S XL

Au commencement, les judges estoient intimez et priz à partye pour soustenir leurs judgemens; et, en cas de mal judgé, estoient souvent condamnez aux despends envers les partyes en leurs propres et privez noms; cela les tenoit en discipline, et s'efForçoient de rendre la justice le plus esquitablement qu'ilz pouvoient le faire : il y avoit lors peu d'appellations de leurs sentences , veoire mesme y alloit aulcuneroent de la réputation de ceulx qui se rendoient appellans, et en estoient moins estimez parmy les gens d'honneur; et, s'il advenoit que quelqu'ung d'esprit processif les eust follement intimez, il estoit si bien et promptement chastié par la bourse, que les aultres y prenoient exemple , et se gardoient de mesprendre.

Geste coustume est abolie en effect , et néantmoins on en retient l'ombre encores aujourd'huy, en ce que l'on réduict les partyes à ceste nécessité d'intimer le judge dont est appel par devant ses supérieurs, chose du tout superflue, et ne sert qu'à donner de la peine et du cojust aux partyes, puisque l'ancienne observation n'y est plus : or, je dis qu'il la fault faire revivre, et sera ung puissant remesde pour retrancher ung grand nombre de procez.

294 TBAITÉ