Ce couplet doit être extrait de quelque chanson

Nouvelle XC. 299

sance foible , comment pourra-elle tenir contre un homme importun en demandes, obstiné en poursuites , inventif en moyens , subtil en propos et excessif en promesses ? Vrayement, c'est chose presque difficile jusques à l'impossible ; mais je n'en resouldray rien pourtant en ce lieu-cy, qui n'est pas celuy où se doibt terminer ce différent. Je dirai seulement que la femme est heureuse , plus ou moins , selon le mary auquel elle a affaire, car il y en ha de toutes sortes : les uns le sçavent et n'en font semblant , et ceux-là ayment mieux porter les cornes au cueur que non pas au front ; les autres le savent et s'en vengent , et ceulx-là sont mauvais, folz et dangereux. Les autres le savent et le souffrent , qui pensent que patience passe science, et ceux-là sont povres gens ; les autres n'en savent rien , mais ilz s'en enquièrent , et ceulx-là cherchent ce qu'ilz ne voudroient pas trouver. Les aultres ne le sçavent ny ne tendent à le sçavoir , et ceulx-ci de tous les cocus sont les moins malheureux , et mesmes plus heureux que ceux qui ne le sont point et le pensent estre. Tous ces cas ainsi premis, nous vous compterons d'un monsieur qui en estoit ; mais certainement ce n'estoit pas à sa requeste , car il s'en faschoit fort. Mais il estoit de ceulx du premier rang, dissimulant tant qu'il pouvoit son inconvénient, en attendant que l'opportunité se presentast d'y remédier, fust en se vengeant de sa femme ou de l'amy d'elle , ou de tous deux s'il luy venoitàpoinct. Et, parce qu'il estoit mieux à mam de se prendre à sa femme, le premier sort tomba sur elle, au moyen d'une invention qu'il imagina. Ce fut qu'au temps de vacations

500 Nouvelle XC.

de court, il s'en alla esbattre à une terre qu" avoit à deux lieues de la ville ou environ , et mena sa femme avec un semblant de bonne chère, la traittant tousjours à la manière accoustumée tout le temps qu'ilz furent là. Quand vint qu'il s'en fallut retourner à la ville, un jour ou deux avant qu'ils deussent partir, il commanda à un sien valet (lequel il avoit trouvé fidelle et secret) que , quand ce viendroit à abreuver sa mule sus laquelle montoit sa femme, qu'il ne la menast pas à Pabreuvoir, mais qu'il la gardast de boire tous les deux jours; avec cela, qu'il mist du sel parmy son avoine, ne luy disant point pourtant à quelle fm il faisoit faire cela ; mais il se congneut par l'événement qui depuis s'en ensuivit. Ce valet fit tout ainsi que son maistre luy commanda, tellement que, quand il fut question de partir, la mule n'avoit beu de tous les deux jours. La damoiselle monte sus ceste mule et tire droit le chemin de Thoulouze, lequel s'adonnoit ainsi qu'il failloit aller trouver la Garonne et cheminer au long de la rive quelque temps , qui estoit la première eau qu'on trouvoit par le chemin. Quand ce fut à l'approche de la rivière , la mule commence de tout loing à sentir l'air de l'eau , et y tira tout droict, pour l'ardeur qu'elle avoit de boire. Or les endroits estoient creux et non gueables , et falloit que la mule (pour boire) se jettast en Peau tout de secousse , dont la damoyselle ne la peut jamais garder, car la mule mouroit d'altération. Tellement que ladicte damoiselle, estant surprinse de peur, empeschée d'accoustremens , et le lieu estant difficille, tomba du premier coup en l'eau,

Nouvelle XC. 301

dont le mary s'estoit tenu loing tout expressément avec son varlet, pour laisser venir la chose au poinct qu'il avoit prémédité ; si bien qu'avant que la povre damoiselle peust avoir secours , elle fut noyée suffoquée en l'eau. Voylà une manière de se venger d'une femme qui est un peu cruelle et inhumaine '. Mais que voulez-vous ? Il fasche à un mari d'estre cocu en sa propre personne. Et si se songe que, s'il ne se prenoit qu'à l'amy, son mal ne sortiroit pas hors de sa souvenance , voyant tousjours auprès de soy la beste qui auroit faict le dommage; et puis elle seroit toute preste et appareillée à refaire un autre amy. Car une personne qui ha mal faict une fois (si c'est mal faict que cela toutes fois) est tousjours présumée mauvaise en ce genre-là de mal faire. Quand est de moy, je ne sçaurois pas qu'en dire : il n'y ha celuy qui ne se trouve bien empesché quand il y est. Par quoy j'en laisse à penser et à faire à ceux à qui le cas touche.

I . On croit que celui qui en fit usage fut Geoffroi Caries , président au parlement de Grenoble en ijoj, et précepteur de Renée de France. Néanmoins d'autres auteurs pensent qu'il employa pour se débarrasser de sa femme un moyen moins ingénieux.

302 Sonnet.

Sur le discours des Nouvelles Récréations et Joyeux Devis contenus en ce premier livre.

SONNET DE l'aUTHEUR' aux lecteurs.

Or çà, c'est faict : en avez-vous assez ? Mais, dites-moy , estes-vous saoulz de rire r* Si ne tient-il pour le moins à escrire. Ces gais devis j'ay pour vous amassez.

J'ay jeune et vieux pesle-mesle entassez : Hay au meilleur, et me laissez le pire ; Mais rejectez chagrin qui vous empire , Tant plus songeards en resvant rav assez.

Assez, assez, les siècles malheureux Apporteront de tristesse entour eux ; Donq au bon temps prenez esjouyssance ;

Puis, quand viendra malheur vous faire effort. Prenez un cueur, mais quel / Hardy et fort. Armé sans plus d'invincible constance.