Langueur me fait plus noir que meure

Las ! bien doibtz mauldire ma vie.

Car orgueil si m'a couru seure

Et le péché d'ire et d'envie. 60

Luxure aussi et gloutonnie,

Avec avarice et paresse

Avront sur moy leur seignourîe,

Si t'amour a moy ne s'adresse^ .

9. Dresse mon cueur, je t'en requiers, 65 A la vertu d'humilité;

Par pitié aussi, volontiers,

Faiz tant que j'aye charité,

Toute abstinence et chasteté.

Avec largesse et pacience ; 70

Souffisancë en povreté

Me soit donnée et diligence.

10. Diligence m'est nécessaire; Mère de Dieu, faiz que je Taye, Tant qu'a ton filz je puisse plaire 75

En quelconque lieu que je soye.

J'ay prins de tout péché la voye,

48 G merchys.— 5i GU tous mes maulx.

igS ORAISONS A LA VIERGE

Si de toy n'ay miséricorde,

Tant que de Dieu je me desvoye,

S'a moy ta grâce ne s'acorde. 80

1 1 . Acorde doncques ma pouvre ame A Jesuchristy roy glorieux,

Et luy prie, treschere dame,

Qu^en la fin me soit gracieux,

Et que son saint corps précieux 85

Dignement puisse recepvoir,

Tant que au royaulme des cieulx

Je puisse paradis avoir.