Lettres · RABELAESVS MEDICVS

Clariſſimo doctiſſimoque uiro D. Ioanni Bellaio
Pariſienſi Epiſcopo, Regiſque in ſanctiori
conſeſſu conſiliario

S. P. D.

minis tui auſpicijs emittere. Tu pro ſin-
gulari tua humanitate boni omnia
conſules, noſque (quod facis)
amabis. Vale. Lug-
duni pridie Cal.
Septemb.
1534.

eatissime Pater, Cum aliàs poſtquam deuocus Orator Franciſcus Rabelais Preſbyter Turonenſis Diœceſis tunc Ordinem Fratrum Minorum de Obſeruantia profeſſus, ſibi quod de Ordine Fratrum Minorum huiuſmodi in quo ad ſacros etiam Preſbyteratus ordines promotus extiterat, & in illis etiam in altaris miniſterio ſæpiùs miniſtrauerat, ad Ordinem S. Benedicti in Eccleſia Maleacenſi dicti ordinis ſe liberè transferre per fœlicis recordationis Clementem Papam VII. Prædeceſſorem Veſtrum Apoſtolica obtinuerat autoritate concedi ſeu indulgeri, idem Orator ad dictum ordinem S. Benedicti in eadem Eccleſia ſe iuxta conceſſionem ſeu indultum prædictum tranſtuliſſet, & deinde ſecum ut unum uel plura cum cura uel ſine cura dicti ſeu alterius tunc expreſſi ordinis regularis aut cum eo uel eis & ſine illis unum Curatum ſeculare certo tunc expreſſo modo qualificatum beneficia eccleſiaſtica ſi ſibi exinde canonicè conferrentur recipere & inſimul quoad uiueret retinere liberè & licicè poſſet, eadem fuiſſet autoritate diſpenſatum : dictus Orator abſque licentia ſui ſuperioris à dicta Eccleſia diſcedens regulari dimiſſo & Preſbyteri ſecularis habitu aſſumpto per ſeculum diu uagatus fuit, coque tempore durante faculati Medicinæ diligenter operam dedit, & in ea gradus ad hoc requiſitos ſuſcepit, publicè profeſſus eſt, & artem huiuſmodi practicando pluries exercuit in ſuis ordinibus ſuſceptis prædictis, & in altaris miniſterio miniſtrando, ac horas canonicas & alia diuina officia aliàs forſan celebrando, quare apoſtaſiæ maculam ac irregularitatis & infamiæ notam per tantum temporis ita uagabundus incurrit. Verum Pacer Sancte, cum dictus Orator ad cor reuerſus de præmiſſis doluerit & doleat ab intimis, cupiatque ad ordinem S. Benedicti huiuſmodi in aliquo monaſterio ſeu alio eiuſdem ordinis regulari loco, cum animi ſui quiete redire. Supplicat igitur humiliter ſupradictus Orator quatenus ſecum ut deinceps in monaſterio ſeu regulari loco prædictis ad quod ſeu quem ſe transferre contigerit cum regulari habitu debicum Altiſſimo reddat perpetuò famulatum, more pij Patris compatientes, ipſumque ſpecialibus fauoribus & gratijs proſequentes, eundem Oratorem ab exceſſibus & Apoſtaſiæ nota ſeu macula huiuſmodi nec non excommunicationis & alijs Eccleſiaſticis ſencentijs cenſuris & pœnis quas præmiſſorum occaſione quomodolibet incurrit abſoluere, ſecumque ſuper irregularitate per eum propterea contracta, ut ea non obſtante ſuſceptis per eum ordinibus ac diſpenſatione ſibi conceſſa prædictorum & in eiſdem ordinibus & in altaris miniſterio miniſtrare liberè & licitè ualeat, diſpenſare, omnemque inhabilitatis & infamiæ maculam ſiue notam per eum dicta occaſione contractam ab eo penitus abolere, ipſumque Oratorem in priſtinum & eum in quo ante præmiſſa exiſtebat ſtatum reſtituere & plenariè reintegrare, ſibique quod de dicta Eccleſia Malleacenſi ad aliquod Monaſterium ſeu alium regularem locum eiuſdem ordinis S. Benedicti ubi beneuolos inuenerit receptores ſe liberè & licitè transferre, & interim poſt huiuſmodi tranſlationem ad dictam Eccleſiam Maleacenſem ſeu Epiſcopum Capitulum uel conuentum aut perſonas eiuſdem in genere uel ſpecie minimè teneri nec obligatum fore, ut nihilominus omnibus & ſingulis priuilegijs prærogatiuis & indultis quibus fratres ſiue Monachi dicti Ordinis S. Benedicti utuntur potiuntur & gaudent, ac uti potiri & gaudere poterunt quomodolibet in futurum, ut & poſtquam monaſterium ſeu regularem locum huiuſmodi intrauerit, uti potiri & gaudere, uocemque actiuam & paſſiuam in eodem habere & inſuper artem medicinæ pietatis intuitu ſine ſpe lucri uel quæſtus hîc & ubicunque locorum extiterit, practicare liberè & licitè ualeat ſuperioris ſui & cuiuſuis alterius licentia ſuper hoc minimè requiſita, autoritate ſupradicta concedere & indulgere, ſicque in præmiſſis omnibus &c. iudicari debere, irritum quoque &c. decernere dignemini de gratia ſpeciali non obſtantibus præmiſſis ac quibuſuis conſtitutionibus & ordinationibus Apoſtolicis de illis Eccleſiæ ac monaſterii prædictis etiam iuramento &c. roboratis ſtatutis &c. priuilegijs quoque indultis ac literis Apoſtolicis illis & quibuſcunque quomodolibet conceſſis &c. quibus omni etiam ſi de illis &c. tenore &c. placeat hac uice derogare cæteriſque &c.

Et cum abſolutione &c. & quod obſtantiæ omnes uerioreſque indulti & diſpenſationis huiuſmodi tenores habeantur pro expreſſis ſeu in toto uel in parte exprimi poſſint ut de abſolutione, diſpenſatione, reabilitatione, abolitione, reintegratione, conceſſione, indulto, etiam quod poſſit diſpenſatione per eum obtenta huiuſmodi iuxta illius tenorem in omnibus uti, ac beneficia in ea comprehenſa & qualificata ſi ſibi aliàs canonicè conferantur &c. illius uigore recipere & quoad uixerit retinere, nec non medicinam ut præfertur de licentia ſui ſuperioris ac citra aduſtionem & inciſionem exercere ac tranſlatione & decretp præpetitis pro eodem oratore modo & forma præmiſſis quæ ſic pro ſigillatim repetitis habeantur ut in literis latiſſimè exprimi &c. extendi ualeant ſimul uel ad partem in forma gratioſa.

Et quod præmiſſorum omnium, & ſingulorum, qualitatum, diœceſium, ordinum dependentium, omnium cognominis ac etiam cauſarum quibus & propter quas ad huiuſmodi tranſlationem faciendam nititur quatenus opus ſit aliorumque neceſſariorum maior & uerior ſpecificatio & expreſſio fieri poſſit in literis per breue S. V. prout uidebitur expediendis attento quod Orator eſt præſens in Curia.

ons. Ie vous eſcriuy du XXIX. iour de Nouembre bien amplement & vous enuoyay des graines de Naples pour vos ſalades de toutes les ſortes que l’on mangue de par deça excepté de pimpinelle de laquelle pour lors ie ne peus recouurir. Ie vous en enuoye preſentement non en grande quantité car pour vne fois ie n’en peux dauantage charger le courrier mais ſi plus largement en voulez, ou pour vos iardins ou pour donner ailleurs, me l’eſcriuant ie vous l’enuoyray. Ie vous auois parauant eſcript & enuoyé les quatre ſignatures concernantes les benefices de feu Dom Philippes impetrez ou nom de ceux que couchiez par voſtre memoire. Depuis n’ay receu de vos lettres qui fiſſent mention d’auoir receu leſdictes ſignatures. I’en ay bien receu vnes dattées de Lermenaud, lors que Madame Deſtiſſac y paſſa, par leſquelles me eſcriuiez de la reception de deux pacquets que vous auois enuoyé l’vn de Ferrare l’aultre de cette ville auecques le chiffre que vous eſcriuois. Mais à ce que i’entends vous n’auiez encores receu le pacquet ouquel eſtoient leſdictes ſignatures. Pour le preſent ie vous peux aduertir que mon affaire a eſté concedé & expedié beaucoup mieux & plus ſeurement, que ie ne l’euſſe ſouhaitté & y ay eu ayde & conſeil de gens de bien, meſmement du Cardinal de Genutijs qui eſt Iuge du Palais & du Cardinal Simoneta qui eſtoit auditeur de la Chambre & bien ſcauant & entendant telles matieres. Le Pape eſtoit d’aduis que ie paſſaſſe mondict affaire per Cameram. Les ſuſdicts ont eſté d’aduis que ce fuſt par la Cour des Contredicts, pour ce que in foro contentioſo elle eſt irrefragable en France & quæ per contradictoria tranſiguntur tranſeunt in rem iudicatam, quæ autem per Cameram & impugnari poſſunt & in iudicium veniunt. En tout cas il ne me reſte que leuer les bulles ſub plumbo. Monſeigneur le Cardinal du Bellay enſemble Monſeigneur de Maſcon m’ont aſſeuré que la compoſition me ſera faicte gratis, combien que le Pape par vſance ordinaire ne donne gratis fors ce qui eſt expedié per Cameram. Reſtera ſeulement à payer le referendaire procureurs & aultres tels barbouilleurs de parchemin. Si mon argent eſt court, ie me recommanderay à vos Aulmoſnes car ie croy que ie ne partiray point d’icy que l’Empereur ne s’en aille. Il eſt de preſent à Naples, & en partira ſelon qu’il a eſcript au Pape le ſix. de Ianuier. Ia toute cette ville eſt pleine d’Eſpagnols & a enuoyé par deuers le Pape vn Ambaſſadeur exprez oultre le ſien ordinaire, pour l’aduertir de ſa venue. Le Pape luy cede la moictyé du Palais & tout le bourg de ſainct Pierre pour ſes gents & faict appreſter trois mille licts à la mode Romaine ſçauoir eſt des matrats car la ville en eſt deſpourueue depuis le ſac des Lanſquenetz : & a faict prouiſion de foing, de paille, d’auoine, ſpelte & orge, tant qu’il en a peu recouurir & de vin tout ce qu’en eſt arriué en Ripe. Ie pente qu’il luy couſtera bon : dont il ſe paſſaſt bien en la pouureté où il eſt, qui eſt grande & apparente, plus qu’en pape qui fuſt depuis trois cens ans en ça. Les Romains n’ont encores conclud comment ils s’y doiuent gouuerner & ſouuent a eſté faicte aſſemblée de par le Senateur, Conſeruateurs & Gouuerneur, mais ils ne peuuent accorder en opinions. L’Empereur par ſondict Ambaſſadeur leur a denoncé, qu’il n’entend point que ſes gens viuent à diſcretion c’eſt à dire ſans payer, mais à diſcretion du Pape qui eſt ce que plus griefue le Pape, car il entend bien que par cette parole l’Empereur veult veoir comment & de quelle affection il le traictera luy & ſes gens. Le Sainct Pere par election du Conſiſtoire a enuoyé par deuers luy deux Legats ſcauoir eſt, le Cardinal de Senes & le Cardinal Cæſarin. Depuis y ſont dabondant allez les Cardinaux Saluiati & Rodolphe & monſeigneur de Sainctes auecques eulx. I’entends que c’eſt pour l’affaire de Florence, & pour le differend, qui eſt entre le Duc Alexandre de Medicis & Philippes Stroffi duquel vouloit ledict Duc confiſquer les biens qui ne ſont petits, car apres les Fourques de Auxbourg en Almaigne il eſt eſtimé le plus riche marchand de la Chreſtienté & auoit mis gens en cette ville pour l’empriſonner ou tuer quoy que ce fuſt. De laquelle entrepriſe aduerty impetra du Pape de porter armes & alloit ordinairement accompagné de trente ſouldars bien armez à poinct. Ledict Duc de Florence comme ie penſe aduerty que ledict Stroſſy auecques les ſuſdicts Cardinaux, s’eſtoit retiré par deuers l’Empereur, & qu’il offroit audict Empereur quatre cents mille Ducats pour ſeulement commettre gens qui informaſſent ſur la tyranniſe & meſchanceté dudict Duc, partiſt de Florence conſtitua le Cardinal Cibo ſon Gouuerneur & arriua en cette ville le lendemain de Noel ſur les vingt trois heures entra par la porte S. Pierre, accompagné de cinquante cheuaux legers armez en blanc, & la lance au poing, & enuiron de cent arquebuſiers. Le reſte de ſon train eſtoit petit & mal en ordre & ne luy fut faict entrée quelconque, excepté que l’Ambaſſadeur de l’Empereur alla au deuant iuſques à ladicte porte. Entré que fut ſe tranſporta au Palais & eut audience du Pape, qui peu dura, & fut logé au Palais S. George. Le landemain matin partiſt, accompagné comme deuant.

Depuis huict iours en ça ſont venues nouuelles en cette ville & en a le S. Pere receu lettres de diuers lieux comment le Sophy, Roy des Perſes, a deffaict l’armée du Turcq. Hier au ſoir arriua icy le neueu de Monſ. de Vely Ambaſſadeur pour le Roy par deuers l’Empereur, qui compta à Monſ. le Cardinal du Bellay que la choſe eſt veritable & que c’a eſté la pluſgrande tuerye qui fut faicte depuis quatre cents ans en ça. Car du coſté du Turcq, ont eſté occis plus de quarante mille cheuaulx. Conſiderez quel nombre de gens de pied y eſt demouré pareillement du coſté dudict Sophy. Car entre gens qui ne fuyent pas volontiers, non ſolet eſſe incruenta victoria. La deffaicte principale fut pres d’vne petite ville, nommée Cony, peu diſtante de la grande ville Tauris, pour laquelle ſont en different le Sophy & le Turcq. Le demourant fut faict pres d’vne place nommée Betelis. La maniere fut que ledict Turq auoit party ſon armée & part d’icelle enuoyée pour prendre Cony. Le Sophy de ce aduercy auecques toute ſon armée rua ſus cette partye ſans qu’ils ſe donnaſſent guarde. Voila qu’il faict mauuais aduis de partir ſon oſt deuant la victoire. Les François en ſcauroient bien que dire quand de deuant Pauye monſieur d’Albanie emmena la fleur & force du camp. Cette roupte & deffaicte entendue, Barberouſſe s’eſt retiré à Conſtantinople pour donner ſeureté au pays, & dict par ſes bons Dieux que ce n’eſt rien en conſideration de la grande puiſſance du Turcq. Mais l’Empereur eſt hors celle peur, qu’il auoit, que ledict Turc ne vint en Sicile comme il auoit deliberé à la prime vere. Et ſe peult tenir la Chreſtienté en bon repos d’icy à long temps, & ceulx qui mettent les decimes ſur l’Egliſe eo prætextu qu’ils ſe veulent fortiffier pour la venue du Turq, ſont mal garnis d’argumens demonſtratifs.

Monsievr. I’ay receu lettres de Monſ. de S. Cerdos dattées de Dijon par leſquelles il m’aduertiſt du procez qu’il a pendant en cette Cour Romaine. Ie ne luy oſerois faire reſponſe ſans me bazarder d’encourir grande faſcherie, mais i’entends qu’il a le meilleur droict du monde & qu’on luy faict tort manifeſte, & y deuroit venir en perſonne. Car il n’y a procez tant equitable qui ne ſe perde quand on ne le ſollicite meſmement ayant fortes partyes, auec auctorité de menaſſer les ſolliciteurs s’ils en parlent. Faulte de chiffre m’en guarde vous en eſcrire dauantage, mais il me deſplaiſt veoir ce que ie veoy, attendu la bonne amour que luy portez principalement & auſſi qu’il m’a de tout temps fauoriſé & aymé en mon aduis. Monſieur de Baſilac Conſeiller de Tholouſe y eſt bien venu cet hiuer pour moindre cas & eſt plus vieil & caſſé que luy, & a eu expedition bien toſt à ſon proffit.

Monsievr, Auiourdhuy matin eſt retourné icy le Duc de Ferrare, qui eſtoit allé par deuers l’Empereur à Naples. Ie n’ay encores ſceu comment il a appointé touchant l’inueſtiture & recognoiſſance de ſes terres, mais i’entends qu’il n’eſt pas retourné fort content dudict Empereur, ie me doubte que il ſera contrainct mettre au vent les eſcus que ſon feu pere luy laiſſa, & que le Pape & l’Empereur le plumeront à leur vouloir, meſmement qu’il a refuſé le party du Roy, après auoir delayé d’entrer en la ligue de l’Empereur, plus de ſix mois, quelques remontrances ou menaſſes qu’on luy ait faict de la part dudict Empereur. De ſaict Monſ. de Limoges qui eſtoit à Ferrare Ambaſſadeur pour le Roy voyant que ledict Duc ſans l’aduertir de ſon entrepriſe s’en eſtoit retiré deuers l’Empereur, eſt retourné en France. Il y a danger que Madame Renée en ſouffre faſcherie. Ledict Duc luy a oſté Madame de Soubize ſa gouuernante & la faict ſeruir par Italiennes, qui n’eſt pas bon ſigne.

Mons. Il y a trois iours qu’vn des gens de Monſ. de Criſſé eſt icy arriué en poſte & porte aduertiſſement que la bande du Seigneur Rance qui eſtoit allé au ſecours de Geneue a eſté deffaicte par les gens du Duc de Sauoye. Auecques luy venoit vn Courrier de Sauoye qui en porce les nouuelles à l’Empereur. Ce pourroit bien eſtre ſeminanrium futuri belli. Car volontiers ces petites noiſes tirent apres ſoy grandes batailles, comme eſt facile à veoir par les antiques hiſtoires tant Grecques que Romaines, & Françoiſes auſſi ainſi que appert en la bataille qui fut à Vireton.

Mons. Depuis quinze iours en ça André Doria qui eſtoit allé pour auitailler ceux qui de par l’Empereur tiennent la Goleta pres Tuniz meſmement les fournir d’eaux car les Arrabes du pays leur font guerre continuellement & n’oſent ſortir de leur fort, eſt arriué à Naples & n’a demouré que trois iours auecques l’Empereur, puis eſt party auecques XXIX. Galeres. On dict que c’eſt pour rencontrer le Iudeo & Cacciadiauolo qui ont bruſlé grand païs en Sardaine & Minorque. Le Grand Maiſtre de Rhodes Piedmontois eſt mort ces iours derniers, en ſon lieu a eſté eſleu le Commandeur de Forton entre Montauban & Thoulouſe.

Mons. Ie vous enuoye vn liure de prognoſticqs duquel toute cette ville eſt embeſongnée, intitulé De euerſione Europæ. De ma part ie n’y adiouſte foy aucune, mais on ne veit onques Rome tant adonnée à ces vanitez & Diuinations comme elle eſt de preſent. Ie croy que la cauſe eſt, car mobile mutatur ſemper cum principe vulgus. Ie vous enuoye auſſi vn Almanach pour l’an qui vient 1536. Dauantage ie vous enuoye le double d’vn brief que le Sainct Pere a decretté n’agueres pour l’aduenue de l’Empereur. Ie vous enuoye auſſi l’entrée de l’Empereur en Meſſine & Naples & l’oraiſon funebre qui fut faicte à l’enterrement du Feu Duc de Milan.

Mons. Tant humblement que faire ie puis à voſtre bonne grace me recommande priant noſtre Seigneur vous donner en ſanté bonne & longue vye. A Rome ce XXX. iour de Decembre.

Voſtre tres humble ſeruiteur

François Rabelais.

ilecte fili ſalutem & Apoſtolicam benedictionem. Sedes Apoſtolica & pia mater recurrentibus ad eam poſt exceſſum cum humilitate perſonarum ſtatim libenter conſulere ac illos gratioſo fauore proſequi conſucuit, quos ad id aliàs propria uirtutum merita multipliciter recommendant. Exponi ſiquidem nobis nuper feciſti quod aliàs poſtquam felicis Recordationis Clemens Papa VII prædeceſſor noſter tibi ut de ordine fratrum Minorum quem expreſſè profeſſus & in eo permanens ad omnes & ſacros & Preſbyteratus ordines promotus fueras, ac in illis etiam in altaris miniſterio ſæpius miniſtraueras, ad Eccleſiam Maleacenſem Ordinis S. Benedicti & dictum ordinem S. Benedicti te transferre ualeres Apoſtolica autoritate indulſerat. Tuque indulti huiuſmodi uigore ad Eccleſiam & ordinem S. Benedicti prædictum te tranſtuleras, ac tecum unum ſeu plura benificia eccleſiaſtica certis tunc expreſſis modis qualificatis ſi tibi aliàs canonicè conferrentur recipcre & retinere ualeres Apoſtolica autoritate diſpenſari obtinueras. Tu abſque tui ſuperioris licentia ab ipſa Eccleſia Maleacenſi diſcedens habitum regularem dimiſiſti, & habita Preſbyteri ſecularis aſſumpto per abrupta ſeculi diu uagatus es, ac interim literis in facultate Medicinæ diligenter operam dediſti, & in ea ad Bachalariatus Licentiatiuæ & Doctoratus gradus promotus, nec non artem medicinæ publicè profeſſus fuiſti & exercuiſti. Cum autem ſicut eadem expoſitio ſubiungebat, tu de præmiſſis ab intimis dolueris & doleas de præſenti, cupiaſque ad ipſum Ordinem S. Benedicti & aliquod illius monaſterium uel alium regularem locum ubi beneuolos inueneris receptores te transferre, & inibi Altiſſimo perpetuò famulari, pro parte tua nobis fuit humiliter ſupplicatum ut tibi de abſolutionis debitæ beneficio ac aliàs ſtatui tuo in præmiſſis oportunè prouidere de benignitate Apoſtolica dignaremur. Nos igitur attendentes Sedis Apoſtolicæ clementiam petentibus gremium ſuæ pietatis claudere non conſueuiſſe, ac uolenteſque aliàs apud nos de religionis zelo literarum ſcientia uitæ ac morum honeſtate alijſque probitatis & uirtutum meritis multipliciter commendatum horum intuitu fauore proſequi gratioſo, huiuſmodi tuis in hac parte ſupplicationibus inclinati, te ab excommunicatione & alijs ſententijs cenſuris & pœnis quas propter præmiſſa quomodolibet incurriſti, nec non Apoſtaſtæ reatu & exceſſibus huiuſmodi autoritate Apoſtolica tenore præſentium abſoluimus, ac tecum ſuper irregularitate per te propter ea nec non quia ſic ligatus miſſas & alia diuina officia forſan celebraſti, & aliàs illis te immiſcuiſti contracta quoque in ſingulis ordinibus prædictis etiam in altaris miniſterio huiuſmodi miniſtrare, nec non diſpenſatione prædicta uti & beneficia ſub illis comprehenſa iuxta illius tenorem recipere & retinere, nec non de dicta Eccleſia Maleacenſi ad aliquod monaſterium uel alium regularem locum eiuſdem Ordinis S. Benedicti ubi beneuolos inueneris receptores te transferre, nec non poſtquam tranſlatus fueris, ut præſertur, omnibus & ſingulis priuilegijs prærogatiuis & indultis, quibus alij Monachi ipſius Ordinis S. Benedicti utuntur potiuntur & gaudent, ac uti potiri & gaudere poterunt quomodolibet in futurum uti potiri & gaudere inibique uocem actiuam & paſſiuam habere, ac de licentia tui ſuperioris & citra aduſtionem & inciſionem pietatis intuitu ac ſine ſpe lucri uel quæſtus in Romana Curia & ubicunque locorum artem huiuſmodi Medicinæ exercere liberè & licitè ualeas autoritate Apoſtolica & tenore præmiſſis de ſpeciali dono gratis diſpenſamus, omnemque inhabilitatis & infamiæ maculam ſiue notam ex præmiſſis inſurgentem penitùs abolemus, teque in priſtinum & eum ſtatum, in quo an te præmiſſa quomodolibet eras, reſtituimus & plenariè reintegramus, decernentes te, poſtquam ad aliquod monaſterium ſeu alium regularem locum tranſlatus fueris, ut præfertur, eidem Eccleſiæ Malleacenſi ſeu illius Epiſcopo pro tempore exiſtenti aut dilectis filijs Capitulo ſeu perſonis minimè teneri aut obligatum fore non obſtantibus præmiſſis ac conſtitutionibus & ordinationibus Apoſtolicis, nec non Eccleſiæ Maleacenſis & Ordinis S. Benedicti prædictorun iuramento confirmatione Apoſtolica uel quauis firmitate alia roboratis ſtatutis & conſuetudinibus cæteriſque contrarijs quibuſcunque. Volumus autem quod pænitentiam per Confeſſorem idoneum quem duxeris eligendum tibi pro præmiſſis iniungendam adimplere omnino tenearis, alioquin præſentes literæ quoad abſolutionem ipſam tibi nullatenus ſuffragentur.

Datum Romæ apud S. Petrum ſub annula Piſcatoris die XVII. Ian. MDXXXVI. Pontificatus noſtri anno II.

ons. I’ay receu les lettres que vous a pleu m’eſcrire dattées du ſecond iour de Decembre, par leſquelles ay congneu que auiez receu mes deux pacquets, l’vn du XVIII. l’aultre du XXII. d’Octobre auecques les quatre ſignatures que vous enuoyois. Depuis vous ay eſcript bien amplement du XXIX. de Nouembre & du XXX. de Decembre. Ie croy que à cette heure ayez eu leſdicts pacquets. Car le ſire Michel Parmentier Libraire demeurant à l’eſcu de Baſle m’a eſcript du cinquieſme de ce moys preſent qu’il les auoit receus & enuoyé à Poictiers. Vous pouuez eſtre aſſeuré que les pacquets que ie vous enuoyeray ſeront fidelement tenus d’icy à Lyon. Car ie les mects dedans le grand pacquet ciré qui eſt pour les affaires du Roy, & quand le Courrier arriue a Lyon il eſt deſployé par Monſ. le Gouuerneur. Lors ſon ſecretaire qui eſt bien de mes amis prend le pacquet que i’addreſſe au deſſus de la premiere couuerture audict Michel Parmentier. Pourtant n’y a difficulté ſinon depuis Lion iuſques à Poictiers. C’eſt la cauſe pourquoy ie me ſuis aduiſé de le taxer pour plus ſeurement dire tenu à Poictiers, par les meſſagers, ſoubs eſpoir d’y gaigner quelque teſton. De ma parc i’entretiens touſiours ledict Parmentier par petits dons que luy enuoye des nouuelletez de par deça, ou à ſa femme, afin qu’il ſoit plus diligent à chercher marchands ou meſſagiers de Poictiers qui vous rendent les pacquets. Et ſuis bien de cet aduis que m’eſcriuez, qui eſt de ne les liurer entre les mains des banquiers de peur que ne fuſſent crochetez & ouuerts. Ie ſerois d’opinion que la premiere fois que m’eſcrirez, meſmement ſi c’eſt d’affaire d’importance, que vous eſcriuiez vn mot audict Parmentier, & dedans voſtre lettre mettre vn eſcu pour luy, en conſideration des diligences qu’il faict de m’enuoyer vos pacquets & vous enuoyer les miens. Peu de choſe oblige aulcunesfois beaucoup les gens de bien & les rend plus feruens à l’aduenir quand le cas importeroit vrgente depeſche.

Mons. Ie n’ay encores baillé vos lettres à Monſ. de Xaintes, car il n’eſt retourné de Naples où il eſtoit auecques les Cardinaulx Saluiati & Rodolphe : dedans deux iours doibt icy arriuer. Ie luy bailleray voſdictes lettres & ſolliciteray pour la reſponſe puis vous l’enuoyeray par le premier courrier qui ſera depeſché. I’entends que leurs affaires n’ont eu expedition de l’Empereur telle comme ils eſperoient & que l’Empereur leur a dict peremptoirement que à leur requeſte & inſtance enſemble du feu Pape Clement leur Allié & proche parent, il auoit conſtitué Alexandre de Medicis Duc ſur les terres de Florence & Piſe. Ce que iamais n’auoit penſé faire & ne l’euſt faict. Maintenant le depoſer ce ſeroit acte de Bateleurs qui font le faict & le deffaict. Pourtant que ils ſe deliberaſſent le recognoiſtre comme leur Duc & ſeigneur & luy obeyſſent comme vaſſaulx & ſubiects, & qu’ils ne y fiſſent faulte. Au regard des plaintes qu’ils faiſoient contre ledict Duc, qu’il en congnoiſtroit ſur le lieu. Car il delibere apres auoir quelque temps ſeiourné à Rome, paſſer par Senes & de là à Florence à Bologne à Milan & Genes. Ainſi s’en retournent leſdicts Cardinaulx, enſemble Monſ. de Xaintes Stroſſi & quelques aultres, re infecta. Le xiij. de ce mois furent icy de retour les Cardinaulx de Senes & Ceſarin leſquels auoient eſté eſleus par le Pape & tout le College pour legats par deuers l’Empereur. Ils ont tant faict que ledict Empereur a remis ſa venue en Romme iuſques à la fin de Feburier. Si i’auois autant d’eſcus comme le Pape vouldroit donner de iours de Pardon proprio motu de plenitudine poteſtatis & aultres telles circonſtances fauorables, à quiconque la remettroit iuſques à cinq ou ſix ans d’icy, ie ſerois plus riche que Iacques Cœur ne fuſt oncques. On a commencé en cette ville gros aparat, pour le receuoir & a lon faict par le commandement du Pape vn Chemin nouueau par lequel il doit entrer ſçauoir eſt, de la porte S Sebaſtian tirant au Camp Doly Templum pacis, & l’amphiteatre, & le faict on paſſer ſoubs les antiques Arcs Triumphaux de Conſtantin de Veſpaſien & Titus de Numetian & aultres : puis à coſté du Palais S Marc & de là par Camp de Flour, & deuant le Palais Farneſe, où ſouloit demeurer le Pape : puis par les banques & deſſoubs le Chaſteau Sainct Ange : pour lequel Chemin dreſſer & equaller on a demoly & abattu plus de deux cents maiſons & trois ou quatre Egliſes ras terre. Ce que pluſieurs interprettent en mauuais preſage. Le iour de la conuerſion S. Paul, noſtre S. Pere alla ouyr meſſe à S. Paoul & fiſt banquet à tous les Cardinaulx. Apres diſner retourna paſſant par le Chemin ſuſdict & logea au Palais S. Georges. Mais c’eſt pityé de veoir la ruine des maiſons qui ont eſté demolies & n’eſt faict payement ny reſcompenſe aucune es ſeigneurs d’icelles. Auiourdhuy ſont icy arriuez les Ambaſſadeurs de Veniſe, quatre bons vieillards tous griſons leſquels vont par deuers l’Empereur à Naples. Le Pape a enuoyé toute ſa famille au deuant d’eulx, Cubiculaires Chambriers Geniſſaires Lanſquenetz &c. Les Cardinaux ont enuoyé leurs mulles en Pontificat. Au ſept. de ce mois furent pareillement receus les Ambaſſadeurs de Senes bien en ordre, & apres auoir faict leur harangue en Confiſtoire ouuert & que le Pape leur euſt reſpondu en beau latin & briefuement ſont departis pour aller à Naples. Ie croy bien que de toutes les Itales, iront Ambaſſadeurs par deuers ledict Empereur, & ſcait bien iouer ſon roolle pour en tirer denares : comme il a eſté deſcouuert depuis dix iours en ça. Mais ie ne ſuis encores bien apoinct aduerty de la fineſſe qu’on dict qu’il a vſée à Naples. Par cy apres ie vous en eſcriray. Le Prince de Piedmont fils aiſné du Duc de Sauoye, eſt mort à Naples depuis quinze iours en ça. L’Empereur luy a faict faire execques fort honnorables, & y a perſonnellement aſſiſté. Le Roy de Portugal depuis ſix iours en ça a mandé à ſon Ambaſſadeur qu’il auoit à Rome, que ſubitement ſes lettres receues, il ſe retiraſt par deuers luy, en Portugal. Ce qu’il fiſt ſur l’heure, & tout botté & eſperonné vint dire à Dieu à Monſ. le Reuerendiſſime Cardinal du Bellay. Deux iours apres a eſté tué en plain iour prez le Pont S. Ange vn gentilhomme Portugalois qui ſollicitoit en cette ville pour la Communauté des Iuifs qui furent baptiſez ſoubs le Roy Emanuel & depuis eſtoient moleſtez par le Roy de Portugal moderne pour ſucceder à leurs biens quand ils mouroient & quelques aultres exactions qu’il faiſoit ſur eulx oultre l’Edict & ordonnance dudict feu Roy Emanuel. Ie ne doubte que en Portugal y ait quelque ſedition.

Mons. par le dernier pacquet que vous auois enuoyé ie vous aduertiſſois comment quelque partye de l’armée du Turc auoit eſté deffaicte par le Sophy aupres de Betelis. Ledict Turc n’a gueres tardé d’auoir ſa reuanche. Car deux mois apres il a couru ſus ledict Sophy en la plus grande furye qu’on veit onques & apres auoir mis à feu & ſang vn grand Pays de Meſopotamie a rechaſſé ledict Sophy par delà la Montagne de Taurus. Maintenant faict faire force galleres ſur le Fleuue de Tanais par lequel pourront deſcendre en Conſtantinople. Barberouſſe n’eſt encores parcy dudict Conſtantinople pour tenir le Pays en ſeureté, & a laiſſé quelques garniſons à Bona & Algiery ſi d’aduenture l’Empereur le vouloit aſſaillir. Ie vous enuoye ſon portraict tiré ſur le vif & auſſi l’aſſiette de Tunis & des villes maritimes d’enuiron.

Les Lanſquenets que l’Empereur mandoit en la Duché de Milan pour tenir les places fortes ſont tous noyez & peris par mer iuſques au nombre de douze centz en vne des plus grandes & belles nauires des Geneuois : & ce fut prez vn porc des Luquois nommé Lerzé. L’occaſion fut parce qu’ils s’ennuyoient ſur la mer & voulans prendre terre mais ne pouuans à cauſe des Tempeſtes & difficulté du temps penſerent que le Pilotte de la Naue les vouluſt touſiours delayer ſans aborder. Pour cette cauſe le tuerent & quelques aultres des Principaulx de ladicte nef. Leſquels occis la Nef demeura ſans Gouuerneur, & en lieu de caller la voille les lanſquenets la hauſſoient comme gens non pratifs en la marine & en tel deſarroy perirent à vn gect de pierre pres ledict Port.

Mons. I’ay entendu que Monſieur de La Vaur qui eſtoit Ambaſſadeur pour le Roy à Veniſe a eu ſon congé & s’en retourne en France. En ſon lieu va Monſ. de Rodez & ia tient à Lion ſon train preſt, quand le Roy luy aura baillé ſes aduertiſſemens.

Mons. Tant comme ie puis humblement à voſtre bonne grace me recommande priant noſtre Seigneur vous donner en ſanté bonne vie & longue. A Rome, ce vingt huict. de Ianuier 1536.

Voſtre tres humble ſeruiteur

François Rabelais.

ons. Ie vous eſcriuy du vingt huict. iour du mois de Ianuier dernier paſſé bien amplement, de tout ce que ie ſcauois de nouueau, par vn Gentilhomme ſeruiteur de Monſieur de Montreul nommé Tremeliere, lequel retournoit de Naples où auoit achapté quelques courſiers du Royaume pour ſondict maiſtre & s’en retournoit à Lyon vers luy en diligence. Ledict iour ie receus le pacquet qu’il vous a pleu m’enuoyer de Legugé datté du X. dudict mois. En quoy pouuez congnoiſtre l’ordre que i’ay donné à Lyon touchant le bail de vos lettres, comment elles me ſont icy rendues ſeurement & ſoudain. Voſdictes lettres & pacquet furent baillées à l’Eſcu de Baſle au xxi. dudict mois, le xxviij. me ont eſté icy rendues. Et pour entretenir à Lyon (car c’eſt le poinct & lieu principal) la diligence que faict le libraire dudict Eſcu de Baſle en ceſt affaire ie vous reitere ce que ie vous eſcriuois par mon ſuſdict pacquet ſi d’aduenture ſuruenoient cas d’importance par cy apres, c’eſt que ie ſuis d’aduis que à la premiere fois que m’eſcrirez vous luy eſcriuiez quelque mot de lettre & dedans icelles mettez quelque Eſcu ſol, ou quelque aultre piece de vieil or comme Royau Angelot ou Salut, &c., en conſideration de la peyne & diligence qu’il y prend. Ce peu de choſe luy accroiſtra l’affection de mieux en mieux vous ſeruir. Pour reſpondre à vos lettres de poinct en poinct i’ay faict diligentement chercher ez Regiſtres du Palais depuis le temps que me mandiez ſcauoir eſt, l’an mil cinq cents vingt neuf, trente & trente & vn, pour entendre ſy on trouueroit l’acte de la reſignation que fiſt feu Dom Philippes à ſon nepueu & ay baillé aux Clercs du Regiſtre deux Eſcuz ſol, qui eſt bien peu attendu le grand & faſcheux labeur qu’ils y ont mis. En ſomme ils n’en ont rien trouué & n’ay onques ſceu entendre nouuelles de ſes Procurations. Par quoy me doubte qu’il y a de la fourbe en ſon cas ou les memoires que m’eſcriuiez n’eſtoient ſuffiſans à les trouuer. Et fauldra pour plus en eſtre acertainé que me mandez cuius dioceſis eſtoit ledict feu Domp Philippes & ſi rien auez entendu pour plus eſclaircir le cas & la matiere. Comme ſi c’eſtoit pure & ſimpliciter ou cauſa permutationis &c.

Mons. Touchant l’article ouquel vous eſcriuois la reſponſe de Monſ. le Cardinal du Bellay laquelle il me fiſt lors que ie luy preſentay vos lettres, il n’eſt beſoing que vous en faſchez. Monſieur de Maſcon vous en a eſcript ce qui en eſt. Et ne ſommes pas preſts d’auoir Legat en France. Bien vray eſt il que le Roy a preſenté audict Pape le Cardinal de Lorraine, mais ie croy que le Cardinal du Bellay taſchera par tous moyens de l’auoir pour ſoy. Le prouerbe eſt vieux qui dict nemo ſibi ſecundus, & veoy certaines menees qu’on y faict, par lequelles ledict Cardinal du Bellay pour ſoy employera le Pape & le fera trouuer bon au Roy. Pourtant ne vous faſchez ſi ſa reſponſe a eſté quelque peu ambigue, en voſtre endroict.

Mons. Touchant les granes que vous ay enuoyées ie vous puis bien aſſeurer que ce ſont des meilleures de Naples & deſquelles le Sainct Pere faict ſemer en ſon iardin ſecret de Belueder. D’aultres ſortes de ſallades ne ont ils par deca, fors de Naſecord & d’Arouſſe, Mais celles de Legugé me ſemblent bien auſſi bonnes & quelque peu plus doulces & amiables à l’eſtomach, meſmement de voſtre perſonne : car celles de Naples me ſemblent trop ardentes & trop dures. Au regard de la ſaiſon & ſemailles, il faudra aduertir vos iardiniers qu’ils ne les ſement du tout ſi toſt comme on faict de par deca, car le climat n’y eſt pas tant aduancé en chaleur comme icy. Ils ne pourront faillir de ſemer vos ſalades deux fois l’an ſcauoir eſt en Careſme & en Nouembre & les Cardes ils pourront ſemer en Aouſt & Septembre : les melons citrulles & aultres en Mars & les armer certains iours de iong & fumier leger & non du tout pourry, quand ils ſe douteroient de gelée. On vend bien icy encores d’aultres granes, comme d’Oeillets d’Alexandrie, de violes matronales, d’vne herbe dont ils tiennent en eſté leurs chambres fraiſches, qu’ils appellent Beluedere, & aultres de medecine, mais ce ſeroit plus pour Madame d’Eſtiſſac. S’il vous plaiſt de tous ie vous enuoyeray & n’y feray faulte. Mais ie ſuis contrainct de recourir encores à vos aulmoſnes, car les trente Eſcus qu’il vous pleuſt me faire icy liurer ſont quaſi venus à leur fin, & ſi n’en ay rien deſpendu en meſchanceté ny pour ma bouche, car ie bois & mengeue ordinairement chez Monſ. le Cardinal du Bellay, ou Monſ. de Maſcon. Mais en ces petites barbouilleryes de depeſches & louage de meubles de chambre & entretenement d’habillemens s’en va beaucoup d’argent, encores que ie m’y gouuerne tant chichement qu’il m’eſt poſſible. Sy voſtre plaiſir eſt me enuoyer quelque lettre de change i’eſpere n’en vſer que à voſtre ſeruice, & n’en eſtre ingrat. Au reſte ie veoy en cette ville mille petites mirelificques à bon marché qu’on apporte de Cipre, de Candie, & Conſtantinople. Sy bon vous ſemble ie vous en enuoyeray ce que mieux ie verray duiſible, tant à vous que à madicte Dame d’Eſtiſſac. Le port d’icy à Lyon n’en couſtera rien. I’ay Dieu mercy expedié tout mon affaire & ne m’a courte que l’expedition des Bulles. Le Sainct Pere m’a donné de ſon propre gré la compoſition & croy que trouuerez le moyen aſſez bon. Et n’ay rien par icelles impetré qui ne ſoit ciuile & iuridicque. Mais il y a fallu bien vſer de bon conſeil, pour la formalité. Et vous oſe bien dire que ie n’y ay quaſi en rien employé Monſ. le Cardinal du Bellay, ny Mons. l’Ambaſſadeur, combien que de leur grace s’y fuſſent offerts à y employer non ſeulement leurs paroles & faueur mais entierement le nom du Roy.

Mons. Ie n’ay encores baillé vos premieres lettres à Monſ. de Xainctes, car il n’eſt encores retourné de Naples où il eſtoit allé comme vous ay eſcript. Il doibt eſtre icy dedans trois iours. Lors ie luy bailleray vos lettres premieres & quelques iours apres bailleray vos ſecondes & ſolliciteray pour la reſponſe. I’entends que ny luy ny les Cardinaux Saluiati & Rodolphe, ny Philippes Stroſſy auecques ſes Eſcus n’ont rien faict enuers l’Empereur de leur entrepriſe combien qu’ils luy ayent voulu liurer ou nom de tous les foreſtiers & bannis de Florence vn million d’or du contant, paracheuer la Rocca commencée en Florence & l’entretenir à perpetuité auecques garniſons competentes ou nom dudict Empereur, & par chacun an luy payer cent mille ducats pourueu & en condition, qu’il les remiſt en leurs biens terres & liberté premiere. Au contraire le Duc de Florence a eſté de luy receu tres honnorablement & à ſa prime venue l’Empereur ſortiſt au deuant de luy & poſt manus oſcula le fiſt conduire au chaſteau Capouan en ladicte ville ouquel eſt logée ſa baſtarde & fiancée audict Duc de Florence, par le Prince de Salerne viceroy de Naples marquis de Vaſt Duc d’Albe & aultres principaulx de ſa Cour : & là parlementa tant qu’il vouluſt auec elle la baiſa & ſouppa auecques elle. Depuis les ſuſdicts Cardinaulx Eueſque de Xainctes & Stroſſy n’ont ceſſé de ſolliciter. L’Empereur les a remis pour reſolution finale à ſa venue en cette ville. En la Rocqua qui eſt vne place forte à merueilles que ledict Duc de Florence a baſty en Florence au deuant du portail il a faict peindre vn Aigle qui a les aiſles auſſi grandes que les moulins à vent de Mirebalais comme proteſtant & donnant entendre qu’il ne tient que de l’Empereur. Et a tant finement procedé en ſa tyrannie que les Florentins ont atteſté nomine communitatis par deuant l’Empereur qu’ils ne veulent aultre Seigneur que luy. Vray eſt qu’il a bien chaſtié les foreſtiers & bannis. Paſquil a faict depuis n’agueres vn chantonnet ouquel il diſt à Strozzi pugna pro patria. A Alexandre Duc de Florence datum ſerua. A l’Empereur quæ nocitura tenes quamuis ſint chara relinque. Au Roy quod potes id tenta. Aux deux Cardinaux Saluiati & Rodolphe hos breuitas ſenſus fecit coniungere binos.

Mons. Au regard du Duc de Ferrare ie vous ay eſcript comment il eſtoit retourné de Naples, & retiré à Ferrare. Madame Renée eſt accouchée d’vne fille, elle auoit ia vne aultre belle fille aagée de ſix à ſept ans, & vn petit fils aagé de trois ans. Il n’a peu accorder auecques le Pape par ce qu’il luy demandoit exceſſiue ſomme d’argent pour l’inueſtiture de ſes terres, nonobſtant qu’il auoit rabattu cinquante mille eſcus, pour l’amour de ladicte Dame, & ce par la pourſuitte de Meſſieurs les Cardinaulx du Bellay & de Maſcon pour touſiours accroiſtre l’affection coniugale dudict Duc de Ferrare enuers elle. Et ce eſtoit la cauſe pour quoy Lion Iamet eſtoit venu en cette ville, & ne reſtoit plus que cent cinquante mil eſcus. Mais ils ne peurent accorder par ce que le Pape vouloit qu’il recogneuſt entierement tenir & poſſeder toutes les terres en feode ou ſiege Apoſtolique. Ce que l’aultre ne voulut & n’en vouloit recognoiſtre ſinon celles que ſon feu pere auoit recogneu & ce que l’Empereur en auoit adiugé à Boulogne par arreſt, du temps du feu Pape Clement. Auſſi departie re infecta & s’en alla vers l’Empereur lequel luy promiſt que à ſa venue il feroit bien conſentir le Pape venir au poinct contenu en ſondict arreſt & qu’il ſe retiraſt en ſa maiſon luy laiſſant ambaſſade pour ſolliciter l’affaire quand il ſeroit de par deca & qu’il ne payaſt la ſomme ia conuenue ſans ce qu’il fuſt de luy entierement aduerty. La fineſſe eſt en ce que l’Empereur a faulte d’argent & en cherche de tous coſtez, & taille tout le monde qu’il peult & en emprunte de tous endroits. Luy eſtant icy arriué en demandera au Pape, c’eſt choſe bien euidente, car il luy remonſtrera, qu’il a faict toutes ces guerres contre le Turc, & Barberouſſe pour mettre en ſeureté l’Italie & le Pape, & que force eſt qu’il y contribue. Ledict Pape reſpondra qu’il n’a point d’argent & luy fera preuue manifeſte de ſa pauureté. Lors l’Empereur ſans qu’il debourſe rien luy demandera celuy du Duc de Ferrare lequel ne tient que à vn Fiat. Et voila comment les choſes ſe iouent par myſteres. Toutesfois ce n’eſt choſe aſſeurée.

Mons. Vous demandez ſi le ſ. Pierre Loys Farneze eſt legitime fils ou baſtard du Pape Paul troiſ. Sachez que le Pape iamais ne fuſt marié c’eſt à dire que le ſuſdict eſt veritablement baſtard. Et auoit le Pape vne ſoeur belle à merueilles. On monſtre encores de preſent ou Palais en ce corps de maiſon ouquel ſont les Sommiſtes, lequel fiſt faire le Pape Alexandre, vne ymage de noſtre Dame, laquelle on dict auoir eſté faicte à ſon portraict & ſemblance. Elle fut mariée à vn gentilhomme couſin du Seigneur Rance lequel eſtant en la guerre pour l’expedition de Naples ledict Pape Alexandre la voyoit : ledict ſieur Rance, du cas acertainé en aduertiſt ſon dict couſin, luy remonſtrant qu’il nedeuoit permettre telle iniure eſtre faicte en leur famille par un Eſpagnol Pape, & ou cas qu’il l’enduraſt que luy meſme ne l’endureroit point. Somme toute il la tua. Duquel forfaict le Pape Paul troiſ. fiſt ſes doleances audict Pape Alexandre VI. Lequel pour appaiſer ſon grief & deuil le fiſt Cardinal eſtant encores bien ieune, & luy fiſt quelques aultres biens. Ouquel temps entretint le Pape une Dame Romaine de la caſe Ruffine de laquelle il euſt une fille qui fuſt mariée au ſ. Bauge conte de S. Fiore qui eſt mort en cette ville depuis que i’y ſuis : de laquelle il a eu l’un des deux petits Cardinaux, qu’on appelle le Cardinal de Saincte Flour. Item euſt un fils qui eſt ledict Pierre Louis que demandiez qui a eſpouſé la fille du Comte de Seruelle dont il a tout plein foyer d’enfans & entre aultres le petit Cardinalicule Farneſe qui a eſté faict vice chancellier par la mort du feu Cardinal de Medicis. Par les propos ſuſdict pouuez entendre la cauſe pour quoy le Pape n’aimoit gueres le Seigneur Rance & vice verſa ledict Rance ne ſe fioit en luy : pour quoy auſſi eſt groſſe querelle entre le ſ. Iean Paule de Cere fils dudict ſ. Rance & le ſuſdict Pierre Loys : car il veult vanger la mort de ſon ante. Mais quant à la part dudict ſ. Rance, il en eſt quitte : car il mourut le xie iour de ce mois eſtant allé à la chaſſe en laquelle il s’eſbatoit volontiers tout vieillard qu’il eſtoit. L’occaſion fuſt, qu’il auoit recouuert quelques cheuaulx Turcs des foires de Racana, deſquels en mena un à la chaſſe qui auoit la bouche tendre de force qu’il ſe renuerſa ſur luy & de l’arſon de la ſelle l’eſtouſſa, en maniere que depuis le cas ne veſquiſt point plus de demye heure. Ce a eſté vne grande perte pour les François & y a le Roy perdu vn bon ſeruiteur pour l’Italye. Bien dict on que ledict ſ. Iean Paule ſon fils ne le ſera pas moins à l’aduenir : mais de long temps n’aura telles experiences en faicts d’armes ny telle reputation, entre les Capitaines & ſoldats, comme auoit le feu bon homme. Ie vouldrois de bon cœur que Monſ. d’Eſtiſſac de ſes deſpouilles eut la Comté de Pontoiſe car on dict qu’elle eſt de beau reuenu. Pour aſſiſter es exeques & pour conſoler la marquiſe ſa femme. Monſ. le Cardinal a enuoyé iuſques à Ceres qui eſt diſtant de cette ville par xx milles, Monſ. de Rambouillet & l’Abbé de S. Nicaiſe qui eſtoit proche parent du deffunct. Ie croy que l’ayez veu en Court, c’eſt vn petit homme tout eſueillé qu’on appelloit l’Archidiacre des Vrſins, & quelques aultres de ſes Protenotaires. Auſſi a faict Monſ. de Maſcon.

Mons. Ie me remets à l’aultre fois que vous eſcriray pour vous aduertir des nouuelles de l’Empereur plus au long : car ſon entrepriſe n’eſt encores bien deſcouuerte. Il eſt encores à Naples, on l’attend icy pour la fin de ce mois & faict on gros appreſts pour ſa venue, & force arcs triumphaux. Les quatre mareſchaux de ſes logis ſont ia pieca en cette ville : deux Eſpagnols vn Bourguignon & vn Flamand. C’eſt pitié de veoir les ruines des Eſgliſes Palais & maiſons que le Pape a faict demolir & abattre pour luy dreſſer & applaner le Chemin. Et pour les frais du reſte a taxé & leué argent ſur le College de Meſſieurs les Cardinaulx, les Officiers Courtiſans, les artiſans de la ville iuſques aux aquarols. Ia toute cette ville eſt pleine de gens eſtrangers. Le cinq. de ce moys arriua icy par le commandement de l’Empereur le Cardinal de Trente Tridentinus, en Alemagne, en gros train & plus ſumptueux que n’eſt celuy du Pape. En ſa compagnie eſtoient plus de cent Alemans veſtus d’vne parure ſcauoir eſt de robbes rouges auec vne bande iaulne, & auoient en la manche droicte en broderie figuré vne iarbe de bled liée alentour de laquelle eſtoit eſcrit vnitas. I’entends qu’il cherche fort la Paix & appoinctemens par toute la Chreſtienté, & le Concile en tous cas. I’eſtois preſent quand il diſt à Monſ. le Cardinal du Bellay. Le Sainct Pere les Cardinaulx Eueſques & Prelats de l’Egliſe recullent au Concile & n’en veulent oyr parler quoy qu’ils en ſoient ſemonds du bras ſeculier mais ie voy le temps prez & prochain que les Prelats d’Egliſe ſeront contraincts le demander & les ſeculiers n’y voudront entendre. Ce ſera quand ils auront tollu de l’Egliſe tout le bien & patrimoine lequel ils auoient donné du temps que par frequens Conciles les Eccleſiaſtiques entretenoient paix & vnion entre les Seculiers. André Doria arriua en cette ville le troiſ. de cedict mois aſſez mal en poinct. Il ne luy fut faict honneurs quiconques à ſon arriuée ſinon que le ſ. Pierre Loys le conduit iuſques au palais du Cardinal Camerlin qui eſt Geneuois de la famille & maiſon de Spinola. Au landemain il ſalua le Pape, & partiſt le iour ſuiuant & s’en alloit à Genes de par l’Empereur pour ſentir du vent qui court en France touchant la guerre. On a eu icy certain aduertiſſement de la mort de la vieille Royne d’Angleterre & diſt on dauantage que ſa fille eſt fort malade. Quoy que ce ſoit la Bulle qu’on forgeoit contre le Roy d’Angleterre pour l’excommunier interdire & proſcrire ſon Royaume comme ie vous eſcriuois n’a eſté paſſée par le conſiſtoire à cauſe des articles de commeatibus externorum & commercijs mutuis. Auſquels ſe ſont oppoſez Monſ. le Cardinal du Bellay & Monſ. de Maſcon pour les intereſts du Roy qu’il y pretendoit. On l’a remiſe à la venue de l’Empereur.

Mons. Treſhumblement à voſtre bonne grace me recommande, priant noſtre Seigneur vous donner en ſanté bonne vie & longue. A Rome. Ce XV. de Feburier 1536.

Voſtre tres humble ſeruiteur,

Franc. Rabelais.

ranciscvs Rabelæſus Præſbiter dioceſis Turonen. qui iuuenis intrauuit religionem & ordinem fratrum Minorum & in eodem profeſſionem fecit & Ordines Minores & Maiores, etiam Præſbiceratus recepit & in eiſdem celebrauit multotiens. Poſtea ex indultu Clementis P. VII. & prædeceſſoris ueſtri immediati de dicto ordine fratrum Minorum tranſiit ad ordinem ſancti Benedicti in Eccleſia Cathedrali Malleacen. in eoque per annos plures manſit. Poſt modum ſine religionis habitu profectus eſt in Montempeſſulanum, ibidemque in facultate Medicinæ ſtuduit publicè legit per plures annos & gradus omnes etiam doctoratus ibidem in prædicta facultate Medicinæ ſuſcepit, & praxim, ibidem & alibi in multis locis per annos multos exercuit. Tandem corde compunctus adijt limina ſancti Petri, Romæ, & à Sanctitate ueſtra & à defuncto, Clemente Papa VII. ueniam apoſtaſiæ & irregularitatis impetrauit & licentiam adeundi ad præfectum ordinis ſancti Benedicti ubi beneuolos inueniſſet receptores. Erat eo tempore in Romana curia R. D. Ioannes Cardinalis de Bellayo Pariſienſis Epiſcopus & Abbas Monaſterij ſancti Mauri de Foſſatis ordinis prædicti ſancti Benedicti dioceſis Pariſienſis. Quem cum beneuolum inueniſſet rogauit ut ab eodem reciperetur in Monaſterium præfatum ſancti Mauri, quod factum eſt, poſtea contigit ut dictum Monaſterium auctoritate ueſtra erigeretur in decanatum fierentque Monachi illius Monaſterij Canonici. Hic factus eſt cum illis Canonicus prædictus orator Franciſcus Rabeleſus. Verum præfatus orator angitur ſcrupulo conſcientiæ propter id quod tempore quo data eſt a S. V. bulla erectionis predictus ipſe nondum receptus fuerat in monachum præfati Monaſterij ſancti Mauri licet iam receptus eſſet tempore executionis, & fulminationis eiuſdem & procuratorio nomine conſenſiſſet, tam his quæ circa prædictam erectionem facta fuerant, quàm his quæ poſtmodum fierent, cum tunc in Romana curia eſſet in comitatu præfati R. D. Cardinalis de Bellaio.

Supplicat ut per indultum S. V. tutus ſit tam in foro conſcientiæ quàm in foro contradictorio & alijs quibuſlibet de præfatis, perinde, ac ſi non receptus fuiſſet in dictum Monaſterium ſancti Mauri quamprimum & anteaquam obtenta fuit bulla erectionis eiuſdem in decanatum, & cum abſolutione.

Et quod eidem ualeant & proſint indulta quæcumque antea obtinuit à ſede Apoſtolica perinde, ac ſi. Et quod eidem ualeant Medicinæ gradus & Doctoratus, poſſitque praxim Medicinæ ubique exercere perinde, ac ſi de licentia ſedis Apoſtolicæ eoſdem ſuſcepiſſet.

Et quod Beneficia quæ tenet & tenuit cenſeatur obtinuiſſe & obtinere : poſſidere & poſſeſſiſſe, Canonicè & legitimè, perinde, ac ſi de licentia eiuſdem ſedis Apoſtolicæ ea obtinuiſſet.

Ego franciſcus Rabelæſus diocœſis Turonenſis ſuſcepi gradum doctoratus ſub D. Antonio Gryphio in præclara medicinæ facultate die vigeſima ſecunda menſis Maij. Anno domini milleſimo quingenteſimo trigeſimo ſeptimo.

Rabelaesvs.

Cuſtodes clauiuim, D. cancellarius, D. Ioannes Falco decanus, Dominus primus procurator, & D. iunior doctor Franciſcus Rabelæſus.

D. Franciſcus Rabelæſus pro ſuo ordinario elegit librum Prognoſticorum Hippocratis, quem græce interpretatus eſt.

svssanaevs

Ad Rabelæſum

Cum eſſec in monte Peſſulano.

Hubertus celſa medicoruni languet in urbe ;
Pharmaca languentem nulla iuuare queunt.
Tu potes : haud ullo, ni fallat opinio, morbo,
Eſt deſiderio languidus ille tui.
Fronte ſerenabis dulci, penituſque recedet
Qui toto mixtus corpore languor erat.

salmonivs macrinvs

Ad Franciſcum Rabelæſum

Chinonien. medicum peritiſſ.

Idem, Rablæſi, penè ſolum mihi eſt
Natale tecum : Iuliodunicis
Nam Chino uicinus nucetis
Contigua regione floret :
Aërque noſtris ciuibus ac tuis
Hauritur idem, parque ſerenitas.
Par ruris uligo beati,
Morum eadem quoque lenitudo.
Natalis agri concilians tibi
Vicinitas me, iungit amabili
Vinclo, ſed impenſe tuarum
Vis ſociat mage litterarum.
Chinonienſes inter enim tuos
Vnus, Rablæſi, es, cui Deus, & fauens
Natura, doctrinam elegantem
Non neget, atque ſales acutos :
Vnus lepores cui ſimul Atticos
Et circularis dona peritiæ
Dilargiatur, florulentam &
Cognitionem utriuſque linguæ.

Artem ut medendi præteream, & tibi
Sudore multo parla mathemata,
Quid Luna, quid ſtellæ minentur,
Quid rapidi facies planetæ.
Tu non Galeno Pergamæo minor,
Multos ab atris faucibus eximis
Lethi propinquantis, tuaque
Depoſitos opera focillas.
Quid quæque radix herbaue conferat,
Vngues, tenes, & non ſecus ac tuos,
Famamque lucraris perennem
Arte leuans genus omne morbos.
Teſtes tuarum Pariſij artium,
Teſtiſque Narbo Martius, atque Atax,
Et dite Lugdunum, penates
Sunt tibi ubi, placidæque ſedes.

stephani doleti

Ad Franciſcum Rabelæſum

De Garo ſalſamento

carmen.

Tuo ingenio, Rabelæſe, Garum ſalſamentum
Aetate ab antiqua reductum eſt. Iam noſtris,
Marote, uerſibus celebretur animoſè,
Quando palatum utrique noſtrum tant bellè
Irritat, & ſtomachum recreat tam odorato
Sapore. Res tam grata non eſt reticenda.

De Garo item

carmen.

Quod Medici quondam tanti fecere priores
Ignocum noſtris, en tibi mitto Garum.
Vini addes acidi, quantumuis, quantum olei uis :
Sunt, quibus eſt oleo plus ſapidum bucyrum,

Deiectam, aſſiduus Libris dum incumbis, orexim
Nulla tibi melius pharmaca reſituent.
Nulla & Aqualiculi mage detergent pituitam :
Nulla aluum poterunt ſoluere commodius.
Mirere id potius, quantumuis dulcia ſumpto
Salſamenta Garo nulla placere tibi.

carmen.

Cuiuſdam Epitaphium,
qui exemplo edito ſtrangulatus,
publico poſteà ſpectaculo Lugduni ſectus eſt,
Franciſco Rabelæſo Medico doctiſſimo fabricam
corporis interpretante.

Stygem paludem, & quicquid ater Orcus habet,
Fortuna iurarat furens,
Damnum mihi omne ſe reperturam, & probrum.
Quod dum ſtudet, atque nititur,
Et uiribus totis ſuum in me dirum odium
Explet, ſaturatque, ut collibitum eſt :
Tibi ecce, puncto temporis claudor carcere :
Educor, & laqueo miſer
Mox ſtrangulatus pendeo. At quid non poteſt
Fati impenum contrarij ?
Vt temporis puncto perieram turpiter,
Pari celeritate aſſequor,
Quod uix liceat cuiquam à Ioue ſummo poſcere.
Spectaculo lato expoſitus

Secor : Medicus doctiſſimus planum facit,
Quàm pulchrè, & affabre, ordineque
Fabricata corpus eſt hominis rerum Parens.
Sectum frequens circunſpicit
Corona, miraturque molem corporis
Tanto artificio conditi.
Quare quid agat potius, quàm ad extenſum laqueum
Fortuna frendens conuolet,
Et morte finem odio ſemel quærat ſuo,
Non inuidia diutius
Rumpenda ? Totus ad extremum cumulor
Honoribus, circunfluoque
Iam gloria, quem Monſtrum atrox uoluit rapidis
Coruis cibum eſſe, & flantibus
Ludibrium uentis. Furat Sors, iam furat :
Honoribus circunfluo.

nicolai borbonii

Ad Rabelæſum

carmen.

Iam rarò Lateranus, & Maïnus,
Occurrunt mihi, Sangelaziuſque :
Nempe, urgentibus, auliciſque rebus
(Vt ſunt tempora) ſeriò occupati :
At tu, mi Rabelæſe, quando abire
Certum eſt, quò mea me uocat uoluntas,
Quò fatum potius uocat, trahitque,
Ilis nomine die meo ſalutem.

A Monſ. le Bailliuf du Bailliuf des Bailliufs,

mons. m. antoine hvllet,

Seingneur de la Court Pompin, en Chreſtianté.
A Orleans.

e Pater Reuerendiſſime, quomodo bruſlis, quæ noua ! Pariſius non ſunt oua ! Ces paroles propoſees deuant vos Reuerences, tranſlatees de Patelinois en noſtre Vulgaire Orleanois valent autant à dire comme ſi ie diſois, Monſ. vous ſoiés de treſbien reuenu des Nopces, de la Feſte, de Paris. Si la Vertu de Dieu vous inſpiroit de tranſporter voſtre Paternité iuſques en ceſtui Hermitage, vous nous en raconteriés de belles. Auſſi vous donneroit le S. du lieu certaines eſpeces de poiſſons carpionnés leſquels ſe tirent par les cheueux. Or vous le ferés, non quand il vous plaira, mais quand le vouloir vous y apportera de cellui Grand Bon Piteux Dieu, lequel ne crea onques le Kareſme, oui bien les Salades, Harancs, Merlus, Carpes, Brochets, Dars, Vmbrines, Ablettes, Rippes, &c. Item les bons vins, ſingulierement cellui de ueteri iure enucleando, lequel on garde ici à voſtre venue, comme vn ſang greal, & vne ſeconde voire quinte eſſence. Ergo ueni, Domine, & noli tardare, i’entens, ſaluis ſaluandis, id eſt, hoc eſt, ſans vous incommoder ne diſtraire de vos affaires plus vrgens.

Monſieur, apres meſtre de tout mon cœur recommandé à voſtre bonne grace, ie prierai noſtre Seingneur vous conſeruer en parfaite ſanté. De ſaint Ay ce premier iour de Mars.

Voſtre humble Architriclin & Ami

Franc. Rabelais Medecin.

Monſ. leſleu Pailleron trouuera ici mes humbles recommandations à ſa bonne grace, auſſi à Madame leſleue & à Monſ. le bailliuf Daniel & à tous vos autres bons Amis & à vous. Ie prierai Monſ. Le Seeleur menuoier le Platon, lequel il mauoit preſté. Ie luy renuoierai bien toſt.

Veniſe, le 23 iuillet 1540.

e ne vous eſcripuis point dernierement tant pour la preſſe que i’auois que auſſi pour ce que ne auois receu aucune lettre de vous ne ſcaurois argument meritant vous faire entendre. Ce neammoins, pour m’entretenir touiours que puiſſions auoir nouuelles l’vn de l’autre, n’ay point vouleu diſcontinuer de vous eſcrire, & pour n’auoir a preſant meilleure matiere vous ay bien vouleu aduertir de ce que nous auons icy touchant certaine conſultation qui me ſemble appartenir pour voſtre profeſſion & ſuffyence a vous. C’eſt que monſ. Philippus Saccus preſidant de Milan a mandé icy & a Boulogne a conſulter aux colleges des docteurs ſi vne fille que luy eſt née eſt ſienne, & eſt pour vuiure & ſi doibt eſtre tenue pour legitime : & ce d’autant que du 1539 le xx6 d’octobre a quatre heures de nuit auant la pleine lune ſe aſſembla la premiere fois auecque elle : or du 1540 le XIII d’auril ſa dicte femme luy a faict vna picta piche. Se diſputa ſi ceſt enfantement eſt de ſept mois & s’il eſt pour vuiure & eſt legitime. Tous les docteurs ſe trauaillent, mais en ſomme quaſi la plus grande partie ſi incline a l’opinion qu’elle ne ſoit point de ſept mois. Par quoy ne pourroit ſuruuiure, & aduenant d’auanture quelle ſurueſquit ne l’eſtimeroit point legitime ne de ſept mois ains de neuf a la barbe del ſignor preſidente à Boulogne. Sont encores ceux qui attendent la reſolution du dict college, ce neanmoins certains icy treuuent, tant pour la raiſon d’Hipocrates comme des anciens & de Pline, que ceſt enfantement peut arriuer au ſemeſtre & par conſequent eſtre vital & legitime, & tous leurs fondemens ſont que les anciens, non ſeulement Hebrieux mais Arabes & Caldeens, content leurs mois ſelon le cours & peregrination de la lune & ſelon icelle conſiderent le temps de l’enfant, de ſorte que toutes & quantesfois que a vng enfantement ſe trouuoient ſept lunes ils le tenaient pour ſepmeſtre, comme ſe peut voir par ce que Pline en eſcript en ſon libure ſeptieſme au chapitre 5, & en Hipocrates au libure de ſemeſtre parle nonobſtant que le dict libure ſoit corrompu en ce lieu la & par ainſi mal traduit par monſ. Labro de Vauena. Ie aurois bien a plaiſir que vous m’en mandiſſiés voſtre aduis, d’autant que la choſe de ſoy meſmes eſt digne d’eſtre examinée, & le ſieur mente bien que tous les ſeruiteurs du Roy luy diſent le proficiat tout ainſi qu’il a merité & eſt affectionné de ſa maieſté.

PELISSIER, Eueque de Maguelonne, Ambaſſadeur de François I à Veniſe.

Veniſe, le 17 octobre 1540.

Pour n’auoir point receu lettres de vous depuis que vous ay eſcript, & auſſi a vous dire la verité, pour la preſſe & occupation que ie eue faiſant la derniere depeſche a Thurin, n’eus bonnement loiſir de vous eſcripre. Si eſt ce toutefois que ſi i’euſſe eu choſe digne de vous faire ſcauoir n’euſſe demeuré pour rien du monde a vous le faire entendre, & a preſent mandant le porteur de ceſtes mon maiſtres d’hoſtel iuſques au pays pour mes affaires, ne l’ay vouleu laiſſer paſſer ſans vous preſenter mes bonnes & affectueuſes recommandations & faire offre que n’eſpargnés aucunement tout ce que cognoiſtrés eſtres commode en ma maiſon tant pour monſieur de Langey que pour vous, car en donnant charge il a commiſſion de moy de l’accomplir, & pareillement de vous dire de ma part quelques propos touchant le gentilhomme M Antonio Terzo, duquel depuis la bonne eſperance qu’il vous pleut m’en donner laquelle luy fis entendre, m’a ſollicité grandement de luy en donner la totale reſolution, & de faict, ainſi que i’ay entendu d’autres que de luy, il a delaiſſé depuis de beaux partis auſquels n’a vouleu entendre iuſques a ce qu’il ayt eu reſponſe de monſeigneur de Langey & de vous : laquelle ie vous prie me faire ſcauoir le pluſtot qu’il vous ſera poſſible, & m’eſbahis bien que nous ſommes ſi longuement ſans auoir aucunes nouuelles de vous, dont ie ſuis entré en doubte que n’ayés quelque indiſpoſition que Dieu ne veuille. Derrechef ie vous recommande ceſt affaire, car ce me ſera, entre les autres obligations que i’ay a monſieur de Langey & a vous y l’vne des plus grandes, ainſi que vous dira led. porteur. Quand aux nouuelles de deca, il n’y a autre ſinon que Martin & moy auecques quatre autres collateurs ſommes tous les ſoirs apres a recouurer libures grecs & meſmement des œuures de Galien, les meilleures comme vous ferai entendre, mais que les ayans paracheués ſuiuant ce que monſieur de Thulles m’a derniſrement eſcript par commandement de Sa Maieſté, & pour ce faire a ordonné qu’il ſera baillé quelque prouiſion, ie ne ſcay quelle ſera, mais ſi eſt il que auecques la deſpence qu’il faut faire pour faire tranſcrire libures, ſe montent a peu pres autant que ma deſpenſe ordinoire. Si ne ſuis ie encores pour quitter le ieu, quelque auancement que ie y face, tant que ie trouueray moien par moy & mes amys que ie n’aye auancé plus : ie attands voſtre reſponſe & prie le Createur &c.

PELISSIER, Eueque de Maguelonne, ambaſſadeur de François I à Veniſe.

Veniſe, le 20 mars 1541.

Monſieur, ie penſe que aurés veu le libure d’vne bonne partie des oraiſons de Cicero que Meſſire Paulo Mannucio a corrigées fort diligemment, lequel, comme aurés peu voir par mes lettres & auſſi par icelluy libure en decoration & exaltation de Monſeigneur de Langey, lui a deſiré & enuoyé, ſur quoy le dict ſieur m’a faict reponſe l’en remerciant fort affectionnement & que bientoſt aurait de ſes nouuelles plus amplement, & auſſy qu’il enueyeroit au ſieur Aſilanus la charette & les iumens que luy auoit promiſes, auſquels ay faict entendre le tout & monſtré ſes lettres, dont depuis ſe ſont enquis de moy pluſieurs fois s’en auois rien entendeu autre choſe : ie n’ay ſeu que leur reſpondre, ſi non que ay exceuſé que l’indiſpoſition que a eue mon dict ſieur de Langey & grands affoires qu’il a ordinairement ont eſté cauſe que mon aduis n’a eu loiſir de le foire, mais que i’eſperois bien que ie ne pourrais guieres tarder que ne euſſions de ſes nouuelles quand a ceſt affoire : par quoy ie vous prie que, quand vous viendra a propos, afin qu’ils ne penſent plus que on les ayt mis en oubly ou autrement laiſſés en arriere, d’en recorder Monſieur de Langey & vous ſouuenir de m’enuoyer les plantes qu’il m’a donné eſperance que me debrés enuoyer auecque la charette du dict ſieur Aſilanus & de mon comte ie ne faudroy auſſy a vous enuoyer des nouueautés de deça quand il m’en viendra entre mains, comme dernierement ie fis de l’amouron & de l’origano heracleacico de Candia. Ie ſuis touiours apres a faire tranſcripre libures grecs, & continueray pendant que i’en trouueray qui en ſoient dignes, de ſorte que i’eſpere en foire vne auſſi bonne prouiſion que nul de mes predeceſſeurs quy ait eſté icy parlez deuant le Createur, lequel, apres m’eſtre recommandé a voſtre bonne grace, prieray vous donner en ſanté bonne & longue vie.

PELISSIER, Eueque de Maguelonne, ambaſſadeur de François I à Veniſe.

rancoys par la grace de Dieu Roy de France, au Præuoſt de Paris, Bailly de Rouen, Seneſchaulx de Lyon, Tholouſe, Bordeaulx, & de Poictou, & a tous noz Iuſticiers, & officiers, ou a leurs Lieutenans, & a chaſcun d’eulx ſi comme a luy apartiendra ſalut. De la partie de noſtre aimé & feal maiſtre Françoys Rabelais docteur en Medicine de noſtre Vniuerſité de Montpellier, nous a eſté expoſé, que icelluy ſuppliant ayant par cy dauant baillé a imprimer pluſieurs liures, meſmement deux volumes des faictz & dictz Heroïcques de Pantagruel, non moins vtiles que delectables, les Imprimeurs auroient iceulx liures corrumpu & peruerty en pluſieurs endroictz, au grand deplaiſir & detriment dudict ſuppliant, & præiudice des lecteurs, dont ſe ſeroit abſtenu de mectre en public le reſte & ſequence des dictz faictz & dictz Heroïcques. Eſtant toutesfoys importuné iournellement par les gens ſcauans & ſtudieux de noſtre Royaulme & requis de mectre en l’vtilité comme en impreſſion la dicte ſequence : Nous auroit ſupplié de luy octroyer priuilege a ce que perſonne n’euſt a les imprimer ou mectre en vente fors ceulx qu’il feroit imprimer par libraires exprés, & aux quelz il bailleroit ſes propres & vrayes copies. Et ce pour l’eſpace de dix ans conſecutifz, commancans au iour & dacte de l’impreſſion de ſes dictz liures. Pour quoy nous ces choſes conſiderées deſirans les bonnes letres eſtre promeues par noſtre Royaulme a l’vtilité & erudition de noz ſubiectz, auons audict ſuppliant donné priuilege, congé, licence, & permiſſion de faire imprimer & mectre en vente par telz libraires experimentez qu’il aduiſera, ſes dictz liures & oeuures conſequens, des faictz Heroïcques de Pantagruel, commancans au troiſieſme volume, auec pouoir & puiſſance de corriger & reuoir les deux premiers par cy dauant par luy compoſez : & les mectre ou faire mectre en nouuelle impreſſion & vente, faiſans inhibitions & deffences de par nous ſur certaines & grands peines, confiſcation des liures ainſi par eulx imprimez, & d’admende arbitraire a tous imprimeurs & aultres qu’il appartiendra de non imprimer & mectre en vente les liures cy deſſus mentionnez, ſans le vouloir & conſentement dudict ſuppliant dedans le terme de ſix ans conſecutifz, commancans au iour & dacte de l’impreſion de ſes dictz liures, ſur poine de confiſcation des dictz liures imprimez, & d’admende arbitraire. De ce faire vous auons chaſcun de vous ſi comme a luy apartiendra donné, & donnons plein pouoir, commiſſion & auctorité, mandons & commandons a tous noz iuſticiers, officiers & ſubiectz, que de noz præſens congé, priuilege, & commiſſion, ilz facent, ſeuffrent, & laiſſent iouyr & vſer le dict ſuppliant paiſiblement, & a vous en ce faiſant eſtre obey. Car ainſi nous plaiſt il eſtre faict. Donné a Paris, le dixneufieſme iour de Septembre, l’an de grace, Mil cinq cens quarante cinq, & de noſtre regne le xxxi. Ainſi ſigné par le conſeil Delaunay. Et ſeellé ſur ſimple queue de cire iaulne.

onseignevr. Si venant icy dernierement Monſ. de ſainct Ayt euſt eu la commodité de vous ſaluer a ſon partement ie ne fuſſe de preſent en telle neceſſité & anxieté comme il vous pourra expoſer plus amplement car il me affermoit que eſties en bon vouloir de me faire quelque aulmoſne aduenant quil le treuuaſt homme ſeur venant de par deça. Certainement Monſeigneur ſi vous ne aués de moy pitié ie ne ſache que doibue faire, ſi non en dernier deſeſpoir me aſſeruir a quelqun de pardeça auec dommage & perte euidente de mes eſtudes. Il n’eſt poſſible de viure plus frugallement que ie fays, & ne me ſcauriés ſi peu donner de tant de biens que dieu vous a mis en main que ie n’eſchappe en viuotant & me entretenant honeſtement comme i’ay fayt iuſques à preſent pour lhonneur de la maiſon dont ieſtois iſſu a ma departie de France. Monſeigneur ie me recommande tres humblement a voſtre bonne grace & prie noſtre ſeigneur vous donner en parfaicte ſanté tres bonne & longue vie.

De Metz ce 6 de feurier.

Voſtre tres humble ſeruiteur.

Francois Rabelais medecin.

La. Sciomachie & fe-