PREMIERE LETTRE

Philippe , etc. A nostre amé et féal l'Évesque de Paris, etc. De la manière de nous faire subvention et aide pour la poursuite de la guerre, etc. C'est assavoir que tous Archevesques, Evesques, Abbez et autres Prélats, Doiens, Chapitres, Couvens, Collèges , et toutes autres manières de personnes d'Eglise, religieux et séculiers, exemts et non exemts, Ducs, Comtes Barons, Dames, Damoiselles et autres Nobles de nostre Roiaume, de quelque condition ou estât qu'ils soient, nous aident à la poursuite de ladite guerre de Flandres pour quatre mois, c'est assavoir, juin, juignet, aoust et septembre prochains à venir de chacune 5oo livres de terre que ils ont en nostre

3io

Royaume, d'un Gentilhomme bien armé et monté à cheval de 5o livres tournois, etc. ; et tant qu'il passera 5oo livres de terre, combien que ce soit jusqu'à mille, de deux hommes d'armes montezet appareillez comme dessus est dit ; et en cette manière de chacune 5oo livres de terre, un homme d'armes ou plus au moins faire compensation de riche au pauvre, etc. Item quant aux non-nobles , chacun cent feux nous facent un serjant de pied des plus sufïîsans et des meilleurs que l'on pourra trouver es Paroisses et ailleurs, si cens des Paroisses n'estaient souffisans; et seront armes de pourpoins et de haubergeons, ou de gambesons, de bacinés et de lances. Et des six il y aura deux VArbalestriers qui auront arbalestes; et sera ceste aide assise, ceuillie et levée loiaument et raisonnablement, faite compensation du riche au pauvre, par chascun Prélat et Baron en sa Diocèse, et en sa terre; et y aura un preudomne de par nous pour seur entendre et prendre garde à la besongne, etc. Donné à Chausteauthierry, le lundy devant la feste de saint Denis, l'an de grâce i3o3.