CCII. — • Paris, 26 décembre
Rémission à Jean le Barbey laboureur du Mesnil" Verclives, pour avoir tué un homme cTarmes anglais, qui voulait lui enlever la meilleure des juments attelées à sa charrue, et s*étre mis ensuite au service de partie sans français, qui Pont emmené dans leurs expéditions. (JJ 175, n. 35, fol. i3 reao.)
Henry, etc., Savoir faisons, etc., nous avoir receu Tumble supplicacion des parens et amis charnelz de Jehan le Barbé, povre jeune homme de labour, aagié de xxij ans ou environ, chargié de femme eten&ins, nagaires demourant au Mesnil-soubz-Varclive (i), en la chastellenied^Andcly, contenant comme, environ la Magdelaine derrain passée ot un an (2), ledit Barbé feust aie mener sa charrue vers les parties du grant chemin de Gisors. Et tantost après qu'il ot commancié a labourer, vint a lui un compaignon qu'il ne congnoissoit ne de quelle langue il estoit, forsqu^il suppose qu'il estoit de la nacion d'Angleterre, pour ce qu^il ne parloit pas droictement françois et aussi qu'il s'estoit parti dudit chemin d'une compaignie d^Anglois pour venir a lui. Lequel compaignon, nonobstant qu^il feust bien monté, eust prins et descellé la meilleur de ses jumens, sans laquele il nVust peu labourer. Pour laquele cause, ledit Barbé, veant qu^il
(i) Le Mesnil-Verclives, Eure, arr. des Andelys, cant. de Fleury-sur-Andelle .
(a) 32 juillet 1430.
estoit exillié et destruit sMl perdoit sadicte jument, se feust mis en fait de suir ledit compaignon jusques a un passage ou bonne ville, en espérance qu'il peust ravoir icele jument. Lequel compaignon lui eust ditqu*il ne le poursuist point et que sMl ne retournoit, il le tueroit. Et, pour ce que ledit Jehan Barbé, perseveroit tousjours a la poursuite, icelui compaignon retourna sur lui, tira son espée et d^ icele le fery pluseurs horions de taille a sang et a plaie. Lequel Barbé, pour eschever a son povoir qu^il ne le tuast, s>n couru et retourna le courant droit a sa charrue, et d'icele se targa au mieulx qu'il pot, afin que ledit compaignon, qui estoit a cheval, ne le ferist plus. Lequel compaignon, veant que bonnement ne le povoit ferir a son plaisir, lui estant sur son cheval, mist pié a terre et vint contre lui pour le tuer et murdrir. Mais ledit Barbé, pour eschever la mort, s'aproucha hastivement de lui et Fembrassa par le corps, afin qu^il ne lui feist mal de ladicte espée, et tant tira contre lui qu*il lui osta sadicte espée, et s'en print ledit Barbé a courir atout ladicte espée, pour eschever qu^il ne lui feist plus mal. Lequel compaignon print a courir après. Et quant ledit Barbé vit qu*il approuchoit de lui, doublant que, se plus le povoit tenir, qu*il ne le tuast, en s^en fuiant getta arrière main deux ou trois horions d*icele espée, dont il fery ledit compaignon, telement que, pour occasion de ce, icelui compaignon ala tantost de vie a trespassement. Et ledit Barbé se retray sur sadicte jument au plus tost qu'il poult droit a la ville, et fu poursuy d'un home d'armes, qui se disoit maistre dudit compaignon, lequel le actaigny et lui donna un horion ou deux de son espée ; mais pour ce qu'il le vit ainsi plaie et navré, non sachant que ledit compaignon feust mort, le laissa aler. Et se retray icelui Barbé es bois, et, pour occasion duditcas, se absenta et ne
se osa monstrer ne veoir au pais, et se retray es parties du pais de Caux, où il fu par aucun temps, gangnant sa vie a labourer de la peine de son corps. Mais pour ce qu'il se doubta quMl ne feust congneu, pour ce que au lieu où il demouroit repairoient pluseurs Anglois, et mesmes des gens de sa congnoissance, se mist a chemin a s*en aler vers les parties de Chartres, en intencion de y gangnier sa vie a labourer. Et en alant son chemin, fu rencontré par pluseurs brigans et autres noz ennemis et adver s er e s vers les parties de Beu (i ), et fu prins prisonnier et le tindrent par certain temps au bois et le vouldrent mectre a finance. Et pour eschever les contrainaes qu'ilz lui foi* soient et vouloient fere, leur compta le cas de sa fortune. Et après fu par eulx exoné et contrainct a les servir et s'en aler avec eulx. A laquele chose, simplement et parce qu^il ne savoit que fere, se accorda, et depuis a esté en la compaignie de nosdis ennemis a Beauvais et ailleurs, avec iceulx esté a pluseurs destrousses et a quérir et demander pluseurs appatiz pour le maistre qu'il servoit et autres, dont il n'a que poy ou néant admendé, sinon seulement d^avoir povrement sa vie. Et puis nagaires, veant riniquité et maie vie d'iceulx ennemis, repentant des cas par lui commis, s*est d^eulx départi et retrait vers les parties de sa nacion, en ferme propos que jamais pour quelque chose ne retournera en leur compaignie et se tient et demuce en lieux solitaires en nostre obéissance, dont il ne s'oseroit bougier pour double de rigueur de justice. . . En faveur de sesdicte femme et enfans et a nostre joyeux advenement, sacre et couronnement de France en nostre bonne ville de Paris... Bidonnons en mandement par
(i) Peut-être Bus-Saint-Remy, Eure, arr. des Andelys, cant. d*£co8.
la teneur de ces présentes au bailli de Rouen et des ressers et exeropcions de Gisors. . . Donné a Paris, le xxvj« jour de décembre, l'an de grâce mil CCCCXXXI et de nostre règne le dixiesme. Ainsi signé : Par le Roy, en son G>nseil, ouquel mons. le duc de Bedford, mons. le Cardinal d* Angleterre» vous les evesques de Beauvais, de Nojon et de Paris (i), le conte de Warrewik, messire Jehan le Clerc, le Premier Président et pluseurs autres estoient. J. Milbt.
