LVII. - LVIII.

Abusé m'a, et faict entendre Tousjours d'ung que ce fust ung aultre; De farine, que ce fust cendre; D'ung mortier, ung chapeau de feautre; [P. 48] De viel machefer, que fust peaultre; D'ambesas, que ce fussent ternes... Toujours trompant ou moy ou aultre, Et vendoit vessies pour lanternes.

Du ciel, une poisle d'arain; Des nues, une peau de veau; Du matin, qu'estoit le serain; D'un trongnon de chou, ung naveau; D'orde cervoise, vin nouveau; D'une truie, ung molin à vent; Et d'une hart, ung escheveau; D'un gras abbé, ung poursuyvant.