XXXII. - XXXIII.

Bons vins ont, souvent embrochez, Saulces, brouetz et gros poissons; Tartres, flans, oeufz fritz et pochez, [P. 31] Perduz, et en toutes façons. Pas ne ressemblent les maçons, Que servir fault à si grand peine; Ils ne veulent nulz eschançons, Car de verser chascun se peine.

En cest incident me suys mys, Qui de rien ne sert à mon faict. Je ne suys juge, ne commis, Pour punyr n'absouldre meffaict. De tous suys le plus imparfaict. Loué soit le doulx Jésus-Christ! Que par moy leur soit satisfaict! Ce que j'ay escript est escript.