CCXVI. — Paris, 3i octobre 143a

Rémission à Georges NotiSj écuyer anglais^ pour le meurtre de Raoul Beatrix, tué dans un conflit survenu entre les gens du seigneur de Courseulles et plusieurs habitants de Bény, au sujet d'une certaine quantité de vesce que ledit écuyer avait fait scier sur des ]fiéritages dépendant de la seigneurie de Cour» seulles et que lesdits habitants de Bény voulaient Pempécher d'enlever, (JJ 175, n. i65, fol. 52 recto.)

Henry, etc.. Savoir faisons, etc., nous avoir receu Tumble supplicacion des parensetamis de George Notis, escuier, serviteur de nostre amé et féal Hartenk Waughoux, chevalier, seigneur de Courseulle (i), ou bailliage de Caen, contenant corne, ou mois de juillet derrenierement passé, ledit suppliant pour prendre la possession de certains héritages, assis en la parroisse de Benye (2), pour garder le droit de la seigneurie dudit lieu de Courseulle, eust envoie par Fouquet le Masurier (3)

(1) Courseullet- sur-Mer, Calvados, arr. de Caen, cant. de Creully.

(2) Bény-sur-Mer, Calvados, arr. de Caen, cant. de Creully.

(3) Fouquet le Masurier, dit Bertault, fils de feu Etienne le Masurier, de la paroisse de Creully, obtint, le 7 août 1433, une lettre de rémission relative au même fait : cette lettre se trouve dans le même registre JJ 175, n. 373, foL 9a verso. Les faits y sont exposés à peu près dans les mêmes termes. Georges Notiz ou Nostiz, écuyer, est qualifié du titre de capitame et garde du chftteau de Courseulles ; son frère est appelé Comps Notiz. Parmi les personnages du drame figure un certain Jean, portier du chftteau de Courseulles, dont il n'est point question dans la lettre du 3i octobre 1432, publiée ici.

et Davy Denise, aagiez de xiiij ans ou environ, ses serviteurs, quérir deux trousseaux de vesce qui avoit creu sur lesdiz héritages, laquelle chose il povoit et devoît fere, selon la coustume de nostre pais de Normandie, en gardant les droiz de ladicte seigneurie. Et quant lesdiz serviteurs orent chargié lesdiz deux trousseaux de vesce, ung nommé Raoul Beatrix, de son auctorité et de fait, vint a eulx et leur rescouy et osta ycele vesce, en empeschant ledit chevalier en sesdroisde ladiae seigneurerie. Et non content de ce, dist ausdiz serviteurs que ledit George Notis, leur maistre, estoit un vilain murdrier et que il n^estoit a riens bon, sinon a croupir es cendres. Lesqueles paroles et aussi ladicte rescousse furent rapportées par lesdiz Masuier et Denise a ycelui Notis, dont il fu mal content. Et pour cause de ce, et afin dVn savoir la vérité, et aussi afin de garder le droit dudit chevalier et de sadicte seigneurie, ycelui Notis, acompaignié desdiz Masuier et Denise, de Fouquet le Masuier dit Bertault, d'un Anglôis nomé Mannequin Contest Notis, frère dudit George, de Thomas Willeston, archier, et d^un page nommé Robin le Tellier, se transporta en Teritage où estoit ladicte vesce, et ylec fist soyer certaine porcion de ladicte vesce, en espérance de la vouloir fere emponer. A quoy survindrent ledit Raoul Beatrix, Denis Beatrix, son frère, et pluseurs autres gens dudit lieu de Benye, lesquelz par force rescouirent et osterent ycele vesce. Et de fait fu ledit Fouquet le Masuier, le jeune, pris au corps par ledit Raoul Beatrix, et en ce faisant s^entrebatirent telement que ledit Fouquet donna audit Raoul deux cops du plat de son espée, et ycellui Raoul aussi donna audit Fouquet pluseurs cops de baston. Et pour ce que ycelui Fouquet le Masuier crioit a Taide, ledit page, qui lenoit un petit baston en sa main, fery un cop ycelui

Raoul Beatrix par la teste. Et pour ce que lesdiz Fouquet et page estoient en péril d'estre murdriz et tuez et que très fort ilz crioient a Faide, pour les secourir vindrent a eulx lesdiz Contesta George Notis et Thomas Willeston, et aussi ledit page nomé Tellier; et ledit Contest ainsi venu et arrivé audit conflict, ledit Denis Beatrix, frère dudit Raoul, fery ycelui Contest d^un baston par la teste, telement que sang en sailly et que il chey a terre tout pasmé et estourdy. Et aussi fery ledit Denis un autre cop par la teste ledit Willeston, telement que semblablement yl chey a terre. Et lors icelui Georges Notis, moult courroucié et desplaisant des choses, bateures et violences ainsi faictes, tira son espée^ en disant teles paroles ausdiz Beatrix et autres leurs complices : c Vous estes faulx garçons et mauvaises gens de batre et ainsi villener mes gens et les serviteurs de monsieur de Courseulle ! » Et adont lesdiz Contest et Willeston se relevèrent et par ledit Contest (i) furent donnez audit Raoul Beatrix sur la teste pluseurs cops d^espée, et ledit Masuier dit Bertault print au corps ledit George et l'empescha telement que il ne peut ferir ledit Beatrix, et atant se départirent. A Toccasion desqueles bateures, ung mois aprèsou environ, ycelui Raoul ala de vie atrespassement. Pour lequel cas ledit George a esté appréhendé et mis en noz prisons a Caen, oti il a desja esté détenu par Tespace de trois mois ou environ, et encores y est, en grant misère et povreté, et les. autres dessusdiz se sont desfuys et absentez du pais, et par ainsi ycelui George, qui est un bon escuier et qui nous a bien et loyaument servy en noz guerres, est en péril et dangier de finer ses jours misérablement... Si donnons en mandement a nostre bailli de

(i) Il y a dans le texte : Conrest

Caen... Donné a Paris, le derrenier jour du mois d'octobre. Tan de grâce mil CCCC et XXXII etdenostre règne le xj«. Seellées de nostre seel ordonné en Tabsence du grant. Ainsi signé : Es requestes tenues du comman« dément et ordonnance de mons. le gouvernant et r^ent de France, duc de Bedford, esqueles Tevesque de Beauvais, maistre Guillaume le Duc, Président en Parlement, messire Jehan de Pressy, chevalier (i), et autres estoient. J.DE Drosay.

CCXVIL — Mantes, lo décembre 1432.

Rémission à Colin de Seulle et Tliomas Maheult, pour le meurtre (fun homme iTarmes normand qui était venu^ en compagnie d'une troupe d^ Anglais, piller les habitants de Saint' Germain-d^Ectot. (JJ 175^ n. 195, fol. 63 verso.)

Henry, etc., Savoir faisons, etc., nous avoir receu Tumble supplicacion des parens et amis charnelz de Colin de Seulle, chargié de femme et enfans, et de Thomas Maheult, povre jeune homme demourant en la par-

( I ) Jean de Pressy, sieur du Mesnil, trésorier de France, conseiller et chambellan du duc de Bourgogne. C'est lui qui, à Arras, avait sollicité vainement la Pucelle de reprendre ses habits de femme. 11 était parmi les seigneurs de l'entourage du jeune roi Henri VI, lors du séjour que ht ce dernier au château de Rouen , du 29 juillet 1430 au 20 novembre i43i, séjour qui coindde avec le procès de Jeanne d'Arc, et il accompagna ce prince quand il 6t son entrée solennelle à Paris, le 1 décembre de cette même année. ^Chronique d* Enguerran de Monstrelet, édit. Doûet d'Arcq, V, 2.) Son sceau, appendu à une quittance de gages pour service de guerre à Paris (24 août 14 10), a été décrit par Demay {Invent, des Sceaux de la Collection Clairàmbaulty II, 85;.

roissede Saint-Germain-d^Esquetot (i), ou bailliage de Caen, contenant comme puis nagaires certaine compaignie d^Anglois et autres gens de guerre de cestui nostre parti se feussent alez logier en ladicte parroisse, entre lesquelz estoit et chevauchoit un jeune hommedont on ne scet le nom, natif du pais de Normandie, come l'en dit, lequel se parti de la compaignie dudit capitaine et ala en l'osteldudit de SeuUe, et entra es chambres et soliers dudit hostel et commença a cerchier et quérir partout ledit hostel savoir s'il y trouveroit aucune chose pour emporter ou rançonner, et ne trouva aucune chose, exceptez aucuns peu de biens qu'il rançonna a xv s. t. Lors trouva ledit Seulle et deux femmes, dont Tune estoit aagée de Iz ans passez, a laquele il voulu fere entendant que elle lui a voit osté son chaperon et arrachié des cheveulx de sa teste, pour avoir occasion et trouver cause de raençonner lesdictes femmes. Et ja soit ce que lesdiz chaperon et cheveulx ne lui eussent point esté otez, si leur demandoit il pour ce six saluz d'or. Et lors la congnoissance de la raençon et malefaçon que avoit faicte ou sefforçoit de fere ledit homme Normant, les nouvelles alerent a la notice dudit capitaine, qui estoit logié ailleurs en ladicte ville. Lequel capitaine dist a celui qui lui adnonça qu'il en feroit bonne justice, et monta et fist monter a cheval aucuns de ses gens pour aler quérir ledit malfaicteur, pour ce qu^il savoit bien qu'il estoit coustumier de fere telz raenconnemens et pilleries comme il diioit. Et quant ledit capitaine fu venu oudit hostel, trouva que ledit de Seulle avoit baillié xv s. t. pour la raençon de sesdis biens. Et lors quant ledit malfaicteur

(i) Soint-Gcrmain-d'Ectot; Calvados, arr. de Bayeux, cant. de Caumont.

apperceut que sondit capitaine estoitlà venu, aiantcongnoissance que il le queroit, s^enfouy es bois auprès d'ilec et ne peut estre trouvé. Et assez tost après iceulx gens d*armes se alerent logier en une autre ville, nomée Linguievre ( i ), a une lieue ou environ dudit Saint Germain. Et après qu'ilz furent partiz, ledit malfaicteur, sachant que ledit capitaine et ses gens s'en estoient alez, retourna en ladicte ville de Saint Germain et dist a pluseurs personnes qu'il les destruiroit, pour ce quMlz Tavoient encusévers ledit capitaine et si tueroit ledit de Seulle et autres et ardroit leurs hostelz et maisons, et d'autres menaces. Lesquelz de Seulle et Maheult, doubtant ces menaces, panirent pour aler après lui en espérance de le mener parler audit capitaine. Lesdiz Seulle et Maheult trouvèrent ledit malfaicteur ; lesquelz lui distrent ces paroles ou semblables en substance : « Venez hardiement avec nous a vostre capitaine faire vostre paix, et s'il vous couste six ou sept frans, nous le vous rendrons, afin que nous demourions voz amis ». Et adonc commancerent a cheminer ensemble. Et ainsi qu^ilz s'en aloient ensemble audit capitaine, icelui compaignon, malcontent d^eulx, et en persévérant en sa mauvaise voulenté, sacha son espée du fourrel et se efforça de les ferir d'icelle espée et les navrer. Et lors ledit Maheult, en repellant la force et maie voulenté d'icelui, se print a lui et lui osta son espée ainsi qu'il le cuidoit ferir. Et alors ledit Maheult donna un cop de ladicte espée sur la teste d'iceluî malfaicteur, dont il lui fendi le test. Et aussitost ledit de Seulle print ladicte espée, et derechief fery un autre cop ou pluseurs sur la teste dudit compaignon malfaicteur, dont desdiz coups ledit compagnon est aie de vie a trespassement. . .

(I) LingèvreSy Calvados, arr. de Bayeux, cant. de Balleroy.

Si dounons en mandement par la teneur de ces mesmes présentes au bailli de Caen . . . Donné a Mante, ledixiesme jour du mois de décembre, Tan de grâce mil CCCC XXXII et de nostre règne le xj«. Ainsi signé : Es requestes tenues du commandement et ordonnance de mons. le régent et gouvernant le royaume de France, duc de Bedford, esqueles Tarchevesque de Rouen, Teresque d'Evreux, l'abbé du Mont Saint Michiel (i), le seigneur de Saint Pierre et pluseurs autres estoient. J. db Drosay.