CLXXXIV. — Paris, a8 mai

Rémission à Jean Rippes, archer de la garnison anglaise de Cherbourg, qui s'est pris de querelle, à Valognes, avec un de ses compatriotes nommé Jean Le Painteur, dont il avait enlevé la femme^ et l'a frappé mortellement de plusieurs coups de dague ou d*épée. (JJ 174, n. 157, fol. 66 reao.)

Henry, etc.. Savoir faisons, etc., nous avoir oye Tumble supplicacion de Jehan Rippes, archier, natif de nostre royaume d'Angleterre, contenant comme, puis un an ença, il se feust parti de Chierebourg, oti il est demourant, pour aler a Valoignes par devers noz viconte et receveur audit lieu pour aucunes besongnes et affaires a lui enchargées dire et fere de par nostre amé et féal Robert de Hungerfford chevalier ( i ). Lui estant auquel lieu de Valoignes, il eust rencontré par cas d'avanture, en alant son chemin d^entre Tostel d^un surnomé le Gouppil, barbier, un Anglois nommé Jouhan le Painteur, de la viconté de Cornouaille, oudit pais d^Angleterre. Lequel le Painteur, par traison et grant faulseté, fist ja pieça escrire certaines faulses lettres closes adreçans a la femme d^icelui suppliant, contenant en effect que, durant le temps qu'il estoit ou service de feu nostre très chier sei* gneur et père le Roy d^Angleterre, cui Dieu pardoint,

(i) Ce personnage, vraisemblablement parent de Wautier de Hongerford, chevalier, capitaine de Cherbourg, dont le nom revient si souvent dans les documents de l'époque, est mentionné dans le Compte de Pierre Surreau pour l'année 1428-1429, analysé par M. de Beaurepaire : il est rangé parmi les gentilshommes anglais qui furent détachés au siège d*Orléans ; il y commanda i S hommes d*armes, lui compris, et 47 archers à cheval. Il était mort à Tépoque de la vérification du Compte, à une date que nous ignorons. (Beaurepaire, De VAdmin, de la Normandie, p. 58.)

tant audit Heu de Chierebourg que ailleurs, il estoit aie dévie a trespassement. Soubz umbre duquel faulx et mauvais donner a entendre et autres soubztives et deceptives paroles, après la reddicion dudit lieu de Chierebourg, eust tant fait que icele femme se feust consentie qu^il eust sa compaignie charnele, et depuis Tait tenue l'espace de dix ans ou environ et en fait son plaisir et voulenté, tant audit lieu de Valoignes que ailleurs, publiquement et es présences de pluseurs gens tant nobles AngloiSv Normans que autres. Et encores non contens de ce, en'soy moquant derridant dudit suppliant, et pour foller son bien et honneur, et de sadicte femme, s^est vanté et dit en pluseurs lieux qu^il avoit fait un bon tour a Tun des archiers de Chierebourg, surnomé Rippes, et que tantost après ce qu'il avoit esté passé ou service de nostredit feu père et en sa compaignie, il avoit par bons et soubtifs moiens subtraitte audit Rippes suppliant sadicte femme, et si avoit avec ce une grant partie de ses biens, et en oultre avoit eu sa compaignie charnele tout a son aise, en disant sur ce moz très deshonnestes non redtables. Et il soit ainsi que ledit suppliant et ledit le Painteur, ainsi eulx raencontrez et assemblez, eussent eu grans paroles entre eulx, et tant que ledit le Painteur, persévérant tousjours en son mauvais et oultrageux vouloir et couraige, eust, tout le premier et avant que icelui suppliant lui atouchast, donné deux grans cops d^un grant baston qu'il portoit, Tun sur le bras dextre et Tautre sur la jambe; et tantost après sacha sa dague et d'icele frapa telement sur icelui suppliant qu^i lui fendi la bouche et copa ou rompi les lèvres. Pour quoi il, soy voiant ainsi mutilé et affolé, et que, s'il ne se revenchoit ou defendoit, ledit le Painteur Teust tué ou mis en tel estât que de ce eust esté avanture se jamais en feust eschappé, en soy

revencbant et meu de grant courage, tant pour le cas et traison dessusdiz que pour sauver sa vie, se feust mis ea deffense, telement qu'il eust fait cbeoir a terre ledit le Painteur et lui eust donné pluseurs cops et collées tant d'espée que de dague, a Toccasion desquelz il feust et soit assez tost après aie de vie a trespassement . . . Si donnons en mandement au bailli de Coustantin. . . Donné a Paris, le xxviijc jour du mois de may, l'an de grâce mil quatre cens et XXVI 11 et de nostre règne le sixiesme. Ainsi signé : Par le Roy, a la relacion de mons. le Régent le royaume de France, duc de Bedford. Parker.