CCIV. — Paris, 2 janvier 143a. (n. s

Rémission à Pierre des Buques^ de la paroisse du Pin, pour le meurtre du valet d'un homme d'armes anglais qui parcourait le pays en pillant les bonnes gens et quif sur le refus dudit Pierre de lui donner quatre boisseaux d'avoine, l'avait frappé à coups de bâton, (JJ 175, n. 18, fol. 7 verso.)

Henry, etc., Savoir faisons, etc., nous avoir receue Tumble supplicacion de Pierre des Buques, povre homme

(1) Cest celui qui s*empara du château de Rouen, dans la nuit du 3 au 4 février 143a. V. plus loin, no CCVIII.

laboureur, chargié de femme et d'enfans, demourant es ville et parroisse de Nostre Dame du Pyn ( i ), en nostre bailliage de Rouen, contenant comme le jour de feste Saint Luc, ou mois d^octobre derrain passé (2), ledit suppliant lors estant en la court de Tostel de sa demourance audit lieu, oh adont il s^occupoit a lever certain sien fumier, afin de fere aler l'eaue autour pour icelai fumier fere plus tost pourrir, vint ylec monté sur un cheval ung paige, nommé Richard, varlet de Jehan le Portier, homme d'armes anglois. Lequel Richard, en soy adreçant a la personne dpdit suppliant, lui dist que il lui feist finance de quatre boisseaulx d^avoine. A quoy ledit suppliant lui respondi que il ne pourroit ce fere et qu'il n^en avoit point. Apfès laquelle responce ainsi foicte, ledit Richan dist a icelui suppliant que il se avançast de ce fere. Et pour ce que il vist que ledit suppliant .ne se mou voit aucunement dealer fere finance de ladicte avoine, et aussi que la seconde foiz avoit respondu que il n'en avoit point, icelui Richart, lui estant sur ledit cheval, meu de félon courage, frappa d^un baston qu^il tenoit ledit suppliant. Pour quoy icellui suppliant lui priaqu^il se deportast atant de le batre et villener et que pour vérité il ne pourroit finer de ladicte avoine et que se aucune autre chose vouloit de ses biens, quMl en prenist souffisaument. Pendant le temps duquel débat survint ylec une femme nommée Marion, habitant desdictes viUe et parroisse, laquele, comme poursuivant ledit Richart et soy complaignant d^celui, disoit et dist lors que il et ung autre paige, son complice, lui avoient prins, tolu et emporté de force certains ses biens, et entre autres choses

(1) Le Pin, Calvados, an*, et cant. de Lisieui. (a) 18 octobre 1431.

y avoit ung sac que ledit Richart avoiten sa possession. Lequel suppliant qui lors vit et entendi ces choses, et mesmement pour ce que de ce icele Marion se doulousoit moult, icelui suppliant lui dist qu^elle se appaisast et teust. Etadonc ledit Richart, lui estant ainsi sur ledit cheval, bouta dudit baston et de Pun de ses piez icelui suppliant si efforceement et oultrageusement que icelui suppliant chey a terre. Et après ce qu'il fu relevé, et ainsi comme il se cuidoit deffouir pour évader la fureur dudit Richard, qui encores estoit sur ledit cheval, icelui Richart se descendi a pié et le rassailli de rechief et de fait le frappa dudit baston. Rit lors ledit suppliant, qui tenoit une pelle ferrée dont il relevoit ledit fumier, soy veant ainsi villené, batu et vitupéré sans cause raisonnable, se retourna contre ledit Richart, et lui esmeu de chaude cole, yré et courroucé, frapa un cop de ladicte pelle sur la teste dudit Richart, jusques a effusion de sang. Lequel Richart ainsi frappé se départi d'ilec et sVn ala en la ville de Lisieux, qui est a trois lieues dMlec ou environ, en laquelle ville, oii pestilence dUmpidemie lors avoit cours, il acoucha malade au lit, et en la fin de onze jours après ensuivant ledit cas advenu, il ala de vie a trespas. Pour occasion duquel cas, ledit suppliant s^est absenté dudit lieu et pais. . . Si donnons en mandement au bailli de Rouen. . . Donné a Paris, le deuxiesme jour de janvier. Tan de grâce mil CCCC et trente ung et de nostre règne le dixiesme. Ainsi signé : Pan le Roy, a la relacion du Conseil. G. Ferrrbouc.

CCIV*. — Paris, 6 mars I43a (n. s.)*

Rémission à Sé:^ire, veuve de Guillaume Liégart, demeurant à Houville, près les Andelys, pour avoir reçu che\ elle son fils, Toussaint Liégart, brigand, et s^étre mise en peine de lui trouver une barque sur laquelle il pût passer la Seine à Muids. (JJ 1 75, n. 75, fol. 24 recto.)

Henry, etc., Savoir faisons, etc., nous avoir receu Tumble supplicacion des amis charnelz de Sezire, vefve de feu Guillaume Liegart, nagaires demourant en la parroisse de Houville près Endely sur Seine (i) et a présent furtive, comme un sien filz nommé Toussin Li^art, aagié de xxiiij ans ou environ, se feust pieça parti d^avec elle, comme jeunes enfans se partent aucunes foiz sans congié de père et de mère, et s'en feust aie ladiae Serize ne scet où, fors que depuis elle oy dire a pluseurs personnes que, par temptacion d ennemy ou autrement de sa voulente, s^en estoit aie demourer et converser avec noz ennemis ; dont elle et lesdiz supplians furent très courrouciez et merris pour leur deshonneur et vitupère. Et il soit ainsi que, depuis Noël derrain passé ença, a un soir, elle estant en son hostel, en ladicte parroisse de Houville, icelui son filz, acompaignié d'un autre compaignon tenant ledit parti arrivèrent en sondit hostel. Et après ce qu^elle ot blasmé et reprins sondit filz pour le retraire a son povoir, comme mère doulente de son gouvernement, icelui son filz, faingnant qu'il se voulsist retraire et qu^il ne s'osast pas monstrer, lui pria qu'elle voulsist aler fere diligence d'aler vers la rivière de Seine quérir aucun passage par lequel lui et sondit compaignon peussent (2)

(i) Houville, Eure, arr. des Andelys, cant. de Fleury-sur-Andelle. (3) n y a dans le texte « pensant •, faute évidente du copiste.

passer oultre ladicte rivière du costéde Louviers. Laquele Sezire, pensant en sa conscience que sondit filz eust grant ▼oulenté de soy retraire et quMl voulsist aler servir hors du pais en aucun lieu en nostre obéissance, ala parler a un nommé Colin Taudet, pescheur demeurant sur ladicte rivière, en la ville de Muis (i ), pour savoir s*il passeroit sondit- filz et son compaignon ; lequel Taudet si accorda. Et après s^en feust retournée en sondit hostel, ouquel certaine nuit après ensuivant sondit filz retourna pour savoir qa^elle avoit faict ; laquele lui dist que ledit Taudet lui avoit accordé de le passer, en lui priant très aœrtesqa^il se voulsist retraire et lui remonstrant comme mère le très grant dangier où il s'estoit mis et le déshonneur qu'il lui avoit fait et faisoit et a leurs parens et amis par son petit gouvernement, et que pour Tamour et honneur de Dieu il voulsist cesser icelui gouvernement, et qu'il trou vast moien pour retourner et demourer en nostre obéissance, comme elle et ses parens faisoient et avaient fait. Lequel, après ces paroles et pluseurs autres tendans a bonne fin et de restrinccion, se feust parti d^elle come repentant, en la commendant a Dieu de bénigne voulenté, come il sembloit de prime face a ses paroles et manière, en lui disant avec ce que au plaisir Dieu il en feroit tant qu'elle et ses parens et amis en seroient bien contens ; ne onques puis elle ne le vit et ne scet où il ala, mais depuis lui a esté dit qu'il ne s'estoit point retrait, et pour ces causes et qu'elle ne dénonça pas a justice sa venue ne ce que dit est elle s'est rendue furtive, latitant. . • Si donnons en mandement par ces mesmes présentes au bailli de Rouen et des exempcions de Gisors. . . Donné a Paris, le vj< jour du mois de mars, Tan de grâce mil CCCC XXXI

(1) i4uidi, Eure, arr. de Louviert, cant. de Gaillon.

et de nostre règne le dixiesme. Ainsi signé : Es requestes tenues par mons. le gouvernant et régent le royaume de France, duc de Bedford, esqueles vous les evesquesde Beauvais, de Noyon et de Paris, le Premier Président et pluseurs autres estoient. J. de Drosay.