XCV. - XCVI.

Item, à Jehan Raguyer je donne, Qui est sergent, voir des Douze, Tant qu'il vivra, ainsi l'ordonne, [P. 63] Tous les jours une talemouze, Pour brouter et fourrer sa mouse, Prinse à la table de Bailly; A Maubuay sa gorge arrouse, Car à manger n'a pas failly.

Item, donne au prince des Sotz Pour ung bon sot Michault du Four, Qui à la fois dit de bons motz Et chante bien: Ma doulce amour! Avec ce, il aura le bonjour. Brief, mais qu'il fust ung peu en poinct, Il est ung droit sot de séjour, Et est plaisant où il n'est point.