I. PSAL. CXVI, V
que ja tu m*as dit une fois que dès le ventre de ta mère commenças a porter ta croix, c'est a dire, ainsi que fentens, la grève douleur de ta passion, je te requîer et (a) humblement supplie que par ton saint plaisir me faces entendre comment si tost les douleurs commencèrent et comment tousjours se continuèrent.
Jesuchrist.
28. Une fois ay dit et promis en l'Evangile que vous demandez et vous avrez, que vous querez et vous trouvrez, que vous sonnez et l'en vous ouvrera Thuis '. Et pour ma promesse acomplir, tu avras ce que tu demanderas. Car celuy est bien digne de science avoir qui est curieux de sçavoir.
Et qui [b) estudie et delicte A contempler ma passion, De luy avray compassion, Bien recompensant son mérite.
Et pour mieulx le secret que tu (c) demandes te declairer et faire entendre, tu dois sçavoir et croire pour certain que, dès le point de ma conception jusques a l'heure de ma mort, qui dura trente ans et plus, j'ay tousjours souffert douleur continuelle, en grant tristesse d'esperit, c'est assavoir, non pas en corps. Donc pour {d) plus amplement te donner le cas a entendre, tu dois Fol. Bij premièrement considérer que tout incontinent || que ma mère, la Vierge Marie, se consentit a ce que l'ange Gabriel luy annonça, la quelle luy dist : « Je suis de Dieu servante; me soit fait selon ta parolle », présentement elle me conceut, et tout en l'heure, sans interposicion de temps, mon corps fut formé en son ventre par œuvre du Sainct Esperii, tout entier et tout, acom-
[a) B et m. — [b) B que. — (c) B et. — {d) BC pour manque. I. Matth. VII, V. 17 ; Luc. XXIII, v. 52.
ply, non pas en tant que touchoit la grandeur, mais en tant que touchoit la forme, tellement que tout en ung moment elle fut grosse d'enfant tout vif, portant en son corps Dieu et homme. D'autre part, sçavoir te convient que, en celle heure soudaine de ma conception, mon ame fut si tresunie et conjoîncte en la divinité (a), non pas par confusion de substance, mais par unité de personne, qu'elle congnoist toutes les choses que congnoissoit [b) divinité, et tellement que elle avoit devant soy toutes choses passées, présentes et advenir. Car la divinité, comme tu sçais, a toutes choses en présence. Les hommes vivent soubz la rigle du temps ; par quoy les choses passées et les choses advenir (c) leur sont reallement {d) absentes, les quelles sont a Dieu présentes. De rechief, tu doys sçavoir que tout homme qui est bon et juste, de conversacion honneste, est communément doulx, débonnaire et piteux, pour avoir en soy desplaisance du mal d'autruy par compassion. Or est il ainsi que j'estoye bon et juste, non pas ainsi comme vous autres, qui n'estes ne bons ne justes parfaictement, sinon par forme de parler, par autant que Dieu vous a donné de grâce; mais j*estoye bon et juste souverainement et en totalle perfection, comme celluy qui estoit Dieu et homme sans aucune imperfection. Et par ainsi faut il conclure que d'autant comme j'estoye bon, d'autant j'avoye plus de compassion et pitié du grief et mal d'autruy. Pour quoy donc se tu veulx pratiquer et joindre ensemble toutes ces troys considérations, tu entendras et congnoistras que, dès Tinstant de l'heure de ma conception, se commencèrent mes griefves douleurs et coipme dès lors me prindrent et circuirent grèves souffrances et dures peines, tourmens et afflictions, et comme je me prins
(a) B diuite. — (6) B congnoissent. — (c) B a aduenir. — [d) B royallement. ^ •
a porter Pamertume, grief, angoîseux et douleureux martyre de ma benoiste passion et de ma croix, ensemble la compassion, et aussi pitié de tou-(|tes les peines, tourmens et afflictions que avoient jamais pour moy souffert, ou que dévoient jamais pour moy soufrir mes amis, le temps passé et advenir.
Le Pèlerin.
29. Sire Dieu, pardonne moy mon ignorance, s'il te plaist ; car, vrayement, je ne sçay pas bien ce point clerement entendre.
Jesuchrist.
30. Aux sages et bien entendus ne fault que deux moz, mais aux gros et rudes entendemens fault il moult de parolles, et n'est pas de merveilles se ton entendement est gros pour concepvoir choses cleres et bien certaines, le quel tu as par cy devant aneanté (a) pour pratiquer et entendre choses ténébreuses et vaines. Or enten ce que je vueil dire. Se ainsi est que dès le moment de ma conception je fusse homme tout parfait dedens le ventre de ma mère, et que mon ame dès lors veist en présence (b) ce que veoit la divinité, est il pas force de confesser que mon ame veoit en présence tout ce que je devoye soufrir et tout ce que avoient souffert et que dévoient souffrir encore pour moy et pour mon nom tous ceulx que je nomme et dy mes amys ?
Le Pèlerin.
3i. Ouy bien cela.
Jesuchrist.
32. Et puys donc que j'avoye continuellement en présence, sans départir, ma croix et ma passion, n*est il pas force que mon ame soufirist tousjours ce que tousjours elle veoit ?
(a) B anenti. — (b) B presencence.
Le Pèlerin.
