XLVII. - XLVIII.

Ceste leçon icy leur baille La belle et bonne de jadis; Bien dit ou mal, vaille que vaille, Enregistrer j'ay faict ces ditz Par mon clerc Fremin l'estourdys, Aussi rassis que je pense estre... S'il me desment, je le mauldys: Selon le clerc est deu le maistre.

Si apercoy le grand danger Là où l'homme amoureux se boute... Hé! qui me vouldroit laidanger De ce mot, en disant: «Escoute! Se d'aymer t'estrange et reboute Le barat de celles nommées, Tu fais une bien folle doubte, Car ce sont femmes diffamées.