XVIII. - XIX.

Item, je laisse à ce jeune homme, René de Montigny, troys chiens; Aussi à Jehan Raguyer, la somme De cent frans, prins sur tous mes biens; Mais quoy! Je n'y comprens en riens Ce que je pourray acquerir: On ne doit trop prendre des siens, Ne ses amis trop surquerir.

Item, au seigneur de Grigny Laisse la garde de Nygon, Et six chiens plus qu'à Montigny, Vicestre, chastel et donjon; Et à ce malostru Changon, Moutonnier qui tient en procès, Laisse troys coups d'ung escourgon, [P. 13] Et coucher, paix et aise, en ceps.