deschausse vistement la bote droitte et mande quérir l'aultre cordouannier, et cependant fit tenir sa monture toute preste , et compta et paya. Voicy venir le

I. Ce proverbe a plusieurs acceptions dans la langue du XVie siècle. Il signifie ici souple, s'étendant facilement, couvrant ou joignant bien , dans le sens du latin cereus. Plus loin , au commencement de la Nouvelle LXVl, on lui trouve le sens de foible, sans solidité; ce n'est plus la même chose dans ces vers de Marot :

Monsieur l'abbé et monsieur son valet , Sont faits égaux tous deux comme de cire.

Le poète veut désigner l'accord parfait de l'abbé et de son valet.

Nouvelle XXIII. 107

second cordouannier avec ses botes. Maistre Pierre se fait chausser celle de la jambe gauche, laquelle se trouva men'eilleusemeut bien faicte ; mais, à celle de la jambe droitte , il fit telle fourbe comme il avoit fait à l'aultre, et renvoyé ceste bote droitte pour estre eslargie. Incontinent que le cordouannier s'en fut allé, maistre Pierre reprend sa bote de la jambe droitte et monte à cheval sus sa jument et va vie avec ses botes et des espérons , lesquelz il avoit acheptez, car il n'avoit pas loisir de tromper tant de gens à un coup ; et de picquer! Il estoit desjà à une lieue loing quand mes deux cordouanniers se trouvèrent à l'hostelerie avec une bote en la m.ain, qui s'entredemandèrent pour qui estoit la bote. C'est, ce dit l'un, pour maistre Pierre Fai-Feu , qui me l'ha fait eslargir pour ce qu'elle le blessoit. — Comment ! dit l'aultre , je luy ay eslargie ceste-cy. — Tu te trompes, ce n'est pas pour luy que tu as besoigné. — Si est, si est, dit-il; n'ay-je pas parlé à luy? ne le congnois-je pas bien ? Tandis qu'ilz estoyent à ce débat, l'hoste vint, qui leur demande que c'estoit qu'ilz attendoyent. C'est une bote pour maistre Pierre Fai-Feu que je luy raporte, dit l'un. Et l'aultre en disoit aultant. Vous attendrez donc qu'il repasse par icy, dit l'hoste, car il est bien loing s'il va tousjours. Dieu sçait si les deux cordouanniers se trouvèrent camus! Et que feronsnous de nos botes ?disoyent-ils l'un à l'autre. Hz s'advisèrent de les jouer à belle condemnade , parce qu'elles estoyent toutes deux d'une mesme façon. Et maistre Pierre eschappe de hait , qui estoit un petit mieux en équipage que le jour de devant.

io8 Nouvelle XXIV.

Nouvelle XXIV.

De maistre Arnaud, qui emmena la haccjuenéi

d'un Italien en Lorraine et la rendit

au bout de neuf mois.

1 y avoit en Avignon un tel Averlan.

S pl;^ Je ne sçay s'ilz avoient esté ensemble P3 ^S à mesme escole maistre Pierre Fai-feu E^ et luy ; mais tant ha y qu'ilz faisoyent d'aussi bons tours l'un comme l'aultre , et si n'estoyent pas loing d'un mesme temps. Cestuy-cy s'appelloit maistre Arnaud, lequel mesme usa en Avignon de la propre praticque d'avoir des botes que nous avons dicte ; et si n'estoit point si pressé de partir comme maistre Pierre ; mais un jour, voulant faire un voyage en Lorraine, le disoit à tout le monde. Et par ce qu'il ne se tenoit jamais garny de rien , s'asseurant en ses inventions , on pensoit qu'il se mocquast. Quand il avoit un manteau , on lui demandoit où il prendroit des botes; s'il avoit des botes, on luy demandoit où il prendroit un chapeau. Et puis de l'argent, qui estoit la clef du mestier. Mais cependant il trouvoit de tout , tellement que , pour son voyage de Lorraine , il se trouva prest , petit à petit , de tout ce qu'il luy falloit , fors qu'il n'avoit point de cheval. Mais, se fiant bien que Dieu ne i'oublieroit au besoin , il se tenoit tousjours bote comme un messagier, se pourmenant par cy, par là, faisant semblant de dire adieu à ses amis.

Nouvelle XXIV. 109

Mais il espioit sa proye , qui estoit à avoir un cheval par quelque bonne fortune. Ceulx qui le connoyssoyent luy disoyent en riant : Orçà, maistre Arnaud , vous irez en Lorraine quand vous aurez un cheval ; vous estes bote pour coucher en ceste ville. — Et bien! bien! disoit-il, laissez faire , je partiray quand il sera temps. Mon homme pensoit tout au contraire des gens ; car ce qu'on cuidoit qui luy fust le plus malaisé à recouvrer, il l'estimoit le plus facile. Ce qu'il monstra bien; car quand il veid son appoint , il s'en vint environ les neuf heures du matin devant le palais; là où quelques missères estoyent entrez le matin pour les affaires de la légation , lesquelz sont quasi tous Italiens, qui sur une hacquenée et qui sur une mulle, principallement les vieilles personnes , car les jeunes s'en peuvent bien passer. Or il y en ha tousjours quelqu'une de mal gardée : car les laquais les attachent à quelque boucle ^ontre la muraille et s'en vont jouer ou yvron- ^ner en attendant qu'il soit heure de venir quérir leurs maistres. A l'heure susdicte, maistre Arnaud veid là quelques monteures , parmi lesquelles y avoit une hacquenée bien jolie qui luy pleut sur toutes les aultres , laquelle estoit à un Italien ■u'il congnoissoit estre bonne personne. Et '. oyant que le valet n'y estoit pas . il s'approche cie ceste hacquenée, et, en la destachant, luy denanda s'elle vouloit venir en Lorraine. Ceste hac- 'uenée ne dit mot et se laisse destacher. Et mon lomme, qui estoit légiste, print à son prouffit le brocard de droit : Qui tacet, consenîire videîur. Et commence à amener ceste hacquenée par la bride

1 10 Nouvelle XXIV.

hors de la place du palais , en tirant sur le pont où 'fouy chanter la belle ' .

Quand il se veid hors des yeulx de ceuîx qui la lui avoyent veu prendre , il monte habilement dessus , et devant à Villeneufve, qui est hors de la jurisdition du pape , et de là picque le plus droit qu'il peut le chemin de Lorraine, là oli il arriva par ses journées à joye et santé , et y demeura huict ou neuf mois sans envoyer de ses nouvelles à Misser Julliano, qui fut bien esbahy à l'issue du palais quand il ne trouva point sa hacquenée, et encore plus quand il n'en oyoit point de nouvelles un jour, deux jours , un mois, deux mois, trois mois; tellement qu'à la fm il fut contraint d'achepter une mule, car il estoit vieulx et mal-aisé de sa personne. Et ce pendant maistre Arnaud luy entretenoit sa hacquenée et luy faisoit gaigner son avoine. Au bout du terme des femmes grosses , maistre Arnaud ayant depesché ses affaires en Lorraine, s'en retourna en Avignon sus la dicte hacquenée, et, pour faire son entrée en la ville, il espia justement l'heure qu'il estoit quand il la print , en séjournant quelque peu à Villeneufve pour boire un doigt. Sus le poinct de neuf heures il se trouva devant le palais et vint attacher gentiment sa hacquenée à la propre boucle là où il l'avoit prise, et s'en va par ville, et, de fortune , // Magnifico Misser estoit ceste matinée au palais, qui descendit tantost après. Et, quand ce fut à monter dessus sa mule, il jeta l'oeil sus