MANDEMENT DE M^R JUSTE GUÉRIN
ÉVÊQUE DE GENJèvE PORTANT ÉRECTION DU§SÉM1NAIRE D'ANNECY
Justus Guerinus, Dei et Apostolicae Sedis gratia, episcopus Gebennensis. Dilectissimis omnibus in Christo diœcesis nostrce clericis et universis ac singulis praesentes litteras inspecturis, salutem in eo qui est omnium vera salus.
Cum jampridem sacrosancti et oecumenici concilii Tridentini decreto statutum fuerit ut singulae cathédrales ecclesiae certum clericorum numerum, in loco convenienti ab episcopo eligendo, alere ac religiose educare et ecclesiasticis disciplinis instituere teneantur, ut ibi ministrorum Dei perpetuum sit seminarium. Nos obtempérantes tam salutari decreto , et insuper sanctissimi Domini nostri Papae Urbani VIII speciali prsecepto obedientes, quo nobis mandatum fuit in bulla promotionis nostras, ut seminarium hujusmodi in nostra diœcesi erigeremus, ex quo soUicitudinis pastoralis onus humeris infirmitatis nostrae impositum fuit, illud tam sanctum et pium opus consequi vehementer exoptavimus, arbitrantes doctrinam sanam, probos mores vitamque irreprehensibilem nostrae diœcesis clericorum non parum profutura, non solum ad poscendum eum qui in nobis est gregem, sed etiam oves errantes civitatis nostrce Gebennensis et locorum adjacentium, ad viam veritatis revocandas.
Quapropter invocato ad hoc Domini nostri Jesu Christi nomine, et de consilio et assensu duorum ex reverendissimis nostris fratribus canonicis venerabilis capituli Gebennensis, quos elegimus secundum statuta concilii Tridentini, erigendum censuimus, et de facto erigimus seminarium in domicilio dilectorum presbyterorum Congregationis Missionis, in hac nostra diœcesi fundatae quos eligimus et statuimus seminarii nostri perpetuos rectores ; et eis ut in universa diœcesi
ecclesiasticorum saluti, rusticanorumque tam spirituali quam corporali subventioni, juxta suum institutum, vacare libère ac licite valeant potestatem facimus ; ita tamen ut in iis, quae circa proximum operantur, nobis ac successoribus nostris immédiate subsint, in reliquis superiori suo generali juxta buUam suse erectionis omnimodo obediant.
Idcirco pragcipimus supra dictis carissimis nostris filiis presbyteris Missionis, ut certum clericorum numerum quos ipsi elegerimus, apud se erudiendos recipiant : qui quidem, ut commodius in disciplina ecclesiastica instituantur, tonsura statim atque habitu clericali semper utantur, ad publicum gymnasium gramniatic£e, rhetorices ac philosophiee quotidie pergent et in seminario cantus, computi ecclesiastici, aliarumque bonarum artium disciplinam discent : in sacra Scriptura, libris ecclesiasticis, homiliis sanctorum, theologia morali atque sacramentorum tradendorum maxime in iis quae spectant ad confessiones et rituum ac caerimoniarum formis sedulo erudientur.
Statuimus insuper et ordinamus, ut omnes nostree diœcesis clerici qui ad sacros ordines in Domino cupient promoveri duodecim diebus ante indictum ordinationis sabbatum examini sese présentent, et immédiate post in seminario recludantur, ubi per orationem mentalem, pias exhortationes, confessionem generalem anteactse vitae , lectiones etiam et coUationes casuum conscientias et alia id generis exercitia spiritualia, cum aaxilio omnipotentis Dei, ad dignam disponantur sacramenti ordinis susceptionem.
Ut autem omnium et praecipue studentium utilitati consulamus, haec ordinandorum exercitia ter fient in anno, scilicet ante sabbatum sanctum et sabbato quatuor temporum post Pentecosten et septembris. Cum vero ob aegritutidem vel alia impedimenta aut etiam sede vacante, non poterunt ordinationes in nostra diœcesi celebrari, tune prasmonebuntur ordinandi, ut quindecim diebus ante examini stent etseminarium ingrediantur, ut possintipost exercitia spiritualia se ad loca vicina transferre, ordinari sub litteris dimissorialibus, quas
nulli amplius nostrae diœcesis clerico, nisi praeviis supradictis exercitiis spiritualibus concedentur.
Quoniam autem nostrae pastoralis est curae pro viribus obniti,ut omnes nostrae diœcesis rectores animarum eorumque vicarii ac reliqui sacerdotes et clerici de virtute in virtutem euntes quotidie in pietate ecclesiastica progrediantur, carissimos nobis ac reverendos supradictos fratres nostros, rectores, vicarios et sacerdotes et praesertim eos qui ad bénéficia curam animarum liabentia aspirant : enixe rogamus, ac paterno quo possumus affectu exhortamur, ut seminarium quotannis si possint, adeant, et quando libuerit, et ibi per decem aut octo dies in exercitiis spiritualibus sacrae solitudinis dulcedinesatientur,ut Domino ad cor eorum loquente, doctrinae cœlestis plenitudine repleantur et in fervore spiritus roborentur.
Datum Annecii 8» die septembris anni 1641.
JUSTUS, episcopus Gebennensis ; PETRUS JAIUS, vicarius generalis ; PETRUS MAGNIN, canonicus Gebennensis ; DUMONT.
Nous devons la communication de cette pièce à l'obligeance de M. l'abbé Chevalier, chanoine honoraire d'Annecy.
