CXLIII. - CXLIV.

Item, ne sçay que à l'Hostel-Dieu Donner, n'aux povres hospitaulx; Bourdes n'ont icy temps ne lieu, Car povres gens ont assez maulx. Chascun leur envoye leurs os. Les Mandians ont eu mon oye; Au fort, ilz en auront les os: A menues gens menue monnoye.

Item, je donne à mon barbier, Qui se nomme Colin Galerne, Près voysin d'Angelot l'Herbier, Ung gros glasson... Prins où? En Marne, Affin qu'à son ayse s'yverne. De l'estomach le tienne près. Se l'yver ainsi se gouverne, Il n'aura chault l'esté d'après.