Lettres · 39

PARLEMENT DE PARIS.

Defences de vendre & expoſer
dedans quinzaine
le quatrieſme liure de Pantagruel.

Du Mardy premier Iour de Mars
mil cinq cens cinquante vng [1552].

vs la remonſtrance & requeſte faicte ce iourdhuy en la court par le procureur du Roy, à ce que pour le bien de la foy & religion, & actendu la cenſure faicte par la Faculté de theologie contre certain liure nagueres expoſé en vente, ſoulz le tiltre du quatrieſme liure de Pantagruel, auec priuilege du Roy, la matiere miſe en deliberation & apres auoir veu ladicte cenſure.

La Court a ordonné que le libraire ayant mis en impreſſion ledict liure ſera preſentement mandé en Icelle. Et luy ſeront faictes defences de vendre & expoſer ledict liure dedans quinzaine, pendant lequel temps ordonne la court audict procureur general du Roy de aduertir ledict ſeigneur de la cenſure faicte sur ledict liure par ladicte Faculté de theologie, & luy en enuoyer vng double, pour ſur ce ſon bon plaiſir entendu eſtre ordonné ce que de raiſon. Et ledict libraire mandé luy ont eſté faicts leſdictes defences, ſur peine de punition corporelle.