IX. - X.

Et douze beaulx enfans, tous masles, Veoir, de son très cher sang royal, Aussi preux que fut le grand Charles, [P. 24] Conceuz en ventre nuptial, Bons comme fut sainct Martial. Ainsi en preigne au bon Dauphin; Je ne luy souhaicte autre mal, Et puys paradis à la fin.

Pour ce que foible je me sens, Trop plus de biens que de santé, Tant que je suys en mon plain sens, Si peu que Dieu m'en a presté, Car d'autre ne l'ay emprunté, J'ay ce Testament très estable Faict, de dernière voulenté, Seul pour tout et irrévocable: