Charlatan

luy respondre tellement en public, que le peuple qui estoit là assemblé ne s'en retournast point abbruvé d'aucun erreur. Et c'estoit plustost pour redresser ce que l'autre a voit dit, que pour s'attachera la personne d'iceluy ; comme aussi il se contenta de rabatre les coups sans le marquer.

Davantage , il fut appelé en conférence particulière avec ledit Calvin et ses compagnons ministres de l'Eglise; là où on luy remonstra assez longuement et par divers passages de l'Escriture, comment il s'abusoit. *Gela fut environ le 16® jour de may. Mais il se monstra fort obstiné neantmoins, combien qu'il ne respondist rien pertinemment, et que luy-mesme confessast qu'il ne sçavoit que répliquer à un passage d'Ezechiel qu'on luy mit en avant.

Depuis, il se contenta d'espandre cou-

vertement* son venin ; mais comme Dieu ne le vouloit laisser gaster le troupeau, il se descouvrit encore. Car il advint qu'estant en partie solicité par quelques garnemens, il recommença plus fort que jamais à remettre sus ses erreurs en pleine congrégation. Ce fut le 16*" jour d'octobre que le passage du 8^ de S. Jean avoit esté exposé : qui est de Dieu , // oit les paroles de Dieu^ et pourtant cous ne les oyez point , à cause que vous n estes point de Dieu. Là cet homme se va enfler , et babille long temps, disant que nous faisions Dieu autheur de péché et coulpable de la condamnation des meschans : que c'estoit en faire un tyran ou un Juppiter : item, qu'on faisoit acroire à S. Augustin qu'il estoit de ceste opinion , mais que lui ni tous les anciens doc-