I. - II.

Nus ne porroit de malvaise raison Bone chanson né faire né chanter: Por ce n'i vueil mettre m'intencion, Que j'ai assez altre chose à penser. Et nonpourquant, la terre d'Oultre-mer Voi en si très grant balance, Qu'en chantant vueil prier lou roy de France Que ne croie couairt né losengier De la honte Nostre-Seignor vengier.

Ah! gentis rois, quant Diex vos fist croisier, Toute Egipte doutoit vostre renom; Or perdés tout quant vos volés laissier Jhérusalem estre en chaitivoison. Quar quant Diex fist de vos élection Et signor de sa venjance, Bien déussiés monstrer vostre poissance De revengier les mors et les chaitis Qui por vous sont et pour s'amor occis.