X. RONDEL.

Quelque chose qu'Amours ordonne, Force m'est que vous habandonne Pour pourchasser ailleurs mon bien; Car, sur ma foy, je congnois bien Que vous m'estes pire que bonne.

Trop a de cueur qui vous en donne: Pour ce jà Dieu ne me pardonne Se vous avez jamais le mien, [P. 139] Quelque chose qu'Amours ordonne.

Si n'aymeray je jà personne Que vous, quoy que l'on me sermonne, En tout ce monde terrien; Mais maintenant je n'en fais rien, Et sers selon qu'on me guerdonne. Quelque chose qu'Amours ordonne, Force m'est que vous habandonne.