CCI. — Paris, S4 décembre

Rémission à Jean Graindorge^ iTEchalou, pour le meurtre de Jehannin Orente, de Bellou-en-Houlme, avec lequel il s^était pris de querelle au sujet du paie* ment de certains appatis levés sur les habitants de cette dernière paroisse. (JJ 175, n. 19, fol. 8 recto.)

Henry, etc.. Savoir faisons, etc., nous avoir receu Tumble supplicacion des parenset amis chamelz de Jehan Graindorge, le jeune, de la parroisse d'Eschallou en la viconté de Faloise (i), povre simples homs laboureur, aagié de xx ans ou environ, chargié de femme, contenant que come, depuis la saint Michiel derrenierement passée, ledit Graindorge feust aie disner en Tostel d*un nommé Jehan Rousselaie, ouquel icelui Graindorge et pluseurs autres estoient alez veoir la femme d'icelui Rousselaie qui gesoit d^enfant. Auquel disner, quant il fu bien près de nuit, vint un appelle Jehannin Grente, lequel se assist a la table près dudit Graindorge. Et quant ilz orent fiait bonne chiere ensemble, prindrent a parler des appatiz que les parroissiens de la parroisse de Bellou (2), où demouroit ledit Grente, estoient contrains de paier a noz ennemis et adverseres, et condescendirent a parler d'un nommé Robin Boudart, lequel estoit prisonnier de nosdiz ennemis a la forteresse d^Aunou (3) et dist icelui

(i) Echalou, Orne, arr. de Domfront, cant. de Messei.

(2) Bellou-en-Houlme, même canton.

(3) Aunou-le-Faucon, Orne, arr. et cant. d'Argentan.

Graindorge ( i ) que ledit Boudart n'avoit riens voulu paier desdiz appatiz etquec'estoitgrant pitié qu^il n^avoit voulu aidier aux autres quant ilz avoient esté prins, et que mallegangne envoiast Dieu a ceulx qui lui aideroient. Lequel Grente, oyant ces paroles, indigné contre ledit Graindorge, lui dist : c Mais a ton visaige, tu as fait que faulx garson de le dire ». Lequel Graindorge, en soy excusant, dist alors audit Grente : « Sauve vostre grâce, je ne suis point garson ! » Lequel Grente dist : c Si es et as fait que faulx garson de Tavoir dit ». Lequel Graindorge dist lors a icelui Grente quMl avoit menti comme garson avoistre. Et ces paroles dictes, icelui Grente print un pain, dont il voulu fraper ledit Graindorge. Lequel, pour doubte que ledit Grente ne le ferist, se leva de la table pour soy eslongnier d*icelui Grente. Et aussi se leva ledit Grente et print icelui Graindorge a deux poings a la gorge, et convint que ceulx qui presens estoient se levassent pour lui oster ledit Graindorge d^entre ses mains. Et ce fait, eulx qui les avoient departiz retournèrent eulx asseoir a la table, cuidans que ledit Grente se rasseist semblablement. Et quant icelui Grente les vit rassis et qu^ilz furent esloingnez de luy, il se print a courre après ledit Graindorge, lequel il print derechief a la gorge a deux poings, dont il Testraingnoit très fort, come se il le voulsist estrangler. Lequel Graindorge lui dist pluseurs foiz quMl laschast sa prinse ou qu'il le lui feroit bien laschier. Et pour ce que ledit Grente n'en vouli riens fere et que ledit Graindorge doubtoit qu'il le estranglast ; icelui Graindorge tira son coustel et frappa ledit Grente ung coup entre deux costez. A Toccasion duquel cop, icelui

(i) n y a « Grente » dans le texte; mais, «Je toute évidence, il faut lire « Graindorge ».

Grente, corne Fen dit, ala de vie a trespassement, par mauvaise garde ou autrement, dedans trois jours ensuivans ledit cas advenu. Pour lequel cas, icelui Graindorge, doubtant rigueur de justice, s'est absenté et n^ose converser ne repairier au pais. . . Si donnons en mandement par ces présentes au bailli de Caen. . . Donné a Paris, Tan de grâce mil CCCC XXXI, le xxiiij^ jour de décembre et de nostre règne Tan dixiesme. Ainsi signé : Par le Rt>7, a la relacion du Conseil. Lommot.

CCI*. — Paris, a6 décembre 143 1.

Rémission à Jehanninot Mestier, du Tréport, brasseur de cervoise, qui, s'étant réfugié en Picardie pour fuir les menaces de mort de certains Anglais de la gar* nison d^Eu, avec lesquels il était en rivalité au sujet d'une femme, est tombé entre les mains d'une bande de brigands, et, les ayant suivis dans leurs expédi* tionSf a pris part à une attaque d'environ 80 d'entre eux contre la ville du Tréport. (JJ 175, n. 27, fol. 10 verso.)

Henry, etc., Savoir faisons, etc., nous avoir esté exposé de la partie des parens et amis charnelz de Jehanninot Mestier, natif de la ville du Tresport (i), aagié de xxiiij ans ou environ, que, depuis deux ans en ença ou environ, ledit Jehanninot retourna du pais de Picardie, où il estoit alez paravant demourer pour apranre le mestier de brasseur de servoise, en ladiae ville du Trespon, pour demourer en icele et ylec faire sondit mestier. Lequel Jehanninot, demourant en ladicte ville et faisant

(t) Le Tréport, Seine-Inférieure, arr. de Dieppe, oant. d*Eu.

lé}

sondit mestier^ pour occasion d^une femme ot débat avec aucuns Anglois de la garnison d*Eu, tant que paroles se meurent et que lesdiz Anglois le appellerent traictre armignag, et le menacèrent de tuer. Et lors lui doubtant lesdictes menaces, fu conseillié par ses amisdesoy absenter et aler demourer oudit pais de Picardie comme parafant, pour eschever la fureur desdis Anglois^ jusques ad ce que on eust chevy a eulx. Et pour ce se parti ledit Jehanninot, et en alant fu encontre des brigans qui le menèrent prisonnier au bois, et d'ilec a Beauvais, où ilz lui dirent que, se il ne aloit en leur compaignie aux bois fere comme eulx, ilz le feroient pendre parmy la gorge. Pour laquele cause lui, doubtant la mort, s'acompaigna avec lesdis brigans, avecques lesquelz il a repairié et fréquenté esdiz bois et ailleurs, et pendant ce a pillié, robe et raençonné pluseurs marchans anglois et autres. Et aussi durant ledit temps a esté en la compaignie de iiij" brigans et autres noz adverseres pour rober et piller ladite ville du Tresport ; en retournant de laquele ville encontrerent une garnison d'Anglois, qui lescombatirent et tant que d^un costé et d*autre en ot pluseurs navrez et deux Anglois mors en la place. Et lui considérant les maulx dessusdiz, meu de repentance, a fait requérir au capitaine d^Eu, qui a présent est, un respit pour un mois pour parler a ses amis et pour requérir pendant ledit mois nostre pardon et remission des choses dessusdictes, lequel respit lui a esté octroie par ledit capitaine ; et neantmoins ne se oseroit tenir ne demourer au pais, doubtant rigueur de justice... Si donnons en mandement au bailli de Caux. . . Donné a Paris, le xxvj» jour de décembre, Tan de grâce mil CCCC trente et ung et de nostre règne le dixiesme. Ainsi signé : Par le Roy, en son Conseil, ouquel mons. le duc de Bedford, mons. le cardinal d'An-

gleterre, vous les evesques de Beauvais, de Noyon et de Paris, le conte de Warrewik, messire Jehan Le Qerc, le Premier Président et pluseurs autres estoient. J. Milet.