CCXII. — Paris, 5 septembre

Rémission à un gentilhomme de la paroisse du Tordouet, employé à la garde du château de Courtonne^ lequel, étant allé trouver un certain Massot Hébert, rebelle, pour rengager à faire sa soumission, /est pris de querelle avec lui au sujet d'une petite rivière, où ledit Massot prétendait avoir le droit de pêcher, et Pa frappé mortellement de plusieurs coups de dague. (JJ ijSy n. 143, fol. 44 verso.)

Tumble supplicacion des parens et amis charnelz de Henry du Buisson (i), povre gentilhomme, aagié de vint six a vint sept ans, ou environ, chargié de jeune femme et de deux petiz enfans, demourant en la parroisse de Tordoit ou viconté d^Orbec, a deux lieues ou environ prés du cbastel de Courthonne, contenant que comme, le dimenche penultime jour de mars derrain passé, ledit Henry feust aie veoir son mesnage en ladicte parroisse de Tordoit, où estoit un appelle Massot Hébert, filz de Jehan Hébert, d^icelle parroisse, lequel Massot estoit retourné en nostre obéissance par le moien de certaine remission qu^il avoit obtenue de nous, pour occasion de ce qu^il avoit tenu le parti de noz ennemiz et adverseres, et pour ce que l'en disoit qu*il traictoit durement et malgracieusement ses père et mère, qui avoient emploie le leur a obtenir ladicte remission, laquele ne povoit encores estre

(1) Henri du Buisson, écuyer, rend aveu au roi Charles VI, le 8 octobre 1412, pour le fief de Tordouet en la vicomte d'Orbec (Tordouet, Calvados, arr. de Lisieux, cant. d'Orbcc). (Cf. Arch. Nat P 3o8, 2e partie, fol. 4 verso). Le fief de Tordouet passa entre les mains d'Odon de Saint-Ouen, écuyer, par suite de son mariage avec la fille d'Henri du Buisson. Odon de Saint-Ouen rendit soo aveu au roi Charly Vil le 8 juin 1452. {Ibid.y fol. 13 verso.)

ao2

vérifiée pour les grans maulx et oultrages commis par ledit Massot, et que pour celle cause ou autrement s^en vouloit retourner ou parti desdiz adverseres, ainsi que l'endisoit au pais, ledit du Buisson, cuidant bien fere, se feust charitablement trait par devers ledit Massot pour lui dire et remonstrer qu^il se deportast d'estre ainsi rude a sesdiz père et mère, qui unt avoient mis et emploie du leur a lui pourchacier sadicte remission, et qu'il feust obéissant a eulx, si comme filz doit estre a ses père et mère, et aussi qu'il se mariast et gouvernast doulcement et ne retournast pas avec lesdis ennemis, et que s'il cuidoit qu'il y voulsist retourner, il le prendroit et meneroit prisonnier oudit chastel, où yceluidu Buisson estoit retraict et aidoit a le garder. Et en disant ce que dit est amiablement, ainsi qu'ilz estoient assis a table et buvoient ensemble en Tostel dudit Massot, par bonne amour et comme amis et voisins pevent fere Pun avec l'autre, ledit Henry, qui ne pensoit que a tout bien et a retraire icelui Massot et Pexborter ad ce que devant est touchié, lui dist entre autres choses qu'il avoit entendu qu'il s'estoit venté de peschier en certain doir ou porcion d^une petite rivière ou ruisseau, qui est au pais, ouquel ledit Henry disoit avoir droit de peschier. A quoy ledit Massot respondi bien arrogamment que voirement il y pescheroit et que ledit Henry ne le pescheroit que une foiz en Tan, et usoit ledit Massot a rencontre dUcelui Henry de paroles couvenes, innuans ou demonstrans qu'il avoit voulenté de peschier ledit doir. Pour quoy icelui Henry, veant son obstinacion, fu chaudement et hastivement meu et bailla de la paulme une buffe en la joe a icelui Massot ; lequel lui dist incontinent qu'il s'en repentiroit. Et adoncques icelui Henry, esmeu tant de ce corne des paroles premières, print ledit Massot par le colet de sa robe et le tira

a soy, en disant qu^ii le emmeneroit oudit chaste! de Courthonne ; et en ce faisant, la table chey, et lors s^entreprindrent ensemble, et ou conflict ledit Henry, par tempucion de l'ennemy ou autrement, tira une dague qu^il avojt, dont il frappa un cop ledit Massot ou costé, et deux autres cops du plommel d*icelle dague sur la teste, et tantost après ce ledit Massot ala de vie a trespas. Pour occasion de quoy, ledit Henry s'est éloigné ou absenté, a délaissé son mesnage, ouquel il ne oseroit jamais retourner, doubtant rigueur de justice.. . Actendu la jeunesse dudit Henry, lequel... s^est exposé en nostre service a rencontre de nosdiz ennemis, lesquelz a cause de ce Tout prins et mené prisonnier ou chastel de Nogent le Rotrou, où il a esté par eulx longuement détenu et très durement et inhumainement traictié, et après Tout mis a grant rançon, qu'il lui a convenu paier, dont il a esté et est come destruit et sa chevance moult diminuée, et si a ledit Henry fait satisfacion et composé avec le père dudit feu Massot. . . Si paiera pour le salut et remède de Tame d^celui deffunct dix livres tournois, c^est assavoir la moitié a Postel dieu de Paris et Tautre a celui de Lisieux. Si donnons en mandement par ces présentes au bailli de Rouen. . . Donné a Paris, le v« jour de septembre, Tan de grâce mil CCCC XXXI 1 et de nostre règne le dixiesme. Ainsi signé : Es requestes tenues par Mons. le gouvernant et régent de France, duc de Bedford, esqueles vous les evesques de Beauvais, de Noion et de Paris, les seigneurs de Courcelles et de Qamecy et autres estoient. Ja. de Lunain.