LeTiersLivre · 38

ar mon ame (reſpondit Panurge) ie le veulx. Il m’eſt aduis que le boyau m’eſlargit. Ie l’auois nagueres bien ſerré & conſtipé. Mais ainſi comme auons choizy la fine creme de Sapience pour conſeil, auſſi vouldrois ie qu’en noſtre conſultation præſidaſt quelqu’vn qui feuſt fol en degré ſouuerain. Triboulet (diſt Pantagruel) me ſemble competentement fol. Panurge reſpond. Proprement & totalement fol.

Pant. Si raiſon eſtoit pourquoy iadis en Rome les Quirinales on nommoit la feſte des folz, iuſtement en France on pourroit inſtituer les Triboulletinales. Pan. Si tous folz portoient cropiere, il auroit les feſſes bien eſcorchées. Pant. S’il eſtoit Dieu Fatuel, du quel auons parlé, mary de la diue Fatue, ſon pere ſeroit Bonadies, ſa grande mere Bonedée. Pan. Si tous folz alloient les ambles, quoy qu’il ayt les iambes tortes, il paſſeroit de vne grande toiſe. Allons vers luy ſans ſeiourner. De luy aurons quelque belle reſolution, ie m’y attends. Ie veulx (diſt Pantagruel) aſſiſter au iugement de Bridoye. Ce pendent que ie iray en Myrelingues, (qui eſt dela la riuiere de Loyre) ie depeſcheray Carpalim pour de Bloys icy amener Triboullet. Lors feut Carpalim depeſché. Pantagruel acompaigné de ſes domeſticques Panurge, Epiſtemon, Ponocrates, frere Ian, Gymnalle, Rhizotome, & aultres print le chemin de Myrelingues.

Sotz lunatiques, Sotz eſtourdis, Sotz ſages,
Sotz de villes, de chaſteaulx, de villages,
Sotz raſſotez, Sotz nyais, Sotz ſubtilz,
Sotz amoureux, Sotz priuez, Sotz ſauuages.

Chacun connoît ſon jaloux naturel,
Le montre au doigt comme un fou ſolennel.

(Corneille, t. X, p. 79, Collection des grands écrivains)

Et Fol iuſque à la haute Game.

(Clém. Marot, Epitaphe VI, De Iouan Fol de ma Dame)