Ûe sable

Cymbalum mundi. 33}

quant ilz viennent à confronter ce qu'ilz en ont trouvé. L'ung se vante gu'il en a plus que son compagnon ; l'autre lui dict que ce n'est pas de la vraye. L'ung veult enseigner comme c'est qu'il en fault trouver, et si n'en peut pas recouvrer luy mesmes; l'autre luy respond qu'il le sçait aussi bien et mieulx que luy. L'ung dict ue pour en trouver des pièces il se fault vestir e rouge et vert ; l'aukre dict qu'il vauldroit mieulx estre vestu de jaune et bleu. L'ung est d'opinion qu'il ne fault manger que six fois le jour avec certaine diette ; l'aultre tient que de dormir avec les femmes n'y est pas bon ('). L'ung dict qu'il fault avoir de la chandelle , et fiist ce en plain mydi ; l'autre dict du contraire. Hz crient, ilz se demeinent, ilz se injurient, et dieu sçait les beaulx procès criminelz qui en sourdent. Tellement qu'il n'y a court, rue, temple, fontaine, four, molki, place, Cabaret, ny Dourdeau , que tout ne soit plein de leurs parolles, caquetz , disputes, factions et envies. Et si en y a aulcuns d'entre eulx qui sont si outrecuidez et opiniastres, que pour la grande persuasion qu'ilz ont que l'areine par eulx choisie est de la vraye pierre philosophale , promettent rendre raison et juger de tout, des cieulx, des champs Elisiens , de vice , de vertu, de vie , de mort , de paix , de guerre , du passé , de l'advenir, de toutes choses et plusieurs aultres ; tellement qu'il n'y a rien en ce monde dequoy il ne faille qu'ilz en tiennent leurs propos, voire jus-