XX. - XXI.

Quand l'empereur eut remiré De Diomedès tout le dict: «Ta fortune je te mueray, «Mauvaise en bonne!» ce luy dit. Si fist-il. Onc puis ne mesprit A personne, mais fut vray homme; Valère, pour vray, le rescript, Qui fut nommé le grand à Romme.

Se Dieu m'eust donné rencontrer Ung autre piteux Alexandre, Qui m'eust faict en bon heur entrer, Et lors qui m'eust veu condescendre A mal, estre ars et mys en cendre Jugé me fusse de ma voix. Nécessité faict gens mesprendre, Et faim saillir le loup des boys.