LaCresmePhilosophale

des
qvestions enciclopediqves
de pantagrvel

trvm, vne Idee Platonique voltigeant dextrement ſur l’orifice du chaos, pourroit chaſſer les eſquadrons des atomes Democrites.

Vtrùm, les ratepenades, voyans par la tranſlucidité de la porte cornee, pourroyent eſpionnitiquement deſcouurir les viſions morphiques, diuidant gironiquement le fil du creſpe mcrueilleux, enueloppant les atilles des cerueaux mal calfretez.

Vtrùm, les atomes tournoyans au ſon de l’harmonie Hermagorique, pourroyent faire vne compaction, ou bien vne diſſolution d’vne quinte eſſence, par la ſubſtradion des nombres Pythagoriques.

Vtrùm, la froidure hybernalle des Antipodes, paſſant en ligne orthogonalle par l’omogence ſolidité du centre, pourroit par vne doulce antiperiſtaſie eſchauffer la ſuperficielle connexité de noz talons.

Vtrùm, les pendans de la zone torride pourroyent tellement s’abbreuuer des cataractes du Nil, qu’ils vinſſent à humecter les plus cauſtiques parties du ciel Empiree.

Vtrùm, tant ſeulement par le long poil donné à l’ourſe metamorphoſee, ayant le derriere tondu à la bougreſſe pour faire vne barbutte à Triton, pourroit eſtre gardienne du pol Articque.

Vtrùm, vne ſentence elementaire pourroit alleguer preſcription decennalle contre les animaux amphibies, & è contra l’autre reſpectiuement former complaincte en cas de ſaiſine & nouuelleté.

Vtrùm, vne grammaire hiſtorique & metheorique, contendantes de leur anteriorité & poſteriorité par la triade des articles, pourroyent trouuer quelque ligne ou charactere de leurs croniques ſur la palme Zenonique.

Vtrùm, les genres generaliſſimes par violente eleuation deſſus leurs predicamens, pourroyent grimper iusques aux eſtages des tranſcendentes, & par conſequent laiſſer en friche les eſpeces ſpeciales & predicables, au grand dommaige & intereſt des pauures maiſtres es arts.

Vtrùm, l’omniforme Prothee ſe faiſant cigale, & muſicalement exerçant ſa voix es iours caniculaires, pourroit d’vne roſee matutine ſoigneuſement emballee au mois de May, faire vne tierce concoction deuant le cours entier d’vne eſcharpe Zodiacale.

Vtrùm, le noir Scorpion pourroit ſouffrir ſolution de continuité en ſa ſubſtance, & par l’effuſion de ſon ſang obſcurcir & embrunir la voye lactee au grand intereſt & dommage des lifrelofres Iacobipetes.

francisco rabelesio
poeta sitiens ponebat

Vita, Liee, ſitis : liquiſti, flebis, adures :
Membra, hominem, tumulum : morte, liquore, face.

Vita, liquisti membra morte.
Lyæe, flebis hominem liquore.
Sitis, adures tumulum face.