XL VI

19 Octobre 15 16

Arlus Gouffier, seigneur de Boisy, à Yinbert de Batarnay, au sujet du mariage de sa belle-fille, Madame d'Anthon, avec René de Brosse, comte de Penthièvrc.

(Bibl. lut., fonds fr. 2990, f° 6, orig.)

Mous., j'ay veu la lettre que vous m'avez escripte touchant le mariage de Mons. de Pointyevre et de Madame d'Anthon, et de Mons. de l'Agle et de vostre petite fille et incontinent en ay parlé au Roy en ensuivant ce que vous m'avez escript et luy ay fait entendre que, non ohstant que Madame -(1) l'eust trouvé bon, que n'estes delliberé de le faire sans savoir le bon voulloir dud. seigneur, lequel m'a chargé vous faire responce et vous mander qu'il trouve led. mariage très bon et honneste à l'advantage des parties et que le debvez faire. Par quoy, Mons., il me semble que ne pourriez faire myeulx, et de ma part, si en cela et autre chose où il vous plaira m'emploier je vous puis faire plaisir et service, soiez seur que le ferai de bon cueur, priant Dieu, Mons., que vous doint bonne vie et longue. A Paris, le xixe jour d'octobre.

Le plus que vostre amy

Boisy.

Au revers : A Mons., Mons. du Bouchaige.

(1) Louise de Savoie, mère de François 1er.

xlvïï

51 Décembre 15 16 Compte d' Y. de Batarnay avec Jaques de Beaune.

(Bibl. nat., ras. fr. 2990, f°s 31 s., orig.)

Il est deu à Mons. du Bouchaige par moy Jaques de Beaune par le dernier compte arresté et signé par led. de Beaune que led. S^a devers luy, daté du xvime jour de décembre, l'an mil cinq cens et quatorze, montent le reste dud. compte qui demeure entre les mains de mond. Sêr la somme de vingt ung mil neuf cens vingt six livres dix solz. Pour ce xximix-" xxvil. x s.

Plus doit led. de Beaune la somme de v™ cm 1. xix s. m d. qu'il a receu de Madame la GeneralleBriconnet et ses enffans, oultre la somme de vim 1. dont il a tenu compte à mond. Ss7 par autre compte. Pour ce par ced. compte j'ay rayé le recepice que en avoit mond. Sp. Cy v" cm 1. xix s. m d.

Plus doit tenir compte led. de Beaune à mond. Ss1 de la somme de vim ne 1. C'est assavoir pour sa pension de l'année finissant en Ve quinze de v» 1. et xir-" 1. pour la cappitainerie du Mont Sainct Michel, qui sont dont j'ay receu mon recepice la somme de . . vimnc 1.

Plus doit tenir compte led. de Beaune de la sonme de huit mille livres qu'il a receu de l'auditeur Fleart et par mon recepice du xxv^ jour de juillet mil Ve et quinze. Dont j'ay receu mon recepice.

Pour ce vin™ 1.

Plus a receu led. de Beaune dud. auditeur Fleart et par son recepice du xif jour de juillet mil V' et quinze baillé à Mons. de Laubepin.

Dont j'ay receu mon recepice montent la somme de

XIm VHP xxviii 1. x s. mi d.

Somme toute de ce que doit led. de Beaune :

Cinquante trois mil cinquante huit livres, dix-neuf sols, sept deniers tournois.

Et led. de Beaune a fourny sur la recepte de ce présent compte qu'il doit les parties qui s'ensuivent.

Et premièrement :

Au Roy, que mond. Sgr a prestez pour ses affaires et mis es mains de Mons. le Trésorier Babou eu l'année mil Ve quinze, dont il a rendu les rescriptions de mond. Ssr vnr» 1.

A Mons. Laubespin, pour l'acquest du fief de la Roche, dont il a rendu la cedule dud. Sgr de la somme de vim 1.

Aud. Sgr Laubepin, à Loches, a esté baillé pour l'acquest de Bectot, dont il a rendu la cedulle dud. Sgr de la somme de . viip nnc l 1.

Aud. Sgr Laubepin, pourautres affaires de mond. Sgr, dont il a rendu la cedulle dud. Sgr Laubepin la somme de vnc 1.

A mond. Sgf, par son recepice du xxvn1™ de juing mil Ve quinze, dont il a rendu la cedulle dud. Sgr Ve 1.

A mond. Sf, par autre son recepice de mars mil cinq cens seize, dont il a rendu la cedulle dud. Sgr v* 1.

A mond. Sgr, par autre son recepice du xvimc jour de décembre mil cinq cens seize, dont il a rendu la cedule dud. Sgr. . . . VI™ 1.

Somme toute de ce que a fourny led. de Beaune :

Trente mil cent cinquante livres tournois.

Et par ce présent compte doit led. de Beaune à moud. Sgr du Bouchaige de reste la somme de vingt deux mil neuf cens huit livres dix neuf solz sept deniers tournois jusques à ce jourd'huy. Laquelle somme de vingt deux mille neuf cens huit livres dix neuf solz sept deniers tournois je promeetz payer à mond. Ss1 à sa voulenté, en me rendant ceste présente que j'ay signée de ma main, le dernier jour de décembre l'an mil cinq cens et seize.

Ja. de Beaune.

Item, confesse avoir en mes mains les lettres et obligations qui sont et appartiennent à mond. Ssr du Bouchaige.

Et premièrement :

Les lettres de la rente de six cens livres que le Roy doit à mond. Ssr sur le grenier de Loches et sa quittance de semblable somme qu'il m'a baillée pour servir au receveur gênerai pour la somme de douze mille livres tournois.

Item les acquietz et quittance de Mons. le trésorier Babou de la somme de huit mille livres tournois que mond. Ssr du Bouchaige presta

au Roy en l'année mil cinq cens quinze que raond. Sgr m'a baillez pour en faire le recouvrement.

Item, une autre quittance du trésorier Babou de la somme de deux cens trente neuf marcs deux onces deux gros (d'argenterie) tant dorée que blanche, que mond. S^ a prestez au Roy en l'année présente. Dont mond. Ssr m'a baillé le tout pour en faire le recouvrement.

Item, ung obligé de Mons. le Grant Maistre Ssr de Boisy de la somme de nr'le escuz d'or au souleil qu'il luy a prestez pour ses affaires.

Item, une obligation de feu mond. Ssr de Longueville de la somme de mil escuz d'or au soleil qui luy presta pour ayder à paier sa rencon d'Angleterre.

Item, une cedulle de Jehan de Bourges, visiteur de Lyonnois, demourant à Lyon, de la somme de quinze cens escuz d'or au soleil qu'il a en garde de mond. Ssr, laquelle il m'a baillée pour les recouvrer dud. de Bourges.

Toutes lesquelles lettres, acquictz et cedules cy dessus je promectz à mond. Ssr du Bouchaige luy en rendre bon compte à sa voulenté et toutes foys qu'il luy plaira, en me rendant ceste présente que j'ay signée de ma main, le derr'er jour de décembre, l'an mil cinq cens et seize.

Ja. de Beaune.

« Ce présent compte a esté rapporté et fait recepte sur le compte arresté du xxvie jour d'octobre mil V<: xvm (i) »•

(i) Les mots entre guillemets sont autographes.

— m - XLVin

i" Avril 1517

Charles, duc d'Alençon, assure Y. de TSatarnay du désir qui! a d'observer les termes de l'arrangement par lequel il s'est reconnu son débiteur de 2,000 l. par an, en récompense du comté de Fc^ensac.

(Bibl. nat., ms. fr. 2996, f° 3, orig.)

Mons. du Bouchaige, par Mons. de Samblancay m'a esté plusieurs foiz parlé de l'affaire qui est entre nous touchant Armaignac, et vous promeet que je désire et vueil de ma part entretenir l'appointement qui a esté sur ce fait, vous priant considérer que pour le présent j'ay tout plain de gros affaires à cause desgrandes et merveilleuses despences que j'ay eues à supporter, dont je me treuve fort en arrière. Touteffoiz vous pry croire que non seulement en cela mais en toutes autres choses qui seront en ma puissance vous feray tousjours de bon cueur plaisir, ainsi que plus au long pourrez entendre par led. Ssr de Samblancay, priant Dieu, Mons. du Bouchaige, vous donner ce que desirez. De Saint Mor les Fossez, le premier jour d'avril, de cellui qui est

Le tout vostre

Charles.

Lagit.

Au revers : A Mons. du Bouchaige.

29 Juillet 15 19?

Ymbert de Batarnay annonce à Mme d'Aumont que sa bellefille ne peut se rendre au Tlessis et il se plaint d'être malade.

(Bibl. nat., ms. fr. 592;. f* i63, orig.)

Madame, si très humblement que faire puys à vostre bonne grâce me recommande.

Madame, j'ai receu les lettres qu'il vous a pieu m'escripre et vous mercye tant fort qu'il m'est poussible de ce que vostre bon plaisir est de me faire savoir du bon portement et santé de Mesdames (je prie à Dieu qui les veuille sauver et garder et les tenir tousjours en bonne santé), et aussi des aultres nouvelles qu'il vous a pieu me faire savoir.

Madame, vous m'escripvez que mesd. dames ne sont poinct mandées à aller à Amboyse jusques à ce que le Roy soit à Remorantin ou près de là, et que voulusse donner congié à ma fille d'aller devers vous au Plexis.

Madame, ma fille (i) est en sa liberté pour aller devers vous et là où luy plairra sans congé. Je luy ay monstre les lettres que m'en escripvez ; elle m'a dit qu'elle est mal acoustrée pour ceste heure et que avant que son cas fust droissé que le Roy pourroit arriver, mays elle vous envoyé madamoyselle de la Tour, sa cousine, par laquelle saurez comme elle et ses enffans se portent bien, grâce à Dieu.

Madame, touchant mon cas, depuys quatre ou cinq jours en ça la goûte m'a prins au genoul et au pied tellement qu'il me fault porter et ne me puys soustenir en quelque façon que ce soit, et aussi ma gratelle (sic) ne me puist laisser, qui m'est grant ennuy, car, si je me fusse bien trouvé, je fusse incontinant allé devers le Roy à son arrivée à Amboyse, mays je voys bien qu'il n'y a poinct de remède de pouvoir encores bouger.

Madame, je suplie estre reconmandé à la bonne grâce de Mons. d'Aul-

(1) Probablement Françoise de Maillé, belle-fille d'Yrabert, remariée en 1516 à René de Brosse lie Penthiévre.

mont. Et touchant le surplus, ma fille vous faict responce touchant l'acomplissement du testament de feuz Mons. votre père (i) et de Mons. votre frère. Et sur ce il vous plaira moy conmander tousjours voz bons plaisirs pour iceulx acomplir, aidant Nostre Seigneur auquel je prie, Madame, vous donner très bonne vie et longue. A Monthesor, ce xxixme de juillet.

Vostre très humble serviteur,

An revers : Madame,

Madame d'Aulmont.

12 Mars 1520

Lettres d'indemnité de Marguerite de France, duchesse de Bcrry, autorisant Y. de Batarnay à transporter une sienne propriété, dite la Chevancc des Trousseaux, à un collège de chanoines qu'il avait l'intention de fonder en l'église paroissiale de sa seigneurie du Bridoré.

(Bibl. nat., ms. fr. 2965, î° 9 s., copie du temps.)

Marguerite de France, seur unique du Roy, duchesse d'Alcnçon et de Berry, contesse d'Armignac, de Roddcs, du Perche, et vicontesse de Beaumont, à tous ceulx qui ces présentes lettres verront, salut. Nostre très cher et bien amé messire Ymbert de Batarnay, chevalier de l'ordre de monseigneur le Roy, baron d'Anthon et du Bouchaige, seigneur de Montresor et du Bridoré, nous a faict remonstrer que pour la fondation d'ung collège de cinq chanoines dont l'ung sera trésorier

(1) François de Maillé, mort 15 01.

et chef dud. collège avecques deux enffans, qu'il a dévotion de fonder en l'église parochial de sa seigneurie dud. Bridoré (où) il a esleu sa sépulture et en laquelle Georgette de Montchenu sa feue femme a aucuns de ses enffens inhumez, il a délibéré de donner ausd. chanoines et colliege une chevance qu'il a en nostre ville de Dung le Roy en Berry (1) et es environs, appellée la chevance de Trousseaulx, qui se consiste en ung péage qui s'appelle le grant peaige du Long, en cens et rentes deues par plusieurs personnes, en deux grans estangs, quatre molins et une dixme appelée le dixme Carculon et certaine quantité de boys taillys, le tout vallant trois cens livres tournois de rente ou environ, tenuez partie de nous à cause de nostre grosse tour dud. Dung le Roy et le reste d'autres seigneuries, laquelle chevance mond. Sgr le Roy a admortye pour ce qui en est tenu à foy et hommaige de luy et de nous, indempné et faict don aud. Ssr du Bouchaige de la finance et indempnké qu'il et ceulx dud. colliege en pourraient devoir à luy ou ses successeurs, ainsi qu'il appert par ses lettres patentes en forme de chartre que sur ce il luy en a octroyées. Toutesvoys, pour autant que la chose nous touche comme duchesse et ususfructiere du duché de Beny, où comme dict est lad. chevance est assise et partie d'icelle tenue en fyé, led. S& du Bouchaige nous a humblement faict supplier et requérir que nostre plaisir soit consentir et gréer lesd. advertissement et indempnité et sur ce octroyer noz lenres. Pour ce est il que nous, desirans icelluy Sgr du Bouchaige favorablement traicter en faveur des grans, louables et recommandables services qu'il a faictz auz feuz Roys, que Dieu absoille, à mond. Ssr le Roy et qu'il faict de présent à la conduicte et principalle charge de nostre très amé nepveu le Daulphin, qui luy a esté baillée par mond. Ssr le Roy pour son ancien aage et parfaicte confiance qu'il a de luy, et aussi qu'il a faictz à Mons. nostre espoux, à nous, et espérons qu'il fera, et pour autres bonnes considérations à ce nous mouvans, mesmement affin que soions participante es prières, suffrages et biensfaictz dud. colliege et chanoines, icelluy advertissement et indempnité ainsi faictz et octroyez par mond. Sgr le Roy aud. Sêr du Bouchaige de lad. chevance des Trousseaulx et ses appartenances, ainsi qu'elle est designée es lettres des acquisitions qui

(1) Cher, arr. de Saint-Amand-Mont-Rond.

en ont esté faictes par led. Ssr du Bouchaige tant du seigneur de Digoigne et sa femme que de Christofle Binde, avons agréable, ferme et estable, et voulions et nous plaist de grâce especial, plaine de puissance et auctorité ducal que led. Ssr du Bouchaige puisse et luy loyse laisser et transporter lesd. choses ausd. futurs trésorier, chanoines et effens de cueur et leurs successeurs pour l'entreteneraent et donation de sad. fondation et qu'ilz les puissent tenir et posséder perpétuellement, à quelque valieur et extimation qu'elles se puissent monter, comme choses admorties et indempnées et à Dieu dédiées, et lesquelles, en tant que à nous est et peust toucher, nous avons indempnées et dedyées, sans ce que noz officiers leur en puissent faire vuider leurs mains ne pour ce leur faire payer aucune finance ou indenpnité, laquelle telle qu'elle nous en pourroit estre deue, nous avons aud. Ssr du Bouchaige en faveur que dessus, donné, quitté, donnons et quittons de nostre dicte grâce par cesd. présentes signées de nostre main, par lesquelles donnons en mandemant à nos amez et feaulx gens de noz comptes et gênerai de noz finances, au hailly de Berry et à tous noz autres justiciers et officiers ou à leurs lieutenants et à chascun d'eux, si comme à luy apartiendra, que de nos presens grâce, admortissement et indempnité ilz facent, souffrent et laissent led. Sgr du Bouchaige, ensemble lesd. trésorier, chanoines et colliege qui seront en lad. église de Bridoré, joyr et user plainement et paisiblement, sans sur ce leur donner ne souffrir donner empeschement, car tel est nostre plaisir. En tesmoing de ce nous avons faict mettre nostre seel à cesd. présentes. Donné a Angoulesme, le douzième jour de mars, l'an de grâce mil cinq cens et dix neuf. Ainsi signé « Marguerite » et sur le reply « Par madame la duchesse, Delaunay », et seellé en cire rouge.

13 Mai 1523

laques de Beaune envoyé à M. de Laubepin ses recommandations pour le cas probable de la mort d'Ymberl de Batarnay.

(Bihl. lut., ms. fr. 2969, f° $7, orig.)

Mons. de Laubepin, je me recommande à vous de bon cueur. J'ay receu vostre lettre que présentement m'avez escripte, ensemble uneautre adressant à Mons. le Grain Maistre (1), par lesquelles nous faictes entendre de la disposition de Mons. du Bouchaige que je doubte beaucoup veu l'assault du caterre qui -est pour la seconde foiz. Il a pieu à Nostre Ssr le garder jusques icy. Nous sommes tous en sa miséricorde et peut de nous faire son commandemant quant il lui plaira. Je vous prie que à ceste cause vous en vueillez tousjours tenir près, et s'il advenoit que le plaisir de Dieu feust l'appelle^ ne faillcz nous en advenir mond. Sgr le Grant Maistre et moy, alîin de donner ordre a ce qui sera besoing de faire.

Nous avons desja parlé au Roy touchant ce qu'il fault faire pardeça et aussi pour la cappitainerie du Mont Saint Michel. Cella est asseuré. Et au regard des affaires du Daulphiné, le Roy en escri . à Mons. le Président de Grenoble et je luy en escriray aussi ung mot et pareillement a Mons. l'auditeur Fleart pour leur faire entendre le vouloir du ^ Roy. Faictes de vostre coustë le myeulx que vous pourez et nous n'oblierons riens pardeça. A tant prie Dieu qu'il vous Joint ce que désirez.

De Saint Germain, le xmme jour Je may.

Vostre bon frère et meilleur amy,

Jaques de Beaune.

Au revers : A Mons. Je Laubepin mon bon frère et amy, à Montresor.

(j) René de Savoie.

- 5*; ni

i-l Mai i )2 ;

Jaques de Tkaune, instruit de la mon d'Ymberi de Ba artiay, donne à M. de Laubepin des instructions poui les fanera il les.

(\\\b\ n«t„ ms. ;j mtogr )

Mons. de Laubepin, je me recomande à vous tent de bon cueut que je puis. Je vous adverti M m Gra it Maistreetmoy avons

par le présent porteur vostre lettre que nous i i icripte du trespas du feu bon seigneur, Mous, du Bouchage, qui .i fait son temps en ce monde. Nostre Ss1 luy veille donner ce que je désire pour moy. 1 e principal est de pourveoir pardelà à sou corps et lui faire l'honneur qui luy apartient et exécuter sa derreniere vollonté et prie] Dieu pour luy et faire dédier la chappelle du château comme il .\ ordonné. Et poui meure le corps en plom pour le remuer après qi i par

laietc, je escrips à mon til.-, Mons. de 'l'ours (i), y aller et y taire celon mon désir et connue à ung segond mov niesines et de luy faire tout l'honneur qui porra. Et quant à. son ordonnance des 11- écus qu'il a ordonné pour sou enterraige et aultres chouses qui luy apartiennent mond. Sp le Grant Maistre est d'aviz que vous ne vous arrestez pas a

cela, mais que le plus honorablement que VOUS portez, ainsi que luy apartient, que soit fait, et tous deux vous en prions et que vous en qui l'on a toute fiance que vous y emploie/, et a la garde de tous les meubles et affaires de la maison, et avisez avecques Mi ;s les ;entilshommes qui sont pardelà de ce qui est requis de faire. Je vous recoin

mande tout, lit quant à la cappitainerie du Mont Saint Michel, elle a

este saulvée pour le petit seigneur, et n'a pas esté sans grant poyne. Il vient mal a propoux du trespas du t'en auditeur Fleart. I e Roy escript a la court comme avez esté d'aviz, aussi mond. Sgr le Grant Maistre et moy en particulier escripvons a Mons. le président du Daulphiné touchant les terres, et davantaige qui parle à l'auditeur Fleart, lilz du

(a) Martin da Beaune, archevêque Je Tours, 1c.20-1.ja7,

trespassé, pour se donner garde de tout ce qu'il a entre mains et qui face comme son feu père. Je luy en escrips une bonnes lettres amples, et ce matin a esté depesché la poste. A présent je ne voy aultre chouse senon que sera bon que le Sgr de Forges s'en voise avecques le petit Sg* à Blois pour le faire acostrer d'abillemens et ses gens, et se tenir avecques luy et n'en bouger. Je luy escrips et vous recommande tout, et au surplus escripvez de ce qui surviendra. Et sur ce, je prie Notre Ss7 vous donner bonne sente.

Escript de Saint Germain, le xmie jour de may.

Vostre bon frère et meilleur amy,

Jaques de Beaune.

LUI 14 Mai 1523

René, bâtard de Savoie, à M. de Laubepin, sur ce qu'il a à faire par suite du décès de M. du 'Bouchage.

(Bibl. nat., ms. fr. 3023, £> 46, orig.)

Mons. de Laubepin, j'ay présentement receu les lettres que par ce pourteur m'avez escriptes, desplaisant autant ou plus que le vous sauroiz dire ne escripre des piteuses nouvelles que me faictes savoir du bon Ssr, de Mons. de Bouchaige, lesquelles ne puis trop regreter. Toutesfoiz, puisqu'il a pieu à Nostre Seigneur en faire sa volenté, je confesse qu'il est bien raisonnable que le prenions en patience. Au reste je vous prye que ce qu'il a ordonné pour son enterrement et le salut de son ame soit entièrement acomply , mais d'autant qu'il me semble que ce n'est pas assez et que le bon chevalier s'est bien voulu fyer et remettre du surplus à son petit filz et le myen, qui ne seroit trop faire son devoir envers luy, je vous prye que riens ne soit espargné pour luy faire tout l'honneur qui sera possible, ayant regard à la qualité du personnaige qui a tant, bien et si honnorablement et vertueusement vescu que l'on ny sauroit faire tant d'honneur qu'il n'en

mérite daventaige; joinct aussi que, Dieu mercy, il a laissé assez de quoy pour ce faire. Mons. de Samblancay demonstrant de plus en plus l'amour que savez assez qu'il luy portoit, escript à Mons. de Tours, son filz, s'en aller là pour desdier la chappelle où il a ordonné d'estre inhumé et pour assister a son enterrement. Vous luy ferez tout l'honneur et bonne chère que possible vous sera.

Au demourant, quant à son cas et affaires, je vous prye que suivant la fyence qu'il avoit en vous, que vous asseure n'est en mon endroit aucunement amoindrye, vous y vueillez prandre garde et avoir le tout en bonne recommandation, en attendant que le Roy soit à Bloys, qui sera de brief, et de là vous escripverey et ferey plus amplement savoir ce que aurez à faire et l'ordre que j'entendz estre donné sur le tout. Il a esté bien pourveu quant à la cappitainerye du Mont Sainct Michel. Au regard de ses affaires du Daulphiné, les despesches s'en font telles que m'avez escript, lesquelles seront en toute diligence envoyées, vous priant mettre peine de donner si bon ordre à ce que l'audicteur Fleart avoit entre mains que riens ne se puisse perdre ne esgarer. Et après vous avoir de rechef recommandé le tout et me remettant du surplus à ce que Mons. de Samblancay vous escript pourresponsede voz lettres qu'il m'a monstrées, je prye Nostre Seigneur vous donner ce que desirez. Escript à Saint Germain en Laye, le ximrae jour de may.

Dites a Mons. de Beaupreau et a Mons. de Forges qu'ilz facent poulie filz comme ilz ont fait pour le père et que riens ne sera oblyé.

Le tout vostre,

Le Batar de Savoye.

20 Décembre 152}

Anne, fille d'Ymbert de 'Batamay, informe sa tante Mmed'Aumont de ses débuts à la Cour.

(Bibl. nat., ras. fr. 3925, f" 171, orig.)

Madame ma tande, je me recommande humblement à vostre bonne grâce, vous pryant me pardonner ce que plus tost ne vous ay escript

ainsi que vous avoys promis ; mais ceulx qui alloyent devers vous ne me avertisoyent poinct l'heure qu'ilz s'en alloyent.

Madame, j'ay esté bien recuillye de Madame la Régente (i) dès le seoyr que je arivay et me présenta elle Madame la grant seneschalle de Normand)'e (2), et depuis ay eu tousjours bonne chère d'elle et aussi de Madame Charlotte (3) et de Madame la grant mestresse (4). Ilz sont après à me faire quelque estât de men... (déchirure)... ne scay (?) encores en quel estât je seray... (déchirure)... pour ce la Rayne est mallade (5), mais je espère que j'auray quelque estât. J'ay eu troys robes depuis que je suis icy, l'une de vellours cramoysi, l'autre de vellours jaune et l'autre de damas noyr et ay bien eu pour cent escus de dorures.

Si me servient quelque chose je vous le manderé comme à celle à qui j'ay toute ma fience, vous pryant escripre tousjours à Mademoiselle d'Avantigny (6) qui est de la chambre de Madame Charlote qu'elle m'aict tousjours pour recommandée pour l'amour de vous. En pryant Dieu, Madame, vous doner très bonne vie et longue. A Bloys, ce xxme jour de décembre.

Vostre humble et obeyssante nyece,

Anne Batarnay.

Au revers : A Madame ma tante,

Madame d'Aumont.

(1) Louise de Savoie, régente pendant les absences du Roi (1523-1526).

(2) Mmc de Brezé, Diane de Poitiers.

(5) Charlotte de France, fille de François Ier, née le 23 octobre 1516, morte au mois de septembre 1524.

(4) La comtesse de Tende, Anne Lascaris, femme du bâtard de Savoie, (ï) Claude de France mourut au mois de juillet 1524.

(6) L'une des filles de Mra0 d'Aumont.