II

TRADITIONS GERMANIQUES DESCRIPTION DE LA COUR d'ATTILA D'APRÈS L'HELDENBUCH.

ETZELS HOFHALTUNG.

1. Es sass in Ungerlande Ein konick so wol bekant, Der was Etzel genande; Sein gleichen (man) nydert fant: An reichtum und an milde Was im kein konick gleich; Zwelf konicklich kron und schilde Dinten dem konick reich.

2. Er hat zwelf konickreich freye, Dye waren im underthan, Zwelf hertzog auch do peye, Dreyszt grafen wolgethan, Manck riter und auch knechte, Darzu manck edelman; Der konig was milt und gerechte: Sein gleich man nydert fant.

3. Konick Artus was auch reiche, Wol zu derselben zait, Er was Etzel nit gleiche; Auf aller erden weit Dorft niemant wider in thune, Er hat sein leib verlorn; Der konig hilt frid, gleit schune, Was seyner lant do worn.

4. Konick Etzel lies mit schalle Beruffen ein wirtschafft, Die konig und fursten alle, Die heten adels kraft, Und auch alle die recken, Die waren in seynem lant, Ein zil liesz er in stecken, Nach ydem er do sant.

5. Dasz er gen hof solt komen, Wol mil der frawen sein, Das mocht im wol gefrumen Gegen dem konig rein; «Und auch die gewaschte kinder, Pey firtzehen jaren wol, Dye las nimant dohinder; Der konig die haben sol.»

6. Er speist sunst alle tage Drew taussent menschen wol; Nach armen that er frage, Die musten sein gar vol. Auch speist die konigine Mit irer speisz so rein Arm frawen must man pringen, Der must vierhundert seyn.

7. Itlicher kong da nome Die werden frawen sein; Und mit den fursten kome, Manch furstin und greffein: Die komen alsampt dare Zu Etzel dem kong gut; Ir zukunft freut in gare, Er wurt gar hoch gemut.

8. Er entpfing die kong am ersten, Darnach die fursten gut, Die frawen allermersten, Als man zu hoffe thut. Der kong selzt sich zu tische Wol mit den recken fein, Man pracht wilpret und fische, Mocht nit zu teuer sein,

9. Kein tor mit was beschlossen, Und nye beschlossen wart: «Man sol mirs offen lassen;» Sprach Etzel der konig zart «Wan ich hab doch kein feinde Auf aller welte preit: Die tor mir fast auf leinde; Er darf nimant gelait.»