PantagruelinePrognostication · 8

n eſté ie ne ſçay quel vent courra, mais ie ſçay bien qu’il doibt faire chault, & regner vent marin. Toutesfois ſi autrement arriue, pourtant ne fauldra renier Dieu. Car il eſt plus ſaige que nous. Et ſçait trop mieulx ce que nous eſt neceſſaire, que nous meſmes, Ie vous en aſſeure ſur mon honneur. Quoy qu’en ait dict Haly, & ſes ſuppoſtz. Beau ſera ſec tenir ioyeux, & boire frais. Combien qu’aucuns ayent dict, qu’il n’eſt choſe plus contraire à la ſoif. Ie le croy. Auſſi, contraria contrarijs curantur.